логоFacebookTwitterYouTubeeMail

Жирафа или ној?
Ако...

Ако наведнеш глава кога ова ќе го прочиташ, нема да ме чуди дереџето кое нė снашло.


Ако наведнеш глава, и ако е пролет, очи зеленило од тревата ќе наполниш и ќе ги одмориш, ама нема да видиш дека и лисјата се зелени.


Ако наведнеш глава, и ако е есен, ќе видиш шарен тепих од лисја исткаен, но не ќе знаеш дека има зимзелени дрвја на кои не им паѓаат лисјата.

Ако наведнеш глава, и ако е зима, ем снегот ќе го видиш, ем нема да се лизнеш нит да паднеш и скршиш рака или нога, но ќе го пропуштиш танцот на снегулките.

Ако наведнеш глава, и ако е сончев ден, сенката ќе си ја видиш и ќе знаеш дали си се поправил или си ослабел, ама не ќе приметиш дека благодарение на Сонцето си ја гледаш сенката.

Ако наведнеш глава, и ако е ноќ, може да го видиш бледиот отсјај на месечината, но не ќе ги научиш месечевите мени.

Ако наведнеш глава кога се разминуваш со луѓе, нема да им прочиташ од очите дека те мразат, но нема да видиш ни очи кои те сакаат.

Ако наведнеш глава кога одиш надолу, лесно ќе го видиш крајот на патот.

Ако наведнеш глава кога одиш нагоре додека не стигнеш до врвот, нема да го видиш крајот на патот.

Ако наведнеш глава кога си среќен, ќе нема со кого да ја споделиш среќата.

Ако наведнеш глава кога си тажен, нема никој да ти одмали од тагата.

Ако наведнеш глава кога ти се закануваат, ќе покажеш страв.

Ако наведнеш глава кога сакаш на животно да заличиш, на ној ќе заличиш.

Ако наведнеш глава кога на ној сакаш да заличиш, ако си на асфалт глава ќе си скршиш.

Ако наведнеш глава кога некој гроб копа, нема да видиш дека твојот гроб го копа.

Ако наведнуваш глава кога мислиш дека сè е црно и бело, нема да го видиш плавилото на небото.

Ако наведнеш глава кога некој те вика по име, тој нема да ти го види лицето.

Ако наведнеш глава кога некој сака да ти го види лицето, тој никогаш нема да те есапи за личност.

Ако наведнеш глава покрај река, ќе видиш како реката тече, ама нема да видиш дека и животот ти тече.

Ако наведнуваш глава постојано, никогаш нема да го видиш твојот иден дом - небесата.

Ако наведнеш глава кога ова ќе го прочиташ, нема да ме чуди дереџето кое нė снашло.

Ако наведнеш глава и кога не се согласуваш со напишаново, не ќе можеш ни да ми плукнеш во лице, туку сам ќе си плукнеш на чевлите свои.

Ако наведнеш глава за да видиш како си ги плукнал чевлите, немам намера да ти објаснувам Закон на гравитација и нејзината поврзаност со плукнатите чевли.

 



Ако наведнеш глава кога некој вади сабја, а ти имаш кубура за не дај Боже, ќе си ја зачуваш главата од сечење, но и кубурата ќе ја зачуваш неупотребена цел живот, оти со наведната глава никогаш не ќе видиш што ти дава Бог.

Ако наведнеш глава на Велика Среда, ќе ги видиш само нозете на оној кој го предаде Христа.

Ако наведнеш глава на Велики Четврток, нема да ја видиш разликата меѓу Варава и Христа.

Ако наведнеш глава на Велики Петок, нема да видиш дека Христот на Крстот ги рашири рацете и за тебе.

Ако наведнеш глава на Велигден, ќе ги видиш гробните повои во празниот гроб.

Ако наведнеш глава на Велигден, нема да го видиш Воскреснатиот од гробот.

Ако дигнеш глава, ќе видиш многу луѓе кои ќе ти кажат дека Христос воскресна.

Ако дигнеш глава, на многу луѓе ќе им кажеш дека Христос воскресна.

Ако дигнеш глава, и сам ќе почувствуваш дека Христос воскресна.

Ако чекориш со дигната глава, светот ќе е поубав, и за тебе, и со тебе.

А ти како сакаш носи си ја главата. Твоја си е. Твоја си е и одговорноста.

Христос воскреснува, и за наведнатите, и за дигнатите глави.

Е сега дали исто ќе погледне на сите глави е друго. Бидејќи едните ќе ги гледа во очи, а другите во темето.

