логоFacebookTwitterYouTubeeMail

 

 

НЕКА ГОСПОД ИСУС ХРИСТОС ПОСТАНЕ НАШЕ СРЦЕ И НАШ ЖИВОТ
- св. Филарет Московски

Голема е користа за секој човек ако Христос за него постане и негово срце и негов живот. И не само што е добро за тој човек, туку тоа е добро и за сите оние коишто се во негова близи¬на, бидејќи секоја сила секогаш се наоѓа во средината и оттаму таа се шири, како брановите, насекаде и делува на се она што на тој пат ќе наиде. И оној, кој најверојатно поради својата мрзливост се лишил себеси од ваков голем дар Божји, тој многу си скратува од тоа и на себе и на другите поради тоа што Христос не е во него, во неговиот живот и во неговото срце. Да се помолиме на Господа Он да постане срце за секој човек и Он да биде Живот на оние коишто умреле за желбите на овој свет, а да биде смрт за оние во коишто се уште живее стариот кон грев наклонет човек. Да се помолиме тие, од гревот оптоварени луѓе, да не шират околу себе лажен живот, ако веќе не сакаат да живеат во вистината.
Секој што се жали на мрзливоста и на студенилото на душата, би требало добро да погледне во себеси, за случајно да не влегла некоја од помислите коишто човекот го влечат надолу, наместо да го влечат нагоре. Таквите мисли се секогаш оние со кои нешто присвојуваме за себе, кога нешто си припишуваме на себе: успех во некоја работа, пофалба, забележување на недостатоците на ближните и чувството на некоја наша супериорност над другите луѓе. Затоа да Му се помолиме на Господа нас нека не искуша, нека не испроба, нека ни ги отвори очите за да видиме дали сме на патот на беззаконието, а ако сме, да се помолиме и да се потрудиме да се упатиме на патот кон вечниот живот.
Ништо не се случува случајно. Се што ни се случува, ни се случува со Божја промисла. Се што ни се случува, се случува или како казна или како поука. Во светот има безброј луѓе кои се хипохондрици и оние кои се со оштетен ум, оние коишто ги поднесуваат непријатностите на овој живот, а повторно ако не се во состојба сами да се грижат за себе, нив ги чува Божјата промисла. И често се слуша прашањето зошто е тоа така? Можеби е тоа така, бидејќи во нив порано имало многу добри мисли и чувства, можеби пред таа болест направиле некое добро дело, па затоа не ги напуштила Божјата благодат, туку таа е и понатаму постојано во нив? Ако на непријателот на душите му е допуштено да се игра со човечките животи, зарем не е тоа поради тоа што порано во тој човек не биле постојани принципите на доброто, без кое ја нема благодатта која не штити секого од нас? Всушност, затоа оние коишто ја прифа-тиле службата на духовното просветување, требало добро да се замислат над тоа дали секогаш доволно се грижат нивното учење да добие небесна помош, во непрекинатата борба против силата на мракот? Дали доволно влегуваат во душата на оние на коишто им се дава совет? Дали нивните поуки навистина се спроведуваат во секојдневниот живот? Со вакви мисли треба да прибегнуваме кон Бога и да бидеме упорни во тоа, да ја засилиме во себеси ревноста кон се она што е добро и душекорисно. Тоа, секако, би било поправилно, покорисно и помило на Господ, отколку да се работи на тоа несреќната смрт да ја прикриваме со свечен и раскошен погреб.
Секој оној којшто се труди за своето спасение, би можело и треба да му се каже: нема потреба да ги дознаеш небесните тајни, не барај го тоа, да дознаеш што е сокриено, или она што се однесува на иднината. За спасението е неопходно да веруваш, да ги исполнуваш заповедите и секогаш да го чистиш своето срце, а да не бидеш љубопитен. Опасно е да се сака да се дознае она што е сокриено, а уште поопасно е да се настојува таа тајна и да се открие. По Божја промисла нам ни се открива она што ни е потребно и секогаш во мерката во која тоа можеме да го сфатиме.
Нека Му е слава на Христос Кој ни се јави во смирението на нашата природа, за да ни покаже пример на смирение. Он се роди во пештера, за да не тежнееме кон убавината на својата соба или ќелија, лежеше во јасли за да не бараме ние мека постела, беше повиен во пелени за да ја сакаме простотата на облеката, дојде како дете кое се уште не може да зборува за да бидеме едноставни како децата, незлобиви и за својот јазик да не го раздвижуваме кон празнословие. Нека оваа вистина ве осени и нека ме осени и мене, бидејќи ги просам вашите молитви.
Она што е горко, не може да се ослади со горчина, туку само со она што е слатко. Така и готжите коментапи не можат да се осладат со горките зборови. Кротоста, трпението и љубовта не само што можат да го осладат она што извира од горчливиот извор, туку и самиот горчлив извор може да го променат во сладок.
Ако нашата душа е подложена на некое лишување, Бог бара трпение и надеж за душата да се испита и очисти.

