логоFacebookTwitterYouTubeeMail

Св. Фотиј Велики

Денес, Дева Мајка се раѓа од една неплодна мајка и украсен е дворецот за доаѓањето на Господ Христос. Денес врските на неплодноста се скршени и дверите на Дева се оградени. Оти, како што неплодната утроба била мртва за намерите за зачнување, а сепак, спроти сите очекувања, изродила еден преубав плод, така и, со истиот знак, нетрулежното девство е заложено и чудото на Рождеството [Христово] е наговестено, со дела на очиглед на сите. Зашто раѓањето дете без вмешување на маж е натприродно чудо, како што е сочувањето на девството по раѓање. Друга личност која ги надминува законите на природата е бесплодната жена која зачнува на старост и раѓа.

И со сите [овие] чудесни настани што се случуваат, се најавува раѓањето на Дева. Денес Ана го бере плодот кој дојде од срамот на бездетноста и сиот свет слави со радост за стеблото од плод надвиснато. Јоаким е наречен татко на детето, а ние ја примаме честа на восиновување како залог… Девата се раѓа од неплодна утроба, но дури и да била плодна, рождеството пак би било чудесно. О, големо чудо! Штом времето на сеење поминало, тогаш жетвата дошла; штом огнот на похота згаснал, тогаш фитилот на зачнување бил запален. Младоста не донела цвет, туку староста из’ртела ластар. Не нараснала утробата кога природата била на врвот, туку едно секогашдевствено новороденче се појавило како младенче на стара утроба.

+ + +

Затоа, да запееме благодарни песни, оти Адам се пресоздава и Ева се обновува. А со ова, и клетвата е крената и нашата природа човечка, отфрлајќи ја мртвата кожа на гревовната маска, прима облик на својата древна чест на ликот Господов. Заедно да воспееме благодарствени песни и да се собереме, заедно, како едно, оти со доаѓањето на Дева од неплодна утроба, неплодноста на природата се осветува, на нејзината неплодност била накалемена многуплодноста на добродетелите… Лествицата што се издига кон небесата била изградена и природата човечка, надминувајќи ги своите граници, пребива во небесните пребивалишта. Престолот Господов е подготвен на земјата, земните ствари се осветени, легиони од небесните се мешаат со нас и Злиот, кој, на почетокот нè заблуди и стана началник на клеветата против нас, е поразен од сопствениот рог.

Кој може да ги искаже чудните дела Божји? Кои зборови може да ја изразат силата на нештата над зборовите? И како некој не би се здрвил, обидувајќи се да ја дофати големината на [овие] дела? Најпрвин, Бог ги создаде луѓето, оти беше поттикнат од неприопштиво изобилство на љубов кон нас, давајќи му на созданието благодат да ја носи силата и сликата на неговиот Создател, во достоинството на телото и духот. Рајот, најслаткото и најљубено нешто, беше насаден на Истокот, намирисан од цвеќето во градините и навистина преисполнет до преобилство со привлечни и најразлични плодови од дрвјата.

+ + +

Но, кој беше достоен да стане тајник на Тајната? Кој беше достоен да стане Мајка Божја и на Оној Кој вселената ја богати да Му позајми тело? Кој беше достоен? Се разбира, онаа која денес распупува на чудесен начин од неплодниот корен на Јоаким и Ана; онаа чие Пресветло Рождество го славиме и чие доаѓање означува почеток на чудото на највеликото Таинство, мислам на Рождеството по плот на Спасителот; онаа за која овој божествен и сеполн собор беше свикан. Оти, достојно и праведно беше онаа која своето тело во чистота го сочува од раѓањето, и душата и мислите во чистота ги пазеше, да биде одредена да биде мајка на Создателот. Достојно и праведно беше онаа која како младо дете во Храмот беше принесена и влезе во одаите неиспитани, да биде жив храм на Оној Кој душа ѝ подари.

+ + +

О, какво чудо! Оној Когошто целата природа не може да Го собере удобно се сместува во утробата на Дева. Оној, пред Кого херувимите и серафимите ги прекриваат очите, се гали во скутот на Дева, допрен од нејзините раце од земја. Од јаловата и неплодна утроба излезе Светата Гора [Дева] од која, откако скапоцениот аголен камен, Христос нашиот Бог, беше чудесно оформен, Тој ги уништи демонските храмови и царството на Адот со нивната тиранска власт.

+ + +

Но тебе, Дево и Мајко на Словото, наше искупиште и прибежиште, која во благоразумие беше носена од неплодна жена и која за нас, уште почудесно, Го роди житниот клас Кој живот дава, моли Го и биди ни застапница пред твојот Син и Бог наш за нас, кои ти пееме, за да бидеме очистени од ‘рѓата на секаква нечистотија. Направи нè достојни за небесната брачна одаја во која ќе се радуваме во вечниот покој, преосветлени од трисолнечната светлина на надсуштествената Троица, и ќе се предадеме во тајните и неискажливи глетки, по благодатта на Исус Христос нашиот Господ, Кому Му прилега слава и поклонение во вековите на вековите. Амин.

Извадок од Деветтата беседа на светиот Фотиј Велики, Архиепископ Константинополски

Извор: АГАПИ

21-ви септември, лето Господово2014

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 734
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Митрополит Струмички Наум:  Умно-срдечната молитва – критериум на вистинско богословие (07.07.2020)

Митрополит Струмички Наум: Умно-срдечната молитва – критериум на вистинско богословие (07.07.2020)

Теологија без умно-срдечна молитва е повеќе технологија, т.е. умешност, односно техника на составување и вообликување на мислата и на зборот, отколку богословие, отколку Божјо слово; повеќе знаење што произлегува од...

 Митрополит Методиј Златанов: огромна е човечката жед за љубов

Митрополит Методиј Златанов: огромна е човечката жед за љубов

Во духовната пустина на овој суетен свет, на ова место на нашето исконско туѓинување, огромна е човечката жед за љубов. Дури и се навикнуваме да живееме без внимание кон себе...

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

Митрополит Струмички Наум: Слово за фарисеите (03.07.2020)

Митрополит Струмички Наум: Слово за фарисеите (03.07.2020)

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

Митрополит Струмички Наум: Кој се гневи, без причина, на братот свој (27.06.2020)

Митрополит Струмички Наум: Кој се гневи, без причина, на братот свој (27.06.2020)

И така, не оди да се причестуваш со Светите Тајни Христови ако не си побарал прошка од братот свој, ако не си му одговорил со љубов или ако не си...

« »