логоFacebookTwitterYouTubeeMail

Trick or treat?
Џек и неговиот фенер



Во едни многу далечни времиња, на уште подалечно место, си живееше еден многу курназ човек.

А обичен ковач бил. И се викал Џек, и имал келтско потекло.

Рековме бил снаодлив ама си имал човекот и две маани. Едната маана му била скржавоста, а другата, си бил мераклија за пиење. И бидејќи пара не му се давало а му се пиело, се погодил со ѓаволот да си продаде душа за пиење.

Речено - сторено, овој си нарачал пијачка, а ѓаволот се претворил во паричка со која што Џек би платил. Курназов ја зел паричката и си ја ставил в џеб. Обично велиме дека скржавите имаат змија во џеб, ама Џек, наместо змија, да ти имал крстче во џебот.

И како што обично крст и ѓавол не одат заедно, ѓаволот не можел да си го врати обликот. Молел, колел, ветувал кутриот и се испазарил со ковачот следните десет години да не му бара душа.

Се кандисал Џек и ја извадил паричката. Ѓаволот заминал, а овој раат си терал уште 10 години.

Арно ама, и тие минале, и дошло време за нова средба. Овој бара душа а другиов бара последна желба. Последната желба да ти била ѓаволот јаболко да му подаде. Овој дава, другиов зема и веднаш крст изрежал на јаболкото и пак куртулил. После некое време починал и тргнал на патот кон вечноста.

Знаејќи го каков е, во Рај не го примиле, па морал кај стариот пријател. Но и овој неколкупати насамарен не го сакал, туку му дал жар во раце за да му жежи вечно и го набркал. Арно ама курназ си е курназ и после смртта во приказнава, па од џеб извадил репка, ја издлабил и направил фенер со кој и ден денес лута барајќи крајна дестинација. И така лукавиот ковач Џек го направи прототипот на халовинскиот фенер кој традиционално од тоа време се користел кај Келтите ама не и пошироко, за разлика од денес.

Кога после неколку холивудски филмски промоции на Haloween како празник, празнувањето се сфати како забава а не како славење на празникот на сите светии, трговците протрија раце. Одлучија, на Џек наместо свеќа, за покој на душа милиони фенери да продаваат по светов кои ќе се палат во негова чест. Знаат и тие дека за Џек и паганизмот ништо не знаат, ама финансискиот бенефит добро го знаат.

Па што е тука битно дали сме биле христијани или муслимани и будисти, дали сме биле католици, протестанти или православни?

Парата е над сите религии, дури и над паганизмот во овој случај. А добрата реклама и желбата да бидеме "ИН" и во тек со сите светски мас прослави, кога веќе Дедо Мраз ни го донесе пред многу години од Лапонија, карневалите од Рио, зошто не би го донеле и Џек фенерџијата.

Па тоа е само забава, ќе речат во образованието, оние кои не знам дали по наставна програма или по нивна креативна слобода даваат дури задолжение децата да дојдат на школо со страшни маски од вештерки, костури и со издлабени тикви како фенери.

Ако им е забавно нека се забавуваат, де. Па вера и љубов кон Бога не се наметнува. Ниту пак преку забава се христијанизира или паганизира.

И не дека пишувам против овој празник бидејќи ни дошол од страна, па сега јас патриотски ги чувам нашите традиционални, туку друго нешто ме боли.

Кога утре ќе чујам дека ние што во Христа веруваме сме конзервативни и глупави, а овие што шетааат со на Џек фенерите и летаат на метли или коски си пребројуваат се in, тоа ме боли.
Дури и Уставниот суд своевремено бараше да повлечеме веронаука од училишта, бидејќи тоа било индоктринација на децата и дека местото на веронауката и е во црквата и никако преку нејзиниот праг. Исто така на почеток на школската година се дигна ука - бука што некој без знаење на родителите ги однел децата на призив на Свети Дух во црква, бидејќи било тоа злоупотреба и прекршување на човечките права и верски слободи на децата.

Ќе мине викендов и овој празник. Речиси во сите школи децата во петок ќе одат со фенери, маски и метли... И со ќејф ќе чекам да видам дали реакциите на социјални мрежи ќе се вжештат до онаа мера од почетокот на септември кога по црквата се фрлаше со дрвја и камења за погоре споменатиот случај од Пробиштип, или пак ФБ ќе се преплави со сликички од маскирани дечиња и коментари од типот "види ги колку се слатки, вештерче убаво на мама, златното костурче на тета и слично".

И тогаш ќе проценам дали келтскиот ковач Џек го насамарил само ѓаволот или и сите нас кои наивно и забавно уште го шетаме неговиот фенер.

Отец Пимен

Извор: http://off.net.mk/bavchi/pimen/dzhek-i-negoviot-fener

29.10.2015 год.



