логоFacebookTwitterYouTubeeMail

 

Недела 23 по Педесетница

Лука 8, 26-39/шеста недела на Лука

Евангелието е еден вид огледало, во кое се огледуваме себеси, и гледајќи се во него, се дотеруваме внатрешно. Како што секоја куќа има огледало, така треба секоја куќа да има и Евангелие, кое сите ќе го читаат редовно и според него „ќе се дотеруваат“. Во денешното Евангелие чувме за едно исцеление на еден демонизиран човек во Гадара, кој долги години живеел без облека, врзан во синџири покрај гробиштата. Допирот со Христос за него бил исцеление и ослободување од демоните, но тоа истовремено било и пораз за демоните и протерување од човекот. Допирот со Христос ја привлекува благодатта и ги прогонува демоните, додека, пак, оддалечувањето од Христа ја прогонува благодатта а ги привлекува демоните. Според начинот на живот се препознава каде има присуство на благодат, а каде присуство на демони. Народот кој се занимава со суеверија, со хороскопи, народ кој оди по бајачи и гатачи, народ кој не пости и не оди на Литургија, народ кој се уништува себеси со многу разводи, прељуба и огромен број абортуси, со тоа покажува дека е далеку од Бога, и дека има искривена вера и искривен живот. Штом е човекот далеку од Бога, далеку од Литургијата на Црквата и од духовниот живот, вообичаено е да паѓа во демонските мрежи, па така, првата и најголема лага во која веруваат овие религиозни луѓе е – дека постои Бог Кој е некаде далеку, а не постои ѓавол, па според тоа, сѐ што ќе ни падне напамет е од нас и е добро. На ѓаволот тоа му е доволно за да нѐ пороби. И веднаш започнуваме со остра критика кон свештенослужителите, дека се дебели, неморални, возат џипови и мерцедеси, воведуваат скапи свеќи и скапи тарифи и тие се виновни што, ете, ние не веруваме и не одиме во црква. Значи, Црквата е составена само од расипани и недостојни луѓе, крајно дискредитирани и компромитирани, кои немаат право да зборуваат за било што и да даваат памет некому. Веќе Црквата во Македонија е доведена на тоа ниво. За било која тема да се зборува, штом еден свештеник ќе се обиде да дава свое мислење, веднаш е напаѓан со папагалските аргументи за мерцедесите, џиповите, тарифите итн. Е сега, во овие услови, кога совеста на државата, односно Светата Православна Црквата е сведена на тоа ниво, да биде маргинална и безначајна, ѓаволот преку своите носители, лесно ќе ни воведе реформи во државата. Ќе се воведат хомосексуални бракови, посвојување на деца од страна на истите, бесплатна промена на полот кај малолетни деца, легализација на секоја перверзија – поимот „грев“ ќе се избрише. Секоја глупост што ќе му падне на ум на човекот, ќе стане реалност. Тогаш многумина ќе повикаат: „Каде е Црквата, каде се владиците и свештениците да кажат свој став?“ А тие, колку и да ја зборуваат вистината, колку и да му ги отвораат очите на народот, постојано ќе бидат каменувани со вечните аргументи: џипови, мерцедеси, тарифници. И нивниот глас ќе биде тотално занемарен, и секоја лудост ќе биде воведена, без никакви пречки. Ете тоа е крајната цел на ѓаволот и на неговите слуги, која постепено ја остваруваат, а ние, бидејќи стоиме далеку од Христос и од Неговата Света Црква, не можеме да го увидиме тоа.

Група научници земале една жаба, и ја ставиле во жешка вода. Жабата веднаш скокнала од водата. Потоа ја ставиле во лонец со студена вода, а лонецот го ставиле на шпорет, и полека почнале да ја загреваат водата. Додека жабата безгрижно си пловела низ водата, без да биде свесна, се сварила. Ете тоа ни се случува и нам денес. Мислиме дека уживаме во некаква слобода, а всушност сме во лонец, кој сѐ повеќе се загрева.

Близината и допирот до Христос единствено може да нѐ ослободи од таа демонизираност, и дури тогаш ќе ни се отворат очите и ќе ги видиме реално работите, онакви какви што навистина сѐ. Христос е тука, во храмот, на секоја Божествена Литургија, и нѐ чека да Го побараме, да Го сретнеме, да се допреме до Него, а ние упорно Му вртиме грб, барајќи непотребни нешта од Него, а не Самиот Бог. Литургијата и духовниот живот, т.е. постот, молитвите, исповедта кај духовникот и неговото раководство ни се единствена можност да се допреме до Христос и да се исцелиме од секоја болест. Да не чекаме, да не го губиме времето, да не фрламе камења по Црквата и по нејзиниот клир, бидејќи овие фрлени камења, најпосле ќе паднат врз нашите глави и ќе нѐ здробат. Да се вразумиме и да се воцрковиме. Црквата е света и секогаш ќе остане света, колку и да има во неа недостојни и грешни свештенослужители. Надвор од Светата Црква, надвор од Литургијата нема Христијанство, а нема ни спасение.

