логоFacebookTwitterYouTubeeMail


Не е тешко од музикална нација да се изградат врвни пијанист


 

  

  
 
 

  
  
Професијата пијанист со себе носи голема одговорност. Кај нас има многу пијанисти, но малку од нив ја сфаќаат сериозно оваа професија. Вистински пијанист е оној што има изградено комплексен репертоар, кој често настапува, рецитално, но и како солист со оркестар, вели младиот музичар Кристијан Каровски, кој синоќа настапи во концертната сала на ФМУ   
   
  
КРИСТИЈАН КАРОВСКИ, ПИЈАНИСТ

Пијанистот Кристијан Каровски (роден 1986 г.) синоќа одржа рецитал на Факултетот за музичка уметност во Скопје. Пред публиката се претстави со дела од Шуман, Шуберт и од Брамс. Овој млад солист, дипломец во класата на професорот Борис Романов, е исклучително продуктивен инструменталист, кој редовно настапува на домашните подиуми и секогаш се претставува со нови музички дела пред публиката. Добитник е на повеќе државни и интернационални награди, а во моментов работи како професор по пијано во ДМБУЦ „Илија Николовски-Луј“ во Скопје.

Изборот на дела со кои се претставите пред публиката имаше романтичарски предзнак. Имате посебен афинитет кон делата од романтизмот, или сакавте тематски да го обедините во еден стилски концепт?
- Па, да. Романтичниот период ми е поприроден за изведување, но сепак не би сакал да се ставам во одредена стилска рамка. Секогаш настојувам да се претставам со различна програма пред публиката. Важно ми е да не изведувам секогаш исти дела. Веќе неколку години на сите мои досегашни настапи свирам само нова програма. Долго ја осмислувам програмата пред секој настап. Важна ми е стилската и карактерната поврзаност на делата за секој концерт.

Речиси секој пијанист има посебен афинитет кон одреден композитор или стилска епоха. Имате ли омилен композитор?
- Најприроден за изведување ми е импресионизмот, особено делата на Клод Дебиси и на Морис Равел.

Вие сте еден од студентите на професорот Борис Романов. Од класата на овој професор излегоа низа пијанисти што успешно се етаблираа на нашата, но и на светската сцена. Колку е важно образованието за креативната едукација на еден пијанист?
- Руската школа што ја донесе професорот Борис Романов во Македонија е докажана многу одамна на престижни светски натпревари. Мислам дека на професорот не му беше тешко од оваа музикална нација да изгради врвни пијанисти.

Се сфаќа ли сериозно професијата пијанист кај нас?
- Пијанист не е само човек што свири на пијано. Професијата пијанист со себе носи голема одговорност. Кај нас има многу пијанисти, но малку од нив ја сфаќаат сериозно оваа професија. Вистински пијанист е оној што има изградено комплексен репертоар, кој често настапува, рецитално, но и како солист со оркестар. Македонската публика често има погрешна претстава за оваа професија. Стручната јавност сѐ уште го памети концертот на славниот Свјатослав Рихтер на „Охридско лето“ во 1963 година, кога се претстави со три сонати од Бетовен, опус 109, 110 и 111. На таков репертоар мислам кога зборувам за значењето и одговорноста на еден сериозен пијанист.

Домашните пијанисти често се жалат дека не добиваат доволно простор на нашата сцена и дека сѐ поретко имаат можност за настапи. Го делите ова мислење или сметате дека настапите пред сѐ зависат од индивидуалниот ангажман на изведувачот?
- Мислам дека треба да се обрне повеќе внимание на домашните пијанисти. Во нашава земја настапуваат куп странски пијанисти, кои не се подобри од домашните. Институциите треба да водат поголема грижа за афирмација и на нашите изведувачи.

Доволно ли се отворени македонските оркестри за соработка со домашните изведувачи?
- Реално, освен Македонската филхармонија, ние немаме друг симфониски оркестар. Треба да се формираат уште симфониски, или барем камерни оркестри, кои редовно ќе концертираат. Така би имале повеќе шанси за настап. Вака, можноста за настап со симфониски оркестар е навистина минимизирана, а знаеме колку се важни овие концерти за креативното развивање на еден пијанист.
  