За молитвата и молитвениот живот на христијанинот

Навистина е пријатно да се спомне за молитвата на душата на оние, за кои знаеш дека очите им се секогаш вперени кон Господа и дека во Него се зближуваат со нас. Само Сезнајниот Бог знае кој му прави поголемо добро на другиот: оној којшто се моли или оној којшто барал молитва.
Молитвата не приближува кон Бога и наспроти тоа средиште на битијата и световите, не се гледа она што го гледаме во овој променлив свет. Душата која постојано го бара Господа и која Му се моли, таа Му припаѓа на Господа, без оглед на тоа што нејзиниот низок сетилен дел понекогаш и против нејзината волја, е вознемируван поради блискоста и делувањето на силата која не е сродна со душата на човекот.
Како нас светата Црква премудро не учи: во мир да Му се помолиме на Господа и за едниот и за се. Душата на оној кој се моли во смирение, ако се разгори, ќе гори со тивок и цврст пламен. Гори, но не согорува. Врие, но не зоврива. Се излива, но никогаш не се испразнува.
Зарем душата која усрдно се моли, зарем таа не стапува во заедницата со оној за кого се моли? Зарем во тоа единство таа не дава силен поттик на силата на душата на која и е потребна помош?
Најдобар начин на дружење и заедница меѓу луѓето е да се помолиме едни за други. Ако молитвата не е совршена, нејзините недостатоци според можностатреба да се поправат, но никако не очајувај поради нив. Треба да се разликува активната молитва од состојбата кога некој се насладува со молитвата. Активната молитва човекот треба да ја прави секогаш и неуморно, секако според пропишаното молитвено правило, а утехата ја дарува Господ по Својата благодат, тогаш кога тоа е потребно, за да го привлече и укрепи човекот и тоа тогаш, кога човекот може да ја прифати. Исто така, кога ќе почувствувате дека во вас нема сила, да не ве обземе поради тоа немоќ и очајание, туку прво престанете да се надевате во себе и молете се, надевајќи се во Господа.
Ако од човекот барате да ве научи како да се молите, ќе добиете одговор: не знаеме како да се помолиме.
Ако кажете: Господи, научи не како да се помолиме - ќе добиете одговор каков што неброени луѓе го добиле пред вас.
Треба да се потрудиме да стекнеме трајна стравопочит кон светињата. Ако стравопочитта кон светињата дојде и помине, тоа сепак во душата треба да остави смирена и топла желба за заедница со Господа.
Треба да се потрудиме во молитвата секогаш да бидеме постојани и да не допуштиме некоја моментална ситуација да не поколеба. Исто така, во молитвата треба да бидеме тивки и смирени, и да не допуштиме вообразувањето да се разгори.
О н о ј којшто од восхит преминува во студенило на срцето, и кој доволно не го зацврстил мирот во својата душа, нему му е потребно да вложи уште многу труд. Ако човекот цела година му служел на Бога и останува понатаму во таа желба, тој труд нема да пропадне, без оглед дали околностите се смениле. И во семејниот живот секој може да најде време за молитва и тихување. Кога нема можност да оди во храмот на богослужба, Господ и домашната молитва ќе ја прими, ако е искрена и длабока. Никој од вас не бара да им служите на двајца господари. На Господа може да Му се служи и во самотија исто како и во семејството. Ако видите дека семејниот живот сепак ви го нарушува служењето во Бога, тогаш одлучете се за самотија.
Тоа што не сте во можност да одите во храмот, да не го примате само со тага, туку и со смирена послушност кон Божјата волја. Нека во вашето срце постојано живее Името Божјо и нека од вашата душа кон Господ се подигне миомирис од молитвата и тогаш ќе бидете исто како да сте во храмот Божји.
Ако ви се дадат солзи, бидете Му бла¬годарни на Бога и користете ги за со нив да ја очистите својата душа. Но, како што во нешто не треба да претеруваме, така понекогаш и на солзите треба да им поставиме граница, така што својот ум ќе го насочиме кон некое друго корисно дело.
„И се простуваат многу гревови, бидејќи голема љубов има". Каде научила така да сака? Таа наместо елеј имала солзи на покајание. Божјата љубов кон оние што се каат, како небесен оган паднала и врз неа и се разгорило нејзиното кандило.

