логоFacebookTwitterYouTubeeMail

 vodici2020 1
„Проповедникот вика: Кој виде да се очиостува Сонце Кое е пресветло по природа, да Те измијам со водите Тебе, Кој си светлина на славата и слика на вечниот Отец? И јас, кој сум сено, да се допрам до огнот на Твоето Божество, зашто Ти си Христос, Божјата мудрост и сила“ (песна од канонот на Утрена на Свето Богојавление на Господ Исус Христос).

 vodici2020 3

vodici2020 5

На 19.01.2020 година, денот кога го празнуваме Светото Богојавление на Господ Исус Христос, кога нашиот Спасител дојде во реката Јордан да се крсти, а ангелските сили стоеја на небесата и се чудеа на Божјото снисходење, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештеникот Димче Азески и протоѓаконот Николче Ѓурѓиноски. По завршувањето на Литургијата, беше извршен чинот на Голем Водосвет, а Митрополитот Тимотеј се обрати кон неизбројниот верен народ со пригодна беседа, која подолу ви ја пренесуваме во целост. На Литургијата присуствуваше и Градоначалникот на општина Охрид, г-дин Константин Ѓорѓиески. По водосветот, сиот верен народ, предводен од Митрополитот Тимотеј и свештенството. со свечена литија се упати кон брегот на Охридското Езеро, каде беа осветени водите, а беше фрлен и светиот Крст. Оваа година Бог благоволи Крстот да дојде во рацете на Петар Рупески. Потоа Митрополитот Тимотеј се упати кон Струга, на водите на реката Црн Дрим, каде беше извршен чинот на Голем Водосвет и беше фрлен светиот Крст, а во Струга најсреќен во фаќањето на светиот Крст беше Дарко Паскоски. Во продолжение ви ја пренесуваме беседата на Митрополитот Тимотеј.

 vodici2020 7

Митрополит Тимотеј

Во името на Отецот и Синот и Светиот Дух.

Драги браќа и сестри,

Денеска го прославуваме крштението на нашиот Спасител Господ Исус Христос во реката Јордан од раката на претечата и крстител Господов Јован. Господ немал потреба да се крсти, но му рекол на Јован да Го крсти и така да се исполни секоја правда. (Мт. 3, 15) Со тоа самиот Господ Исус Христос ни укажал за неопходноста од крштението. Еднаш преку ноќ зборувал со Никодим – еден од фарисеите кој поверувал во Господа Христа и му разјаснил: „Ако човек не се роди преку вода и дух, тој не може да влезе во царството Божјо". (Јн. 3, 5) Ако човек верува во Бога и сака да влезе во царството Божјо, тогаш е задолжително да ја прими светата тајна Крштение. Тоа е еден од неопходните услови за влегување на еден човек во духовно општење во Црквата и преку тоа може да има надеж да достигне до царството Божјо. „Кој поверува и се крсти ќе се спаси, а кој не поверува и не се крсти ќе биде осуден." (Јн. 4, 36) Секој кој поверува и сака да се спаси, односно секој христијанин, е должен да ја прими светата тајна Крштение, а исто така да ги крсти и своите рожби.

Што се случува во светата тајна Крштение? Во неа настапува смрт на стариот огревовен човек. Затоа ако човек се крсти и во стари години, но со вера и покајание, тогаш му се простуваат сите направени гревови во текот на неговиот претходен живот. Човекот од крштелниот купел излегува како ангел Божји. Примајќи ја светата тајна Крштение, човекот се препородува преку Светиот Дух и се облекува од Самиот Господ, затоа што Господ влегува внатре во неговото срце. Но, ако човек после Крштението продолжи да живее нехристијански како незнабожец и јазичник, тогаш Го натажува Господа со своите гревови. Ако не се кае за своите престапи, не ја очистува својата душа од гревови, тогаш тој се покажува како равен на некрстениот. Затоа ние може да слушнеме приговори од неверници кои ни велат: Вие верници и крстени се покажувате полоши од нас. Така и Словото Божјо вели: Од вас Христијани се хули името Божјо, бидејќи вие живеете полошо од незнабошците. Господ дал слобода на луѓето и тие имаат можност да изберат да одат или да не одат кон Бога, или пак, да одат кон ѓаволот. Трет пат нема, среден пат не постои. Затоа ние христијаните сме должни да одиме кон Бога, да се стремиме кон Него, да веруваме во Него, да ги примаме светите тајни, да ги исполнуваме Божјите заповеди. Ако сето тоа не го исполнуваме и сознателно и не ги оплакуваме гревовите и не бараме простување од милостивиот Бог, тогаш Тој нема да ги очисти нашите души. Оној кој сознателно греши и ги оправдува своите гревови и не се кае за нив, тој се противи на Господа, постанува непријател Божји и оди во рацете на нечестивиот.