Свештеник Јани Мулев

12.11.2017

 

Извор:https://crkvaveles.wordpress.com/2017/11/12/demoniziran-gadara/

 

 


Add comment

Security code
Refresh


Видео содржини

Верата на нашите татковци - Евхаристија

Авг 04, 2018
Верата на нашите татковци Тема: Евхаристија - Света Причест 11.03.2018

Во продажба е новиот број на Премин 127/128

Јун 05, 2018
„И сега, убеден сум дека тој на небото принесува жртва за нас и се моли за сиот народ (иако нѐ остави, сосема не нѐ напушти), а јас – Григориј, полумртов, полуосакатен, оттргнат од великото…

Поуки од Светите Отци

krusevoexport

Духовност

Февруари 17, 2018
sv.efrem.sirin2.jpg

СВЕТИ ЕФРЕМ СИРИН - Псалм 11 4

СВЕТИ ЕФРЕМ СИРИН Псалм 11. Нема да се справам со себеси и со ѓаволот – Ти Господи, помогни ми! Никој не може да ја излекува мојата болест, освен Оној, Кој ги познава длабочините на срцето. Колку пати си поставувам растојанија и подигам прегради помеѓу себе и…
Јануари 27, 2018

о. Горан Стојчевски „БОЛНИТЕ ИСЦЕЛИ ГИ ЛЕКАРУ НА ДУШИТЕ И ТЕЛАТА“

о. Горан Стојчевски„БОЛНИТЕ ИСЦЕЛИ ГИ ЛЕКАРУ НА ДУШИТЕ И ТЕЛАТА“,,… Кој ја преминува Канавката со молитва и 150 пати ја споменува Богородица, нему тука му е се: и Атон, и Ерусалим, и Киев!‘‘Св. Серафим Саровски „Умствената молитва е опитна потврда за…

Јеромонах Методиј Зинковскиј: Св. Стилијан – Светилник Христов и покровител на децата

Во името на Отецот и Синот и Светиот Дух, Драги браќа и сестри, ве по здравувам со…

Излегоа од печат „Житијата на Светиите“ за месец септември

Ное 16, 2017 Полезно и Потребно 1339
Во издание на црквата посветена на св.Григориј Палама и св. Димитриј Мироточив во…

Македонски преродбеник Теодосиј Синаитски

Окт 31, 2017 Друго од духовност 1113
Теодосиј Синаитски бил македонски [1][2] преродбеник. Тој е роден во Дојран во втората…

Беседи

БEСEДА за лажнитe учитeли

БEСEДА за лажнитe учитeли

Нo, акo знаeтe, и, акo нe знаeтe, впeрeтe гo свoјoт ум кoн Гoспoда, oградeтe сe сo знакoт на крстoт, пoвикајтe ја на пoмoш свeтата Прeчиста какo и Бoжјитe угoдници, а...

Јован Кумевски: ЗА  ДУХОВНОТО  СЛЕПИЛО

Јован Кумевски: ЗА ДУХОВНОТО СЛЕПИЛО

 Секој кој од Него ќе добие духовне вид, ќе појде по Него, и ќе Го прослави Бога. Затоа, да ја отфлиме од нашето срце гревовната напластеност, сета духовна нечистотија, а...

БEСEДА за тoа какo трeба да му сe радувамe на Христа

БEСEДА за тoа какo трeба да му сe радувамe на Христа

Нo зoштo, браќа, да сe радувамe на Христа? Затoа штo Oн ни ја oткри и ни ја пoкажа вистината за најгoлeмитe и најубавитe надeжи и сни на чoвeчкиoт рoд; ни...

Протоереј ставрофор Глигор Дамјановски: СВЕТИ БЕСРЕБРЕНИЦИ И ЧУДОТВОРЦИ КОЗМА И ДАМЈАН

Протоереј ставрофор Глигор Дамјановски: СВЕТИ БЕСРЕБРЕНИЦИ И ЧУДОТВОРЦИ КОЗМА И ДАМЈАН

 Бидејќи имале силна и непоколеблива вера, Божјата благодат делувала врз сите луѓе коишто им се обраќале за помош. Колку што лекувале со разните треви, толку повеќе Бог, поради нивниот свет...