За односот кон ближните

Не би имал храброст да му кажам на ближниот: сакам да ме сакаш, и повторно мислам дека не би му кажал: не сакам да ме сакаш. Во тоа има нешто што одбива, нешто што оттуѓува и што во срцето на другиот човек може да му нанесе тежок удар.
Корисно е секогаш да се знаат зборовите на критика, бидејќи тие се лек против гордоста и совет секогаш да бидеме внимателни.
Речиси и нема потреба да го критикуваме човекот од своја волја, единствено ако тој самиот не даде повод да му се каже вистината. Тешко е да осудуваме, бидејќи во тоа многу лесно се вмешува и самооправданието. Покрај тоа, осудата може да му направи непријатност на другиот, којшто ја пренесел таа осуда и затоа најдобро би било да се помолиме на Бога, Он да не научи секој од нас на постапките на ближниот да гледаме со чисти очи, без осуда и без сомнеж.
Ако другиот човек не покажува желба за помирување, вие од ваша страна покажете мир и не судете строго. Не треба себеси да се подметнуваме под стрелите и не е ништо лошо да го употребиме штитот тогаш кога другиот ве напаѓа.
Никогаш не треба да влегуваме во препирки, особено кога непријателот може да го надговори оној којшто е во право и кога непријателот не се плаши да биде прекинат, туку се надева дека во случај на потреба, ако веќе не е во можност да покаже дека е во право, својот соговорник ќе може да го побе¬ди со грубост и потсмев.
Праведно и корисно е мерката на трпението да ја полниме водата со кротоста и да ја излеваме над огнот на љубомората, за овој полесно да гори и да не се распламтува и да се претвори во пожар, кој може да се оттргне од контрола и да ги уништи ѕидовите на љубовта, снисходливоста и смирението.
На мене ми се чини дека има малку непријатели, а многумина има од оние, кои поради недоразбирање, погрешно ги разбираат другите луѓе и нивните постапки, па поради тоа стануваат недобронамерни.
На прекорот е покорисно да одговараме со кротост, отколку со прекор. Да се сетиме на вистината дека прашината не се очистува со прашина, туку со вода.
Не треба да се плашиме од клеветите, туку треба да бидеме претпазливи кон нив. Клеветите не учат на претпазливост, а претпазливоста прави клеветите да станат немоќни.
Зошто човекот се вознемирува со мачни размислувања за некоја ништожна непријатност? Зошто нашиот мир и нашата спокојност треба да зависат од човечкото размислување? Ако правилно сме постапиле. нека Му е Слава на Бога, а човечкото мислење тоа не може да ни го одземе.
Треба да ни биде тешко што ги осудуваме луѓето. отколку мирно да набљудуваме, како што го набљудуваме ветрот како ги ниша гранките на дрвјата, или како тече реката. Меѓутоа. очигледно е што човекот тешко гледа без осудување. Што да се прави? Треба постепено да се учиме на тоа најпрвин да се осудуваме себеси поради тоа што ги осудуваме ближните, потоа да се воздржуваме од осудата со зборовите тогаш кога ќе дојде помислата за тоа, а потоа да ја сопреме и самата помисла за осуда на другиот. Оној кој доволно се познава и се осудува себеси, тој нема време да ги осудува другите.
