логоFacebookTwitterYouTubeeMail

 


Ваше Блаженство, Ваши Високопреосвештенствa, чесни отци, браќа и сестри!
Му благодариме на Бога што нè воведе во овие денови на Божиќниот пост, кога молитвено се подготвуваме да го пречекаме Богомладенецот, Кој, како што исповедаме во Символот на верата „се роди заради нас и нашето спасение“.
Денес, овде, во соборниот храм во престолниот град Скопје и ширум нашата татковина, празнично торжествуваме, славиме и си спомнуваме за нашиот духовен родител, патрон и покровител свети Климент Охридски. Црквата два пати во годината молитвено го одбележува споменот на свети Климент Охридски.
Летниот спомен на 9 август е денот на упокојувањето на светителот, а зимскиот осмодекемвриски спомен, е именденот на свети Климент Охридски. Неговите ученици продолжиле да го одбележуваат именденот на својот учител и по неговата смрт, а кога Црквата го вброила свети Климент во диптихот на светиите, тие ги славеле и двајцата: и охридскиот, и римскиот Климент. По единаесет векови, еве, и ние го продолжуваме ова предание и си спомнуваме за овие две истоимени, незаодни светила.
Човекот во кого ќе се вообличи Христос лесно се препознава како вистински духовен пастир на својот народ. Денес, на овој убав ден, да се потсетиме кој е за нас свети Климент.
За таа цел, тој во неукрадливо наследство за навек ни ја остави Црквата.
Дозволете ми да направам паралела на еден добар, грижлив и милостив татко кој на своите деца, синови и ќерки, откако се исполнило времето од историскиот тек, пред своето заминување, во наследство им ги остава спечалениот имот, земјиште и куќа. Наспроти него, овој наш духовен татко како завештание ни ја остави Црквата како најголем дар, а во неа духовноста и писменоста како просветлување или, како што тој самиот велел, просвештение за да дојдеме до познанието на верата во Бог Света Троица.


Во таа Црква се крштеваме, венчаваме и погребуваме со надеж на животот во идниот век. Во таа црква, за прв пат, радосно дознаваме и ја откриваме евангелската, блага и победоносна вест дека смртта, најголемиот непријател на човекот е победена со воскресението на Првородениот од мртвите – Христос. Во нејзиниот купел го потопуваме биолошкиот пакет на постоењето и тој чудесно се преобразува, проткаен од несоздадените љубовни енергии на Живиот Бог, во еден нов начин на егзистенција – црковен и благодарствен. Во Црквата ги јакнеме крилјата на душата и се учиме духовно да се издигнуваме со постот и молитвата.
Понекогаш, во радоста на новооткриеното небо, човекољубивиот Бог допушта да ги почувствуваме студените ветришта на бурата во вителот на грижите од секојдневието. Тогаш, во тој метеж, во тој процес на трагање по смисла, низ болка и мака, низ сиот распон на внатрешните состојби, во нас се раѓаат најискрените воздишки и зборови кон Бога, се раѓа нашата лична молитва, нашиот личен однос со Бога. Токму ваквото новостекнато искуството на подеми и падови, на плими и осеки, ни ја открива Црквата како наша духовна болница која со својата грижа и терапија, преку исповедта и покајанието, го лекува и обновува во нас паднатиот образ и нè причестува со лекот на бесмртноста. Средиште и полнота на Црквата е евхаристијата. Во неа, евхаристискиот Христос ни се предава како литургискиот дар. И како што вели еден современ подвижник: „Во литургијата има размена на животи. Човекот му го дава својот живот на Бога, а Бог му го предава својот живот на човекот“. За таа посведочена милост, покажана кон нас, трепериме од невештествениот оган кој исходи одозгора и слегува на евхаристиските жртвеници во нашите цркви.
Ете, таква милост ни остави свети Климент по нашите духовни светилишта. Благодат која чисти, просветлува и обожува.
Оти да не забораваме, неговиот генијален влог во областа на лингвистиката, при преводот на книгите, не е заради самиот талентиран превод или заради книжевната вредност како цел самата по себе. Во книгите тој го препознал и открил евангелскиот Христос, Кој сака да го остави во наследство на генерациите по себе и за таа цел неуморно работел сè до својата смрт. Затоа, ја украсува црквата со богатото книжевно-духовно наследство за да ни ја остави нам. Кога гради, тој не го прави тоа за да се овековечува во сопствените градби. На темелите на ранохристијанските базилики ги изградил триконхосните храмови и во нив, на Плаошник, со своите раце го ископал сопствениот гроб за да се положи неговото тело.
Верата на христијаните, почитувани, не прекинува со смртта, туку продолжува до нејзиното исполнување. Така и исповедаме во Символот на верата: Го чекам воскресението на мртвите и животот во идниот век. Но, дури и во овој период на исчекување на Царството што доаѓа во сила врз бездушните тела на оние што се обожиле, се забележуваат одблесоци на идната слава. Распадливоста ја нема власта над овие тела, а од нив се излева благоухание.
Свети Климент ни ги остави и своите мошти за да ги имаме за поткрепа во духовниот раст и зрелост, но, и во маките и немоќта наша човечка.
На самиот крај, сакам да споделам со Вас дека како христијани постоиме единствено во заедница во која императив се љубовта и слободата. Нашиот Бог е Љубов. Должни сме едни со други да се сметаме за браќа и сестри. И повеќе од тоа, должни сме да ги љубиме и непријателите. Еден е нашиот Отец Небесен. Нашето единство со другите се потврдува со нашата љубов кон нив, без разлика како тие се однесуваат со нас. Средиште на таа заедница е Христос, Кој заради нас претрпе предавство, плукање и распнување, но остана верен до самата смрт. И тоа не беше Неговиот крај, туку повторно и во смртта нè подзеде и нè избави од најдолниот ад и ни дарува живот – и тоа во изобилие, воскреснувајќи од мртвите, вознесувајќи се и испраќајќи ни го Светиот Дух. Во Него се сите наши копнежи, нашата надеж и вера, онака како што ни оставиле свети Климент и сите светии. Да го пазиме, чуваме и негуваме таквиот етос...
Нека ни е честит празникот, благословот на свети Климент секогаш да пребива на нас. Амин.


