Скопје, 27 октомври   2011- храм Рождество на Пресвета Богородица

Тропар, глас 4.

Пустинскиот и самотен живот си го засакала, и по стапките на Христа, Твојот Младоженец ревносно си тргнала; и благиот Негов јарем во младоста си го зела, со Крстот си се вооружила против враговите на душата; со пост молитви и капки од солзи, си го угасила огинот на страстите, многуславна Параскево. И сега, во небесните дворови, соејќи пред Христа со мудрите девојки, моли за нас кои го почитуваме твојот свет спомен.

 Во Скопје, на 27 октомври   2011 година,  кога Светата Црква ги   празнува     Преподобна Параскева (Петка), и светите маченици Назариј, Гервасиј и Протаси, во храмот Рождеството на Пресвета Богородица, се отслужи   Божествена Литургија . Верениот  народ се причести   со Светите Христови Тајни.

Авва Марко

И така, ако сакаш да ја одржиш победата над страстите, пребивај во молитва и со содејство на Бога внатре во себе, слези во длабочината на срцето и таму проследи ги следниве три силни дивови: заборавноста, мрзеливоста и незнаењето. Тие се потпора на вознемирувањата на мислите, преку нив навлегуваат другите зли страсти, се враќаат, дејствуваат, живеат и крепат во душите на сластољубивите. Но ти, со големо внимание и настојување на умот, во содејство одозгора од кога еднаш ќе ги пронајдеш овие невидливи дивови на злото, потоа лесно ќе можеш да се избавиш од нив, пак, со внимание и молитва. Тогаш од твојата ревност за вистинското знаење, за паметењето на Божјото слово и согласувањето на твојата волја и живот при состојба на внимание во срцето и постојано чување на силата на дејствената благодат – заборавноста, незнеањето и мрзливоста ќе бидат истребени и ќе исчезнат.

Preminportal