Ancient Faith Ministries (AFM, ѓаконијата „Древна вера“) објави дека започна со нов портал за блогови на кој се поставени најпопуларните и највлијателни православни блогови на англиски јазик на интернет. На платформата се префрлени блоговите на о. Стефан Фримен „Слава на Бога за сè“, на о. Андреј Дамик „Патот кон Емаус“, на старец Трифун „Утрински принос“ и многу други.

- „Ancient Faith Blogs” не е само платформа за православни блогови; се работи за целосно вмрежена и интегрирана веб презентација на која се поврзани повеќе видови на православни материјали. Посетителите може да ги читаат нивните омилени православни блогери, поткасти (серии од лични аудио и видео емисии) и автори, но и да откријат нови содржини. Ова е единствен ваков случај во православниот свет, и чест ми е што сум дел од него – вели о. Андреј Дамик.

Извршниот директор на AFM, г. Џон (Јован) Мадекс вели: „Ancient Faith Blogs е партнерство на елитна група на современи православни мислители, и за нас е задоволство да соработуваме со нив“.

Се очекува бројот на автори и блогери вклучени во овој проект, од моменталните 13, да порасне. Покрај овој проект, ѓаконијата работи и на истоимените радио и издавачка куќа.

Врски: https://blogs.ancientfaith.com/ | http://store.ancientfaith.com/ | http://ancientfaith.com/

Извор:Кумановско-осоговска епархија