 
Беседа за свети Климент Охридски, изговорена од Епископот хераклејски г. Климент на 08. 12. 2017 г. во соборниот храм „Свети Климент Охридски“ – Скопје



Видео содржини

Руски Светец Александар Свирски

Сеп 29, 2018
Рускиот светец Александар Свирски - мошти со бела боја и кожа стара повеќе од 500 години, како да е жив

Верата на нашите татковци - Евхаристија

Авг 04, 2018
Верата на нашите татковци Тема: Евхаристија - Света Причест 11.03.2018

Поуки од Светите Отци

krusevoexport

Духовност

Октомври 18, 2018

ПРЕПОДОБЕН ПАХОМИЈ ВЕЛИКИ

Паралелно со преподобниот Антониј Велики, основачот на пустинското, анахоретско монаштво, на почетокот на монашката историја стои и преподобниот Пахомиј, исто така почитуван како Велики, не само заради својата посебна духовна величина, туку и заради тоа што…
Октомври 18, 2018

СВЕТИ ЕФРЕМ СИРИН ЖИВОТОПИС, ТВОРЕШТВО И КАРАКТЕРИСТИКА

Над сè, свети Ефрем си останува прекрасен проповедник – амвонот е почеток и крај на неговото служение, проповедта е трубата на неговото слово и творештво. Неговата проповед е образец за сите времиња и места – по својата библиска основа, православно…

Св. Климент Охридски: Слово за зачнувањето на св. Јован Претеча

Окт 14, 2018 Житија 38
Но ти (Крстителу Јоване), направи нè, преку твоите молитви, да принесуваме достојни…

СВЕТИ ЕФРЕМ СИРИН - Псалм 11 4

Фев 17, 2018 Полезно и Потребно 7165
sv.efrem.sirin2.jpg
СВЕТИ ЕФРЕМ СИРИН Псалм 11. Нема да се справам со себеси и со ѓаволот – Ти Господи,…

Беседи

Митрополит г. Наум: Суштинско недоразбирање

Митрополит г. Наум: Суштинско недоразбирање

Пројавите на неврозата ги објаснивме: губење контрола над мислите и чувствата, губење контрола над зборовите, и најтешкиот вид невроза – губење контрола и над своите дела. Не можат меѓу себе...

БEСEДА за Бoга Свeтиoт Дух кoј излeгува oд Oтeцoт

БEСEДА за Бoга Свeтиoт Дух кoј излeгува oд Oтeцoт

За Свeтиoт Дух ни e oткриeнo дeка Oн излeгува oд Oтeцoт и сo Синoт сe испраќа. Никoј да нe бара пoвeќe за да нe паднe вo заблуда. Штoм излeгува oд...

БEСEДА за Христoвата тага

БEСEДА за Христoвата тага

Глeдатe ли кoлку e важна смртта Христoва? Ниe сo нeа смe искупeни, сo нeа смe спасeни. Никoј да нe застанува eдинствeнo на Христoвата наука, туку нeка сe прeнeсe и на...

Воздвижение на Чесниот Крст

Воздвижение на Чесниот Крст

Тоа бил празникот на христијанското царство, кое се родило под закрилата на Крстот, во денот кога царот Константин го видел Крстот над кој пишувало:: „Со ова ќе победиш…” Тоа е...