БEСEДА  за свeтoста

БEСEДА за свeтoста

Свeтитeлoт e сoвршeн чoвeк, oнакoв какoв штo бил Адам вo Рајoт; или уштe пoдoбрo: oнакoв какoв штo бил Нoвиoт Адам, Гoспoд Исус Христoс. Oвoј e свeтитeл над свeтитeлитe, Oвoј e...

БEСEДА за висoкиoт заклoн

БEСEДА за висoкиoт заклoн

Нo има, браќа, eдeн пoтoп штo e пoлoш oд вoдeниoт пoтoп, а тoа e пoтoпoт на страститe. Кoга страститe ќe сe разгoрат, кoга ќe сe зачадат и зацрнат, кoга наoкoлу ќe...

Св. Климент Охридски: Слово за раѓањето на Свети Јован Претеча

Св. Климент Охридски: Слово за раѓањето на Свети Јован Претеча

А архангелот Гавриил, гледајќи ги помислите на свештеникот, веднаш му одговори кротко и со тивок глас, убедувајќи го, и рече: „Не бој се Захарија, зашто е услишена твојата молитва и...

Слово на Митрополит г. Тимотеј за Рождеството на Свети Јован Крстител

Слово на Митрополит г. Тимотеј за Рождеството на Свети Јован Крстител

И ние денеска, кои го чествуваме неговото рождество, да му се обратиме со искрена молитва. Да не нè заборави, сиромашните и бедни по дух, пред Престолот на Севишниот. Да ја...

Протоереј Антониј Петрушевски: Не бој се, Захарија, зашто се услиша твојата молба...

Протоереј Антониј Петрушевски: Не бој се, Захарија, зашто се услиша твојата молба...

По многу години праведен живот пред Бога, истовремено, по многу години мачна бездетност и многугодишно трпеливо поднесување на осуда од луѓето, архангелот Гавриил се појавил пред Захарија и му рекол:...

« »

Најново од духовност

Православен календар

15/08/2018 - среда

Откривање и пренос на моштите на Светиот првомаченик и архиѓакон Стефан; Светиот свештеномаченик Стефан, папа Римски и другите со него; Светиот блажен Василиј, јуродив Московски;

Богородичен пост (строг пост)

Правила и одредби на Православната Црква за постот
Православен календар за овој месец - МПЦ

Тропар

Пренос на моштите на св. Стефан 2 август / 15 август 2018

Пренос на моштите на св. Стефан 2 август / 15 август 2018

Од твоите страдања со царски венец се венча твојата глава,за сето она што го претрпе за Христа Бога,о Стефане прв...

Тропар на св. Божји угодници браќа Макавеи – Авим, Антониј, Гуриј, Елеазар, Евсевон, Алим, Маркел, и нивната мајка Саломија 1 август / 14 август 2018

Тропар на св. Божји угодници браќа Макавеи – Авим, Антониј, Гуриј, Елеазар, Евсевон, Алим, Маркел, и нивната мајка Саломија 1 август / 14 август 2018

Господе Боже наш, Ти Кој поглед од човека не свртуваш,смилувај се на нас кои на Тебе забораваме,еве во труд срцата...

Тропар на св. праведен Евдоким 31 јули / 13 август 2018

Тропар на св. праведен Евдоким 31 јули / 13 август 2018

Оној Кој те повика од земјата кон Небесните населби,Тој и по смртта го сочува неповредено телото твое,о свети Евдокимети во...

Добредојде Православие.мк

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Последни коментари

Почаевско чудо

Ако некој се помоли од сето срце, тогаш Господ ќе му помогне и ќе го поправи и ќе продолжи по патот на вистината. Во една од посетите на Почаевска Лавра, јас станав сведок на прекрасно чудо, кога пред мои очи се исцели жена која педесет години не можеше да оди бидејќи имаше извиткани нозе. Повеќе...

Архимандрит Георгиј Капсанис

Личноста на архимандритот Георгиј ќе остане во вечно паметење во срцата на оние што го запознале, но генерално и во целата Православна Црква, затоа што преголеми се неговите заслуги за чистотата на верата и за автентичното живеење според неа..Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

Протоереј Андреј Ткачев: Примете, јадете

 

Во Рајот Господ им рекол на луѓето да не јадат од дрвото на познанието. А злиот лукавец велел – јадете. Христос вели „јадете“, „пијте од Неа сите“, а злиот говори: „не јадете“, „недостојни сте“, „потребно е долго и тешко да се подготвувате“. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Св.Јован Шангајски - БДЕНИЕ

 

Стојте цврсто на духовна стража, затоа што не знаете кога Бог ке ве повика кај Себе. Во вашиот земен живот бидете секогаш подготвени да му положите сметка. Внимавајте непријателот да не ве фати во неговата мрежа, да не ве измами и предизвика да паднете во искушение. Повеќе...

За Моето име

Взбранной Воеводе победительная