Да не ги избегнувате упорно луѓето, бидејќи меѓу нив има и Божји луѓе. Треба да се потрудиме и добри дела да правиме со доза на претпазливост, за да не претходи пред нив некое наше мудрување и наша волја. Кога сме во контакт со луѓето од различна вероисповед, треба слободно и храбро да ја искажеме убеденоста во правата православна вера. Но, кога ги критикуваме заблудите и заблудените, треба да покажеме кротост, мир снисходливост и внимателност: овие се карактеристиките коишто се потребни исто колку што и ревноста.
Не претворај го во бура ветрот на човечките лекомислени зборови. Има клевети коишто го носат човекот во прогонство, коишто ги фрлаат во беда, затвор и тоа не е лесно. А, зарем не е полесно клеветата како ветар да помине покрај вашите уши? Влези во својот дом и не слушај ја бучавата на ветрот.
Во контактот со луѓето коишто се неспокојни, корисно е кон нив да се однесуваме колку што можеме поедноставно, помирно и поспокојно, без било какви извештачени пристрасности, но и без намерно студенило. Ваквото однесување нема да им наштети и на оние коишто се спокојни.
Кога се надеваме во Бога, можеме да ги поднесуваме неволјите и да го сочуваме својот мир, па макар и да не го сретнуваме мирот кај оние луѓе коишто не опкружуваат. Зашто кажано е: бев мирен со оние коишто го мразат мирот. Нека Бог им даде и тие да го засакат мирот.
Оној којшто гледа со претпазливост, тој лесно може да дојде до омраза кон човекот. Оној којшто сака да има љубов кон ближните, треба да гледа чисто и едноставно. Треба да ја избегнува кавгата. Гневот не го приближува човекот кон Божјата правда. Гневот само може да се разбуди и да се зголеми растревоженоста кон другиот човек. Само со трпение и мир човекот може да се расположи. Духовниот закон вели дека треба да му се помогне на ближниот и притоа да не се навредува и да не се повредува другиот.
Добро е да се говори вистината кога обврската или љубовта кон ближниот тоа го бараат од вас. Но, тоа треба да го прави така да не го осудуваме ближниот, да не се превознесуваме и да не се воздигнуваме како некој кој можеби подобро од другите ја познава вистината. Покрај тоа, потребно е да ги знаеме луѓето и случките, за да не се случи на-место вистината да кажеме прекор и наместо мир и кротост да направиме непријателство и штета.
Човечкиот збор може да биде остар како меч и тогаш тој го ранува и убива, а може ла биdе благ како елеј и тогаш е како мелем којшто исцелува.
Не судете за да не ви се суди, иако ви се чини и дека има причина за осуда, зашто оној којшто е близок до Господа може да стои или да паѓа. Уште полошо е ако судите како злонамерни судии. Мислите дека луѓето кажуваат бесмислици, а тие го кажуваат она што на душата и е на корист и за тоа како се прави доброто.
Кога ги осудуваме своите ближни, ние самите на себе си нанесуваме голема рана. Од тоа треба да се чуваме и да се искупуваме така што ќе се осудуваме и укоруваме себеси и ќе се молиме Бог да биде милостив и кон оние коишто ние сме ги осудиле и кон нас коишто сме ги осудиле.
Трудете се срцето и намерите на ближните позитивно да ги прифаќате. Во тој случај ќе бидете поретко во можност да згрешите, а на вашите ближни ќе им биде полесно да се поправат.
Како што рече древниот философ, не треба да се возбудуваме ако и магарето ве удри.