   
Автор: Ангелина Димоска 

Извор: Нова Македонија



Поуки од Светите Отци

krusevoexport

Наука и Култура

Август 18, 2019
чехов

Карактеристиките на вистински културен човек според Чехов

„Животот има свои услови. За еден човек да биде прифатен меѓу вистински образовани луѓе, тој мора да биде образован“, вели во едно писмо рускиот писател Антон Павлович Чехов кое му го испратил на неговиот помал брат, во кое му напишал и листа на услови што…
Јули 04, 2019

Рабиндранат Тагоре:„Погрешно го читаме светот и велиме дека нè залажува.“

Љубовта е еден од најзастапените и најуниверзалните мотиви во сите уметнички облици. Поезијата на Рабиндранат Тагоре, индиски книжевник, филозоф и драматург, е сплетена од стихови кои го докажуваат тоа.Творечкиот опус на овој книжевник го чинат 1000 поеми,…

Петтата сесија на Охридската школа на природното право

Јул 02, 2019 Научни трудови 191
Првата сесија од овој настан ја отвори акад. Владо Камбовски, раководител на Центарот за…

Доделени наградите „Златен був“ на 9. Филозофски филмски фестивал

Мај 18, 2019 Филм, Театар 286
Рускиот филм „Ноќен разговор со џелат“/ Night Talk With a Hangman и режисерот Јаков…

Како може да им се помогне на оние кои размислуваат за самоубиство?

Апр 08, 2019 Друго од култура 497
Според проценката на Светската Здравствена Организација во просек 1 милион луѓе умираат…

Беседи

Антониј, Митрополит Сурошки: Преображение

Антониј, Митрополит Сурошки: Преображение

Мојсеј влегол во тој облак и му било дозволено да разговара со Бога како пријател со пријател; му било дозволено да види како Бог поминува покрај него, сè уште без...

Митрополит Струмички Наум: Преображение, наше (18.08.2016)

Митрополит Струмички Наум: Преображение, наше (18.08.2016)

„Според православната црковна антропологија на Светите Отци, суштината на умот се наоѓа во срцето како духовен центар на човекот, а енергијата на умот преку  сетилата се расејува по светот. Насочувањето...

Свети Лука (Војно- Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Свети Лука (Војно- Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Многу е важно правилно да разбереме и да ги запомниме зборовите на тропарот на великиот празник на Успението на Пресвета Богородица: „... По Успението не си го оставила светот, Богородице...’’.Нејзината...

Викарен Епископ Јаков Стобиски: Нашето одење во црква

Викарен Епископ Јаков Стобиски: Нашето одење во црква

Ние можеме да се молиме за здравје и за сè друго што нам ни се чини дека е добро да бараме, но не смееме да очекуваме дека ако одиш во...

Митрополит Струмички Наум: ВО СТИЛОТ НА СВЕТИОТ ПРОРОК ИЛИЈА

Митрополит Струмички Наум: ВО СТИЛОТ НА СВЕТИОТ ПРОРОК ИЛИЈА

Сите сме жртви на суетата, помалку или повеќе. Забораваме дека гревот што го „препознаваме“ кај нашиот ближен, според Светите Отци, постои и во нас или е најчесто само наша проекција....

Митрополит Струмички Наум: „ВНАТРЕШЕН  и НАДВОРЕШЕН АВТОРИТЕТ“

Митрополит Струмички Наум: „ВНАТРЕШЕН и НАДВОРЕШЕН АВТОРИТЕТ“

Просто, сме станале верна копија на старозаветните Црква, храм и свештенство – во нивната изобличеност, со слични рестриктивни правила кон обичниот верник (сепак носител на царското свештенство) и со ист...

 Викарен Епископ Јаков Стобиски: За маченички етос

Викарен Епископ Јаков Стобиски: За маченички етос

Имаме можност да бидеме маченици Христови – во секоја минута, во секоја секунда од нашиот живот. Мачеништво е да се избориш со една лоша помисла, со помисла на завист, со...

Архимандрит Партениј Бигорски: Острастеноста – пат кон демоноопседнатост

Архимандрит Партениј Бигорски: Острастеноста – пат кон демоноопседнатост

Оваа состојба на демоноопседнатост не е некаков мит или обична приказна, или пак, средство за заплашување. Не, таа е реалност и постои. Колку и да се обидуваат некои да ја...

 Викарен Епископ Јаков Стобиски

Викарен Епископ Јаков Стобиски

Не плашете се да страдате, оти човекот што се плаши да страда и да се жртвува никогаш нема да му објави војна на ѓаволот и на гревот, нема никогаш да...

« »