логоFacebookTwitterYouTubeeMail


Архимандритот Партениј тврди дека ниту електричниот кабел бил исечен ниту, пак, бил нагризан од глувци

 

СВЕТИ ЈОВАН БИГОРСКИ - Ниту електричниот кабел во манастирот „Свети Јован Бигорски” бил пресечен, ниту, пак, го изгризале глувци. Некој сака да влијае врз истрагата и да ја однесе во погрешна насока. Ова се реакциите на игуменот на Бигорскиот манастир, архимандритот Партениј, кој ги отфрла како шпекулации информациите за можна саботажа во најпознатиот верски храм во земјава.

Монасите, кои активно учествуваа во расчистувањето на остатоците од големиот пожар што го зафати манастирот пред една седмица, го бараат катанецот од кујната во „Свети Јован Бигорски“. Тој треба да покаже дали кобното септемвриско утро некој насилно влегол во кујната и го предизвикал пожарот. Доколку катанецот е неоштетен – тоа би значело дека сите сомневања за евентуална диверзија паѓаат во вода.

Според зборовите на Сејфула Османи, од Основниот суд во Гостивар, кој ја води истрагата, увидот е целосно завршен и се обезбедени потребните материјални докази, кои ќе можат да придонесат за откривање на причината за настанувањето на пожарот. Според Османи, причина за пожар може да биде: неисправната електрична инсталација, плинската инсталација и уреди, но не ја отфрла и можноста некое неодговорно лице да го подметнало пожарот. Повеќе детали од истрагата за пожарот ќе соопшти на денеска на прес-конференција во Гостивар.

Изминативе четири дена, околу стотина монаси, гости на манастирот и жители на неколку долнорекански села, учествуваа со рачно расчистување на пустошот што го направи пожарот, кој избувна утрото на 30 септември. Сите овие активности се одвиваат под контрола на стручни лица на Националниот конзерваторски центар. Околу 90 отсто од пустошот беше расчистен. Отстранети се остатоците од инвентарот на кујната и од другите простории, гламјосани греди, искршени тули и камени плочки, уништени олуци, радијатори, метални цевки и друго. Пожарникари од Скопје со едно противпожарно возило учествуваа во гаснењето на огнот, кој без престанок се појавуваше на сите страни на просторот каде што се наоѓаа старите конаци и не дозволуваа да се прошири и да влијае врз дестабилизација на темелите.

Од подрумите на старите конаци, беа отстранети и цистерните со нафта. „Св. Јован“ со неговата моќ и сила не дозволи пламените јазици да ги зафати и да предизвикаат експлозија. Не само што материјалната штета ќе беше далеку поголема, туку ќе имаше и човечки жртви“, ни вели игуменот Партениј, кој е и потпретседател на Координативното тело за обнова на Бигорскиот манастир.

Како што не' информира отец Партениј, до крајот на неделава ќе се работи на конзервирање на остатоците на „Горен Палат“ и се планира да заврши оваа значајна активност. Локалната власт на општина Маврово-Ростуше и неколку градежни фирми понудија помош да обезбедат скелиња за зацврстување на темелите и ѕидовите, а народните музеи од Штип и од Битола ќе обезбедат најлони за покривање на се' што остана од „Горни Палат”.

Стручната екипа составена од професор Грозде Алексоски од Градежниот факултет во Скопје, Предраг Гавриловиќ од Институтот за земјотресно инженерство и Јовица Манески од Националниот конзерваторски центар, вчера ја почнаа својата активност за утврдување на фактичката состојба на издржливоста и статиката на темелите, ѕидовите, попречните бетонски греди и друго на остатоците на „Горен Палат“.

Според оперативниот план на Координативното тело, до почетокот на март идната година треба да се изработи комплетната техничка документација. Цртежите, фотографиите, видеоснимките и други документи, кои постојат од „Горен Палат“ ќе ја олеснат задачата на проектантите и на другите стручни лица, кои ќе бидат вклучени во изработката на проектот. Цел е да се врати автентичниот изглед на просториите, кои изгореа во страшниот пожар. Паралелно со оваа активност Координативното тело за обновување на Бигорскиот манастир ќе се ангажира во континуирана активност за обезбедување на потребните средства за обновување. Пожарот беше причина да се интензивираат градежните работи на изградбата на

„Источниот Палат“, во кој ќе се обезбедат пристојни услови за сместување на монасите, на кои им изгореа ќелиите. Скопската градежна фирма „Жикол“ двојно го зголеми бројот на градежници и на механизацијата, се со цел да ја интензивира изградбата.