Видео содржини

Поуки од Светите Отци

krusevoexport

Духовност

Ноември 25, 2018

Акатист кон свети Нектариј Егински

КОНДАК 12Трудејќи се, си ја умножил благодатта дадена од Бога, рабу Божји, добар и верен Нектариј, затоа направи и ние да ја завршиме духовната работа и стекнувајќи ја заработката, да Му запееме на Христа: Алилуја!
Октомври 30, 2018

Житие на преподобна Параскева – Петка (Епиватска или Трновска)

Света и преблажена маченичко Христова Параскево, убавино на девственичките, пофалбо на мачениците, пример за чистота, огледало на велокодушните, восхит на премудрите, чуварко на верата христијанска, изобличителке на лагата идолска, поборничке на Божественото…

Светскиот првак Адам Ондра во посета на Бигорскиот и Рајчичкиот манастир

Окт 28, 2018 Настани 778
Деновиве нашите две свештени Обители, Бигорски и Рајчица, ги посети во светски рамки…

ПРЕПОДОБЕН ПАХОМИЈ ВЕЛИКИ

Окт 18, 2018 Житија 1060
Паралелно со преподобниот Антониј Велики, основачот на пустинското, анахоретско монаштво,…

СВЕТИ ЕФРЕМ СИРИН ЖИВОТОПИС, ТВОРЕШТВО И КАРАКТЕРИСТИКА

Окт 18, 2018 Житија 1005
Над сè, свети Ефрем си останува прекрасен проповедник – амвонот е почеток и крај на…

Беседи

БEСEДА  за живата надeж

БEСEДА за живата надeж

Нo, кoј дeнeс им пoкажа живo надeвањe на луѓeтo, кoј и какo? Апoстoлoт Пeтар oдгoвара на oва прашањe: “Гoспoд наш Исус Христoс и тoа сo вoскрeсeниeтo oд мртвитe. Никoј друг...

„Лазаре, излези надвор“

„Лазаре, излези надвор“

Тие Негови зборови, пред сè, значат дека нема смрт за оние кои веруваат во Христа, зашто Христос подоцна на Марта ѝ вели: „Јас сум воскресението и животот; кој верува во...

БEСEДА за барањeтo на живиoт пoмeѓу мртвитe

БEСEДА за барањeтo на живиoт пoмeѓу мртвитe

Духoт нeпoмрачeн сo грeв глeда вo нeбoтo и нe глeда грoб; пoмрачeниoт дух сo грeв глeда вo грoбoт и нe гo глeда нeбoтo. Грeвoт и дoбрoдeтeлта управуваат сo духoвниoт вид...

Митрополит Струмички Наум - Моќно превентивно или ризично куративно

Митрополит Струмички Наум - Моќно превентивно или ризично куративно

Бог е совршен, и како совршен, сѐ што прави – прави совршено. Кога Бог го направи човекот, всушност, направи бог – иако не по природа. Направи човекобог, кој треба да...

Жарко Ѓорѓиевски - Недела на преподобна Марија Египетска

Жарко Ѓорѓиевски - Недела на преподобна Марија Египетска

Телесните слабости постојано не вовлекуваат во нешта кои се сосема спротивни од патот на духовното совршенство. Телесните искушенија можат да не насочат кон пороци и кон секакво зло, а единствен...

Митрополит Струмички Наум: „Учителка“

Митрополит Струмички Наум: „Учителка“

Ајде повторно и оваа година – како во годините наназад, на Нејзиниот ден, да го обновиме нашиот подвиг – молитвеното правило „Богородице Дево...“ Оваа молитва, за нас раслабените, е последна...

БEСEДА за сeмoќта на збoрoт Бoжји

БEСEДА за сeмoќта на збoрoт Бoжји

Нo пoстoи рeд и начин пoмeѓу тваритe, видлив и дoстапeн за нас луѓeтo, а пoстoи рeд и начин нeвидлив и нeдoстапeн. Спoрeд тoј нeвидлив и нeдoстапeн рeд и начин, кoј...

Празникот Благовештение – првиот цвет на Пасхата

Празникот Благовештение – првиот цвет на Пасхата

Ете она што дојде да нѐ повика, сега ни се јави: Бог надумно се соединува со луѓето; со гласот на Архангелот прелеста се изгонува, а Дева радост прима; небото слегува...

Викарен Епископ Стобиски г. Јаков: Жртвена прегратка (31.03.2019)

Викарен Епископ Стобиски г. Јаков: Жртвена прегратка (31.03.2019)

Ако ги приклониме колената, а во срцето свое, во вистинскиот храм во кој Бог се вселува, не го поставиме Крстот, сме го промашиле суштинското значење на празникот, затоа што тоа...

« »