логоFacebookTwitterYouTubeeMail

РАЗГОВОР СО РОЗА МОЈСОВСКА, СЛИКАРКА КОЈА ГО ПРЕМОСТУВА СВОЈОТ ХЕНДИКЕП


Господ сака да се прослави преку мене, а не јас преку него...


"Кога ќе ми дојде мисла се трудам веднаш да ја пренесам на хартија или на платно. Се разбира, секогаш идејата не излегува на виделина, но бидејќи својата инспирација ја црпам од Светото писмо, Господ ми помага бидејќи тој создал се, па и мене, за да можам да ги вообличувам своите слики и зборови", вели Роза за своето творечко постоење


Уметничката Роза Мојсовска својот светоглед го шири од својата соба - престојувалиште во Заводот за рехабилитација во Бања Банско, а особен придонес за нејзиниот раширен светоглед има сликањето и поезијата. Таа од 1986 година, па до денес се дружи и живее со своите сопатници по болест и душа, а главната потпора ја црпи од нејзината "десна рака" Тошка.

Својата инспирација и дух речиси непрестано ги претвора во зборови и слики. За нејзината инспирација и нејзиниот тек на мисли, таа вели:
"Кога ќе ми дојде мисла се трудам веднаш да ја пренесам на хартија или на платно. Се разбира, секогаш идејата не излегува на виделина, но бидејќи својата инспирација ја црпам од Светото писмо, Господ ми помага бидејќи тој создал се, па и мене, за да можам да ги вообличувам своите слики и зборови".

Најчесто црта цвеќиња, бидејќи за неа цвеќето претставува љубов...
"Преку нежноста на цветовите сакам да ја изразам таа љубов, подарувајќи им ја на луѓето", вели Роза. Таа твори во ателјето кое е прилагодено и пренасочено за неа, кое се наоѓа еден кат подолу од нејзината соба. Оттаму таа ја продолжува својата патека кон иднината, но и борбата со болеста, која ја "осудила" доживотно да биде во инвалидска количка, но не се предава:
"Јас меѓу другото се борам да докажам дека и ние луѓето со телесен хендикеп, односно со посебни потреби нешто вредиме. Не се жалам никому, не се самосожалувам, бидејќи Господ таква ме создал затоа што сака да се прослави преку мене, а не јас преку него...

Досега во уметничкото портфолио на Роза Мојсовска се запишани или поточно создадени повеќе од илјада слики - дела, бројка што несомнено е за респект. Нејзиниот труд почнува да се верифицира од 1996 година, кога според нејзини зборови започнала сериозно да се занимава со сликање. Инаку, Роза дружбата со боите и палетата ја започнува од мали нозе. Таа е член на Светското здружение на уметници кои сликаат со уста или нозе. Тоа е самофинансирачка организација во која членуваат само тешки инвалиди. Заради тешките последици на болеста, не можат да ги употребуваат рацете и затоа се научиле да цртаат држејќи ја четкичката со забите или со прстите на нозете. Таа е стипендист на ова здружение, а преку своето школување под будното око на професорот Панче Георгиев се труди да добие статус на професионален сликар и да биде полноправен член на светско ниво во нејзината категорија.

За својот труд и професионален однос кон уметноста и сликањето не сакаше многу да зборува пред се поради нејзината кроткост и скромност, па сепак кусо ни рече: "Досега се соочувам само со позитивни оценки. Имам многубројни изложби низ цела Македонија, но и во Италија, Швајцарија, Словенија, Србија, Бугарија..."

Засега во преговори е изложба во Битола, но не е исклучено многу наскоро или во текот на годинава Роза преку своите дела да се претстави и во Скопје.

За крај и понатаму не симнувајќи ја својата ведрина и насмевка од лицето, Роза на сите луѓе без разлика на нивната здравствена состојба им порачува:
"Човекот секогаш треба да се бори, бидејќи, ако ги земеме предвид сите околности со кои се соочуваме во психофизичка смисла, секој човек на некој начин е инвалид, односно носи по некоја болка со и во себе. Без оглед на фактичкото здравје и изгледот, секој човек со верба и позитивна енергија може да се избори со злото".

Мојата молитва

Би сакала да украсам душа
На сите скршени срца.
Да нанесам сјај
На солзите што течат од болка.
Да закачам вера
На очите тажни.
Да ја нацртам надежта
Во којашто се надевам.
Сакам да ги наредам имињата
На сите мои најблиски,
Па нека бидат и на оние
Што ми мислат зло,
И на тие кои сум ги повредила
Без да сакам.
Сето тоа
Сакам да го вметнам
Во мојата молитва
А мојата молитва да одлета
До Твоите уши.
И нека биде
Ти како што сакаш да биде
По твојата волја Боже!

Ова е последната песна од четвртата стихозбирка на Розе, "Ја имам надежта", а пред тоа таа ги напиша уште и "Во прегратките на Исус", "Не се предавам" и "Немам време".