vodici2020 9


На денешен ден на посебен начин ние добиваме Божји дар, осветување на водата со повикување на Светата Троица. Водата не ја менува својата природа, туку се исполнува со Божја енергија, Божја сила и преку овој прекрасен чин, ни соопштува и нѐ уверува во тоа дека Бог со Неговата благодат може да присуствува во сите нас, како и во сета Негова твар. На трите големи Господови празници – Богојавление, Рождество Христово и Велигден, во древната Црква секогаш се крштевале огласените, кои претходно биле подготвувани и умствено и духовно за примање на светата тајна Крштение. Токму затоа и денес на светата Литургија пееме: „Елици во Христа крестистесја, во Христа облекостесја". Тоа е истата песна која ја пееме на светата тајна Крштение. Овие убави зборови: „Вие кои во Христа се кстивте, во Хриоста се облековте" (Гал. 3, 27), од една страна се молитва со прозба кон Бога на секој крстен човек да му биде дадена сила да се облече во Христа, односно да го прими тоа што му е потребно, да ги прими мислите Божји за нас, Неговата волја, Неговата сила и Неговата благодат. Од друга страна овие зборови ни укажуваат на некое уверување дека тие кои во Христа се крстија во Христа и се облекоа. Овие зборови звучат како повик кон сите нас што сме крстени да се облечеме во Христа. Но, дали ние навистина се облекуваме во Христа, во Неговите мисли и чувства и дали ги отвораме нашите срца за да ја примиме Ниговата благодат?

Нека празникот Богојавление ги обнови во нас силите да ја сочуваме верноста на Спасителот со Кого се соединивме, Кого Го примивме во нашите срца преку тајната Крштение и Кому сме должни да Му бидеме верни до свршетокот на нашиот живот. Амин.

 vodici2020 10

Свето Богојавление - Водици

Храм „Пресвета Богородица - Каменско" Охрид

19.01.2020 год.

vodici2020 13

vodici2020 15

vodici2020 16

vodici2020 18

vodici2020 19

vodici2020 23

vodici2020 24

 vodici2020 26

 vodici2020 29

 Повеќе: http://www.dke.org.mk/index.php/3238-2020-01-19-11-33-33

 

 



Видео содржини

Поуки од Светите Отци

krusevoexport

Беседи

Прот. Александар Шмеман: ПРИКАЗНАТА ЗА СТРАШНИОТ СУД- НЕДЕЛНИ БЕСЕДИ (8)

Прот. Александар Шмеман: ПРИКАЗНАТА ЗА СТРАШНИОТ СУД- НЕДЕЛНИ БЕСЕДИ (8)

За големото мнозинство на верни луѓе Великиот Пост - тоа, пред се, е кратката молитва, позната под името молитва на Ефрем Сирин, еден од источните христијански учители од ИВ век...

Месопусна недела: Страшниот суд

Месопусна недела: Страшниот суд

Христијанската љубов е „возможна невозможност“ да се види Христос во секој човек, кој и да е, човекот што Бог, по Својата вечна и тајна промисла, решил да го воведе во...

 о. Горан Стојчевски:  МАЈЧИНСКАТА ЉУБОВ И СИНОВСКИОТ ОДНОС

о. Горан Стојчевски: МАЈЧИНСКАТА ЉУБОВ И СИНОВСКИОТ ОДНОС

Во Светото Евангелие, како и на фреските и иконите што ги доловуваат сите искупителни и спасителни моменти од сведоштвото на Богочовекот, преку кои човекот и светот се спасени, наидуваме и...

Отец Методиј Митановски: ЗА БЛУДНИОТ СИН

Отец Методиј Митановски: ЗА БЛУДНИОТ СИН

Кога го слушаме Евангелието за блудниот син најголем проблем е што го поврзуваме со други луѓе а не со самите нас.Така секогаш се сеќаваме на некој мал човек што прокоцкал...

Митрополит Европски Пимен: Беседа за Блудниот син

Митрополит Европски Пимен: Беседа за Блудниот син

Но да си споменеме и дека има браќа (како братот од денешната парабола) кои ќе стојат на вратата и ќе роптаат кон таткото зошто нè примил и кои ќе се...

Беседа за блудниот син (втор дел) (29.02.2020)

Беседа за блудниот син (втор дел) (29.02.2020)

Да дојдеш на себеси е да видиш дека без Бог си гол и бос, и дека без Бог си никој и ништо, и дека без Бог си ветер и магла,...

Беседа за блудниот син (прв дел) (16.02.2020)

Беседа за блудниот син (прв дел) (16.02.2020)

 Бог и Отец на секого од нас подеднакво, без збор и без услов, ни ја дава полнотата на Својата благодат. Од нас самите, од нашата слободна волја зависи како ќе...

Св.  Григориј Палама - Беседа за блудниот син

Св. Григориј Палама - Беседа за блудниот син

Ќе настане глад - рекол Пророкот, оплакувајќи го Ерусалим - но не глад за леб и вода, туку чулен глад за словото Божје (Ам. 8, 11). Глад, тоа е состојба...

 Неделата на блудниот син: Враќањето од прогонство (16.02.2020)

Неделата на блудниот син: Враќањето од прогонство (16.02.2020)

Во третата недела од подготовката за Великиот пост, ние ја слушаме параболата за блудниот син (Лк 15,11-32). Параболата и химните што се пеат тој ден, зборуваат за покајанието како за...

« »