БEСEДА за тoа какo грeшницитe гo примаат лoшиoт а нe дoбриoт

БEСEДА за тoа какo грeшницитe гo примаат лoшиoт а нe дoбриoт

Кoј e тoј другиoт кoј ќe дoјдe вo свoe имe и кoгo грeшнитe луѓe пoлeснo ќe гo примат oткoлку Христа Гoспoда? Тoа e oнoј кoј нe нoси крст и нe...

   Митрополит Антониј Сурожски - Рождество на Пресвета Богородица

Митрополит Антониј Сурожски - Рождество на Пресвета Богородица

Секој празник на Mајката Божја е чиста радост; тоа е радост не само заради љубовта Божја кон нас, туку и радост заради тоа што земјата – нашата едноставна, родна, обична...

БEСEДА за силата и мисијата Христoва, какo штo прoрeкoл Исаија

БEСEДА за силата и мисијата Христoва, какo штo прoрeкoл Исаија

Духoт на Гoспoда e врз Мeнe. Зoштo Oн тoа гo гoвoри кoга e рамeн на Духoт какo и на Oтeцoт? Заради свeдoштвo на луѓeтo, какo штo тoлкува св. Златoуст. Нe...

протоереј Драган Јанковски: Петнаесетта недела по Педесетница

протоереј Драган Јанковски: Петнаесетта недела по Педесетница

Aко треба да дадеме најкратка дефиниција и најверодостојна карактеристика за науката на Господ Исус Христос и христијанството воопшто, треба да речеме дека тоа е љубов. Можат да се дадат и...

Митрополит Николај Месогејски:Зошто мене, Боже мој? (прв дел)

Митрополит Николај Месогејски:Зошто мене, Боже мој? (прв дел)

Бурата на лекарските прегледи ја заменува бомбардирањето со неодговорените „зошто“. Зошто, Боже мој, толкава болка? Што згрешило ова невино создание? Зошто моето дете, кое ми се чини дека е најдоброто,...

« »

Најново од духовност

Православен календар

20/10/2018 - сабота

Светите маченици Сергиј и Вакх; Светиот маченик Полихрониј;

Правила и одредби на Православната Црква за постот
Православен календар за овој месец - МПЦ

Тропар

Тропар на светата Христова подвижничка Пелагија преподобна 8 октомври / 21 октомври

Тропар на светата Христова подвижничка Пелагија преподобна 8 октомври / 21 октомври

Од темнина изведи ја душата моја –повикуваше о, ти славна мајко Пелагиокон Небесниот Женик твој Христос,Он те поведе во познание,

Тропар на светите Христови маченици Сергеј и Вах 7 октомври / 20 октомври 2018

Тропар на светите Христови маченици Сергеј и Вах 7 октомври / 20 октомври 2018

Величание на Христовите страдалници, и очи на Црквата Христова, Сергее многустрадалени Вакхе преславен, просветете ги очите на нашите души.

 Тропар на светиот Христов апостол Тома 7 октомври / 20 октомври 2018

Тропар на светиот Христов апостол Тома 7 октомври / 20 октомври 2018

Ученик Христов бивајќи, на Божествениот Апостолски Собор сотрудник,со неверие го прими известувањето,за Христовото воскресение,

Добредојде Православие.мк

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Последни коментари

За Божествената правда

Кога некој би ми рекол: ’Отец, морате да ја напуштите својата ќелија зашто таа ми припаѓа мене. Слезете и одете под чемпресот во градината’, ако поседувам Божествена правда, јас тоа со радост ќе го прифатам. Ако постапам според човечката правда, би ја одбил неговата понуда и би почнал да се расправам со него, а може да завршиме и на суд Повеќе...

Архимандрит Георгиј Капсанис

Личноста на архимандритот Георгиј ќе остане во вечно паметење во срцата на оние што го запознале, но генерално и во целата Православна Црква, затоа што преголеми се неговите заслуги за чистотата на верата и за автентичното живеење според неа..Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

Протоереј Андреј Ткачев: Примете, јадете

 

Во Рајот Господ им рекол на луѓето да не јадат од дрвото на познанието. А злиот лукавец велел – јадете. Христос вели „јадете“, „пијте од Неа сите“, а злиот говори: „не јадете“, „недостојни сте“, „потребно е долго и тешко да се подготвувате“. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Икона на Пресвета Богородица „Нажалена за бебињата убиени во утроба“

 

Божјата Мајка е добра застапничка во сé, особено голема е Нејзината помош за жените и децата. Во христијанството постојат голем број на икони на Богородица и тие толку се разликуваат една од друга што тешко е да се претстави дека на нив е изобразена едната и иста Божја Мајка.  Повеќе...

За Моето име

Взбранной Воеводе победительная