Според проектот, конаците ќе бидат изградени на три ката и ќе располагаат со 20 монашки ќелии и параклис посветен на свети Никола. На два ката, кои ќе бидат поврзани меѓу себе, ќе биде сместена манастриската библиотека со читалница, кои ќе располагаат со над 500 квадратни метри корисна површина и ќе биде од отворен тип. Саат-кулата ќе биде висока околу десетина метри и највисока од сите градби на манастирскиот комплекс. Во долниот дел ќе бидат изградени монашките ќелии, а на врвот на кулата, покрај часовниците, што ќе го означуваат времето за почеток на богослужбите, ќе се наоѓа зографилница.

 Киро Кипроски- Утрински  весник

Друго:

Сите што сакаат да се вклучат во возобновувањето на Бигорскиот манастир и да се вложат себеси како жив камен во живата Црква, можат да донираат на следните жиро-сметки:

денарска жиро-сметка:

МПЦ Дебарско-кичевска епархија
Бигорски манастир Свети Јован Крстител

500-000000-3835-65
Стопанска банка А.Д. Битола

 девизна жиро-сметка:

МПЦ Дебарско-кичевска епархија
Бигорски манастир Свети Јован Крстител
IBAN MK07500701000133139
Депонент: Стопанска банка А.Д. Битола
SWIFT STBBMK22

Телефони за донација:
070 / 075 / 077  143 444




Видео содржини

Поуки од Светите Отци

krusevoexport

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 402
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Прот. Александар Шмеман: ПРИКАЗНАТА ЗА СТРАШНИОТ СУД- НЕДЕЛНИ БЕСЕДИ (8)

Прот. Александар Шмеман: ПРИКАЗНАТА ЗА СТРАШНИОТ СУД- НЕДЕЛНИ БЕСЕДИ (8)

За големото мнозинство на верни луѓе Великиот Пост - тоа, пред се, е кратката молитва, позната под името молитва на Ефрем Сирин, еден од источните христијански учители од ИВ век...

Месопусна недела: Страшниот суд

Месопусна недела: Страшниот суд

Христијанската љубов е „возможна невозможност“ да се види Христос во секој човек, кој и да е, човекот што Бог, по Својата вечна и тајна промисла, решил да го воведе во...

 о. Горан Стојчевски:  МАЈЧИНСКАТА ЉУБОВ И СИНОВСКИОТ ОДНОС

о. Горан Стојчевски: МАЈЧИНСКАТА ЉУБОВ И СИНОВСКИОТ ОДНОС

Во Светото Евангелие, како и на фреските и иконите што ги доловуваат сите искупителни и спасителни моменти од сведоштвото на Богочовекот, преку кои човекот и светот се спасени, наидуваме и...

Отец Методиј Митановски: ЗА БЛУДНИОТ СИН

Отец Методиј Митановски: ЗА БЛУДНИОТ СИН

Кога го слушаме Евангелието за блудниот син најголем проблем е што го поврзуваме со други луѓе а не со самите нас.Така секогаш се сеќаваме на некој мал човек што прокоцкал...

Митрополит Европски Пимен: Беседа за Блудниот син

Митрополит Европски Пимен: Беседа за Блудниот син

Но да си споменеме и дека има браќа (како братот од денешната парабола) кои ќе стојат на вратата и ќе роптаат кон таткото зошто нè примил и кои ќе се...

Беседа за блудниот син (втор дел) (29.02.2020)

Беседа за блудниот син (втор дел) (29.02.2020)

Да дојдеш на себеси е да видиш дека без Бог си гол и бос, и дека без Бог си никој и ништо, и дека без Бог си ветер и магла,...

Беседа за блудниот син (прв дел) (16.02.2020)

Беседа за блудниот син (прв дел) (16.02.2020)

 Бог и Отец на секого од нас подеднакво, без збор и без услов, ни ја дава полнотата на Својата благодат. Од нас самите, од нашата слободна волја зависи како ќе...

Св.  Григориј Палама - Беседа за блудниот син

Св. Григориј Палама - Беседа за блудниот син

Ќе настане глад - рекол Пророкот, оплакувајќи го Ерусалим - но не глад за леб и вода, туку чулен глад за словото Божје (Ам. 8, 11). Глад, тоа е состојба...

 Неделата на блудниот син: Враќањето од прогонство (16.02.2020)

Неделата на блудниот син: Враќањето од прогонство (16.02.2020)

Во третата недела од подготовката за Великиот пост, ние ја слушаме параболата за блудниот син (Лк 15,11-32). Параболата и химните што се пеат тој ден, зборуваат за покајанието како за...

« »