На 15 април 2012 година, на првиот  ден од Воскресението Христово во соборниот храм Свети Климент Охридски во Скопје, Архиепископот Охридски и Македонски г.г. Стефан  отслужи  света Воскресна Литургија, на која меѓу многубројниот присутен народ беа и  претседателот на Република Македонија г-дин Ѓорге Иванов,   претседателот на Владата г-дин Никола Груевски, со сопругите   и г-ѓа Валентина Божиновска, Директор на Комисијата за односи со верските заедници и религиозни групи во РМ . На Литургијата  верниот народ  се причести  со Светите Христови Тајни. По Воскресната Литургија, следeше  читање на св. Евангелие според Јован на повеќе странски јазици.

 „Оваа светла седмица, иако трае 7 дена, сепак се смета дека е еден ден, кој е слика на идниот невечерен осми ден кој ќе настапи при Второто Христово пришествие. И нема да има темнина бидејќи Христос, Воскреснатиот наш Бог, ќе засветли како Сонце, посветло од секое сонце, зашто Он дава живот на секое тело, и Он е Сонце на правдата.“

По Литургијата

Традиционално, по повод празникот на Воскресението Христово - Велигден, веднаш по воскресенската Литургија во Соборниот храм ,  Неговото блаженство, Архиепископот Оохридски и Македонски, г. г. Стефан, во својот Кабинет, приреди прием за членовите на државниот врв: Претседателот  на Р. Македонија г-дин . Ѓорѓе Иванов,   Премиерот  на Р. Македонија г-дин . Никола Груевски, со сопругите. На приемот присуствуваше  и г-ѓа Валентина Божиновска, директор на Комисијата за односи со верските заедници и религиозни групи во РМ .

Преминпортал

Лето Господово 2012

фото-

- Преминпортал

- Марјан Николовски