Превод: Сестринството на Метохот
Св. Спиридон Чудотворец

Извор:

 16.09.2018 лето Господово

Друго:

 

 

 

 



Видео содржини

Руски Светец Александар Свирски

Сеп 29, 2018
Рускиот светец Александар Свирски - мошти со бела боја и кожа стара повеќе од 500 години, како да е жив

Верата на нашите татковци - Евхаристија

Авг 04, 2018
Верата на нашите татковци Тема: Евхаристија - Света Причест 11.03.2018

Поуки од Светите Отци

krusevoexport

Духовност

Октомври 18, 2018

ПРЕПОДОБЕН ПАХОМИЈ ВЕЛИКИ

Паралелно со преподобниот Антониј Велики, основачот на пустинското, анахоретско монаштво, на почетокот на монашката историја стои и преподобниот Пахомиј, исто така почитуван како Велики, не само заради својата посебна духовна величина, туку и заради тоа што…
Октомври 18, 2018

СВЕТИ ЕФРЕМ СИРИН ЖИВОТОПИС, ТВОРЕШТВО И КАРАКТЕРИСТИКА

Над сè, свети Ефрем си останува прекрасен проповедник – амвонот е почеток и крај на неговото служение, проповедта е трубата на неговото слово и творештво. Неговата проповед е образец за сите времиња и места – по својата библиска основа, православно…

Св. Климент Охридски: Слово за зачнувањето на св. Јован Претеча

Окт 14, 2018 Житија 38
Но ти (Крстителу Јоване), направи нè, преку твоите молитви, да принесуваме достојни…

СВЕТИ ЕФРЕМ СИРИН - Псалм 11 4

Фев 17, 2018 Полезно и Потребно 7165
sv.efrem.sirin2.jpg
СВЕТИ ЕФРЕМ СИРИН Псалм 11. Нема да се справам со себеси и со ѓаволот – Ти Господи,…

Беседи

Митрополит г. Наум: Суштинско недоразбирање

Митрополит г. Наум: Суштинско недоразбирање

Пројавите на неврозата ги објаснивме: губење контрола над мислите и чувствата, губење контрола над зборовите, и најтешкиот вид невроза – губење контрола и над своите дела. Не можат меѓу себе...

БEСEДА за Бoга Свeтиoт Дух кoј излeгува oд Oтeцoт

БEСEДА за Бoга Свeтиoт Дух кoј излeгува oд Oтeцoт

За Свeтиoт Дух ни e oткриeнo дeка Oн излeгува oд Oтeцoт и сo Синoт сe испраќа. Никoј да нe бара пoвeќe за да нe паднe вo заблуда. Штoм излeгува oд...

БEСEДА за Христoвата тага

БEСEДА за Христoвата тага

Глeдатe ли кoлку e важна смртта Христoва? Ниe сo нeа смe искупeни, сo нeа смe спасeни. Никoј да нe застанува eдинствeнo на Христoвата наука, туку нeка сe прeнeсe и на...

Воздвижение на Чесниот Крст

Воздвижение на Чесниот Крст

Тоа бил празникот на христијанското царство, кое се родило под закрилата на Крстот, во денот кога царот Константин го видел Крстот над кој пишувало:: „Со ова ќе победиш…” Тоа е...

БEСEДА за тoа какo грeшницитe гo примаат лoшиoт а нe дoбриoт

БEСEДА за тoа какo грeшницитe гo примаат лoшиoт а нe дoбриoт

Кoј e тoј другиoт кoј ќe дoјдe вo свoe имe и кoгo грeшнитe луѓe пoлeснo ќe гo примат oткoлку Христа Гoспoда? Тoа e oнoј кoј нe нoси крст и нe...

   Митрополит Антониј Сурожски - Рождество на Пресвета Богородица

Митрополит Антониј Сурожски - Рождество на Пресвета Богородица

Секој празник на Mајката Божја е чиста радост; тоа е радост не само заради љубовта Божја кон нас, туку и радост заради тоа што земјата – нашата едноставна, родна, обична...