Борче ГРОЗДАНОВ- Вечер


Поуки од Светите Отци

krusevoexport

Наука и Култура

Ноември 24, 2019
7.Vselenski.sobor

Скопје и Истанбул се среќаваат во јазикот, литературата, историјата

– Градовите ја имаат функцијата на поврзување луѓе, вери и народи, како и нивните култури. Динамиката на културните размени меѓу Скопје и Истанбул со овој проект се обележува низ значајните пунктови на тие релации (јазик – литература и историја – култура) со…
Ноември 07, 2019
7.Vselenski.sobor

СИТЕ ТИЕ МУСТАЌЛИИ (од колекцијата на Националната Галерија на Р. С. Македонија)

Портретната уметност од минатите епохи изобилува со слики и скулптури на луѓе со мустаќи кои оставиле траен печат врз културните истории на многу народи:мустаќите се неодминлив ликовен елемент во визуелните претставувања на египетските владетели (како што е…

Двеста години од раѓањето на Дичо,зографот кој почна нов правец во црковната уметност

Окт 19, 2019 Наука и Религија 291
Има една интересна случка поврзана со Дичо Зографот што ја раскажуваат неговите потомци.…

„АВИЈАТИЧАРОТ“ ОД ЕВГЕНИЈ ВОДОЛАЗКИН добитник на наградата „BookStar 2019“

Окт 08, 2019 Литература 283
Гостувањето на моментално рускиот писател број 1 на сите светски листи – Евгениј…

Фестивал на европска литература ЕВРОПСКИ ПРИКАЗНИ

Сеп 24, 2019 Литература 309
Препознатлив со внимателниот избор на наслови, врвниот превод, оригиналниот дизајн и…

Беседи

Митрополит Струмички Наум: ВОВЕДЕНСКИ РАЗМИСЛУВАЊА

Митрополит Струмички Наум: ВОВЕДЕНСКИ РАЗМИСЛУВАЊА

Премногу размислуваме во категоријата Бог – човек, наместо во категоријата личносни односи. Религиозниот човек размислува во рамките на првата категорија, а црковниот човек размислува и дејствува во откровението на втората...

Арх.Партениј Бигорски: За разумноста и безумието

Арх.Партениј Бигорски: За разумноста и безумието

Следствено, грев е човек да биде острастен кон материјалните нешта, кон земните блага, кои се минливи и му се дадени на човека да му послужат за добро, а не тој...

митр. Павел Сисанијски: Сите за еден

митр. Павел Сисанијски: Сите за еден

 Бог Го покажа Своето човекољубие не со евтини слова, но со принесувањето на Својот Син. Христос се појави во светот, со низа конкретни дела на љубовта. Првото дело е наклонетоста...

Митрополит Струмички г. Наум: Познанието на Бог е едноставно својство на просветлениот ум

Митрополит Струмички г. Наум: Познанието на Бог е едноставно својство на просветлениот ум

Посебно по воплотувањето Христово и Неговиот Домострој на нашето спасение, ѓаволот станува како играчка со која малите деца си играат (свети Атанасиј Велики) или како спаринг-партнер за оние што се...

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

 Таа единствена тихувателка и патоводителка низ исихијата, нè приведува во заедницата од која се откинавме, а еве повторно ни е дадена можност, не само да се вратиме, туку да црпиме...

Арх. Јован Крестјанкин - Да ги оживееме срцата  поради Бог !

Арх. Јован Крестјанкин - Да ги оживееме срцата поради Бог !

Денес, драги мои пријатели, поученоста од животот на старозаветните праведници ме наведува со вас да зборувам за верата. Имено, нивната големина е одредена само со верата, точно живата и дејствителна...

Викарен Епископ Јаков Стобиски:  „Епископот седи на место и во обличје Христово“

Викарен Епископ Јаков Стобиски: „Епископот седи на место и во обличје Христово“

 Епископот не станува Епископ поради некаква своја заслуга, туку исклучиво по благоволение Божјо, во послушание кон Светиот Архиерејски Синод, поради молитвите, и најважно од сѐ, заради потребите на Црквата. Затоа,...

Митрополит Струмички Наум: Самооправдувањето е одрекување од Богочовекот Христос како наш урнек...

Митрополит Струмички Наум: Самооправдувањето е одрекување од Богочовекот Христос како наш урнек...

 Страшна е потребата на човекот да се самооправдува; за мене, дури најпогубната појава од сите гревовни појави во човековиот душевен и ментален свет. Самооправдувањето е главна карактеристика на паднатиот човек,...

БEСEДА за Христа какo глава на ситe свeтии

БEСEДА за Христа какo глава на ситe свeтии

Грeвoт избeзумува, грeвoт oбeзглавува. Чoвeк пoтoнат вo грeвoви и вo пoрoци сличeн e на кoкoшка, чија глава e oтсeчeна, та умирајќи грчeвитo прeта и скoка ваму-таму. Цeлиoт нeзнабoжeчки свeт прeд...

« »