Отец Пимен

Извор: Офф нет



Видео содржини

Поуки од Светите Отци

krusevoexport

Духовност

Ноември 25, 2018

Акатист кон свети Нектариј Егински

КОНДАК 12Трудејќи се, си ја умножил благодатта дадена од Бога, рабу Божји, добар и верен Нектариј, затоа направи и ние да ја завршиме духовната работа и стекнувајќи ја заработката, да Му запееме на Христа: Алилуја!
Октомври 30, 2018

Житие на преподобна Параскева – Петка (Епиватска или Трновска)

Света и преблажена маченичко Христова Параскево, убавино на девственичките, пофалбо на мачениците, пример за чистота, огледало на велокодушните, восхит на премудрите, чуварко на верата христијанска, изобличителке на лагата идолска, поборничке на Божественото…

Светскиот првак Адам Ондра во посета на Бигорскиот и Рајчичкиот манастир

Окт 28, 2018 Настани 778
Деновиве нашите две свештени Обители, Бигорски и Рајчица, ги посети во светски рамки…

ПРЕПОДОБЕН ПАХОМИЈ ВЕЛИКИ

Окт 18, 2018 Житија 1060
Паралелно со преподобниот Антониј Велики, основачот на пустинското, анахоретско монаштво,…

СВЕТИ ЕФРЕМ СИРИН ЖИВОТОПИС, ТВОРЕШТВО И КАРАКТЕРИСТИКА

Окт 18, 2018 Житија 1005
Над сè, свети Ефрем си останува прекрасен проповедник – амвонот е почеток и крај на…

Беседи

БEСEДА  за живата надeж

БEСEДА за живата надeж

Нo, кoј дeнeс им пoкажа живo надeвањe на луѓeтo, кoј и какo? Апoстoлoт Пeтар oдгoвара на oва прашањe: “Гoспoд наш Исус Христoс и тoа сo вoскрeсeниeтo oд мртвитe. Никoј друг...

„Лазаре, излези надвор“

„Лазаре, излези надвор“

Тие Негови зборови, пред сè, значат дека нема смрт за оние кои веруваат во Христа, зашто Христос подоцна на Марта ѝ вели: „Јас сум воскресението и животот; кој верува во...

БEСEДА за барањeтo на живиoт пoмeѓу мртвитe

БEСEДА за барањeтo на живиoт пoмeѓу мртвитe

Духoт нeпoмрачeн сo грeв глeда вo нeбoтo и нe глeда грoб; пoмрачeниoт дух сo грeв глeда вo грoбoт и нe гo глeда нeбoтo. Грeвoт и дoбрoдeтeлта управуваат сo духoвниoт вид...

Митрополит Струмички Наум - Моќно превентивно или ризично куративно

Митрополит Струмички Наум - Моќно превентивно или ризично куративно

Бог е совршен, и како совршен, сѐ што прави – прави совршено. Кога Бог го направи човекот, всушност, направи бог – иако не по природа. Направи човекобог, кој треба да...

Жарко Ѓорѓиевски - Недела на преподобна Марија Египетска

Жарко Ѓорѓиевски - Недела на преподобна Марија Египетска

Телесните слабости постојано не вовлекуваат во нешта кои се сосема спротивни од патот на духовното совршенство. Телесните искушенија можат да не насочат кон пороци и кон секакво зло, а единствен...

Митрополит Струмички Наум: „Учителка“

Митрополит Струмички Наум: „Учителка“

Ајде повторно и оваа година – како во годините наназад, на Нејзиниот ден, да го обновиме нашиот подвиг – молитвеното правило „Богородице Дево...“ Оваа молитва, за нас раслабените, е последна...

БEСEДА за сeмoќта на збoрoт Бoжји

БEСEДА за сeмoќта на збoрoт Бoжји

Нo пoстoи рeд и начин пoмeѓу тваритe, видлив и дoстапeн за нас луѓeтo, а пoстoи рeд и начин нeвидлив и нeдoстапeн. Спoрeд тoј нeвидлив и нeдoстапeн рeд и начин, кoј...

Празникот Благовештение – првиот цвет на Пасхата

Празникот Благовештение – првиот цвет на Пасхата

Ете она што дојде да нѐ повика, сега ни се јави: Бог надумно се соединува со луѓето; со гласот на Архангелот прелеста се изгонува, а Дева радост прима; небото слегува...

Викарен Епископ Стобиски г. Јаков: Жртвена прегратка (31.03.2019)

Викарен Епископ Стобиски г. Јаков: Жртвена прегратка (31.03.2019)

Ако ги приклониме колената, а во срцето свое, во вистинскиот храм во кој Бог се вселува, не го поставиме Крстот, сме го промашиле суштинското значење на празникот, затоа што тоа...

« »