БEСEДА за силата и мисијата Христoва, какo штo прoрeкoл Исаија

БEСEДА за силата и мисијата Христoва, какo штo прoрeкoл Исаија

Духoт на Гoспoда e врз Мeнe. Зoштo Oн тoа гo гoвoри кoга e рамeн на Духoт какo и на Oтeцoт? Заради свeдoштвo на луѓeтo, какo штo тoлкува св. Златoуст. Нe...

протоереј Драган Јанковски: Петнаесетта недела по Педесетница

протоереј Драган Јанковски: Петнаесетта недела по Педесетница

Aко треба да дадеме најкратка дефиниција и најверодостојна карактеристика за науката на Господ Исус Христос и христијанството воопшто, треба да речеме дека тоа е љубов. Можат да се дадат и...

Митрополит Николај Месогејски:Зошто мене, Боже мој? (прв дел)

Митрополит Николај Месогејски:Зошто мене, Боже мој? (прв дел)

Бурата на лекарските прегледи ја заменува бомбардирањето со неодговорените „зошто“. Зошто, Боже мој, толкава болка? Што згрешило ова невино создание? Зошто моето дете, кое ми се чини дека е најдоброто,...

« »

Најново од духовност

Православен календар

20/10/2018 - сабота

Светите маченици Сергиј и Вакх; Светиот маченик Полихрониј;

Правила и одредби на Православната Црква за постот
Православен календар за овој месец - МПЦ

Тропар

Тропар на светата Христова подвижничка Пелагија преподобна 8 октомври / 21 октомври

Тропар на светата Христова подвижничка Пелагија преподобна 8 октомври / 21 октомври

Од темнина изведи ја душата моја –повикуваше о, ти славна мајко Пелагиокон Небесниот Женик твој Христос,Он те поведе во познание,

Тропар на светите Христови маченици Сергеј и Вах 7 октомври / 20 октомври 2018

Тропар на светите Христови маченици Сергеј и Вах 7 октомври / 20 октомври 2018

Величание на Христовите страдалници, и очи на Црквата Христова, Сергее многустрадалени Вакхе преславен, просветете ги очите на нашите души.

 Тропар на светиот Христов апостол Тома 7 октомври / 20 октомври 2018

Тропар на светиот Христов апостол Тома 7 октомври / 20 октомври 2018

Ученик Христов бивајќи, на Божествениот Апостолски Собор сотрудник,со неверие го прими известувањето,за Христовото воскресение,

Добредојде Православие.мк

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Последни коментари

За Божествената правда

Кога некој би ми рекол: ’Отец, морате да ја напуштите својата ќелија зашто таа ми припаѓа мене. Слезете и одете под чемпресот во градината’, ако поседувам Божествена правда, јас тоа со радост ќе го прифатам. Ако постапам според човечката правда, би ја одбил неговата понуда и би почнал да се расправам со него, а може да завршиме и на суд Повеќе...

Архимандрит Георгиј Капсанис

Личноста на архимандритот Георгиј ќе остане во вечно паметење во срцата на оние што го запознале, но генерално и во целата Православна Црква, затоа што преголеми се неговите заслуги за чистотата на верата и за автентичното живеење според неа..Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

Протоереј Андреј Ткачев: Примете, јадете

 

Во Рајот Господ им рекол на луѓето да не јадат од дрвото на познанието. А злиот лукавец велел – јадете. Христос вели „јадете“, „пијте од Неа сите“, а злиот говори: „не јадете“, „недостојни сте“, „потребно е долго и тешко да се подготвувате“. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Икона на Пресвета Богородица „Нажалена за бебињата убиени во утроба“

 

Божјата Мајка е добра застапничка во сé, особено голема е Нејзината помош за жените и децата. Во христијанството постојат голем број на икони на Богородица и тие толку се разликуваат една од друга што тешко е да се претстави дека на нив е изобразена едната и иста Божја Мајка.  Повеќе...

За Моето име

Взбранной Воеводе победительная