ИНФОРМАЦИЈА
По големиот интерес на струмичани за филмските екранизации на Кнут Хамсун изминатиот викенд во Струмица, Тивериополската филмска алијанса продолжува со организирање на активности од областа на филмската култура и уметничките дисциплини.
На 21 декември (понеделник), со почеток од 19 часот во НУЦК Антон Панов - Струмица, ТФА ќе ја одбележи 20-годишнината од смртта на билингвалниот драматичар и нобеловец од ирско потекло Семјуел Бекет. Во рамките на овој овој своевиден омаж, ќе се одржи проекција на Бекетовиот ФИЛМ во режија на Алан Шнајдер со Бастер Китон во главната улога. Притоа, ќе има клавирска придружба во живо, во исполнување на проф. Даница Стојанова. На настанот ќе му претходи краток осврт кон најновото македонско книжно издание од Бекет, приредено од Владимир Јанчевски.
Овој блок на активности на Тивериополската филмска алијанса на автентичен начин ќе биде заокружен на Божиќ, со претставување на првите кратки филмови за Исус на Фердинанд Зека.
Инаку, ТФА беше предлагач и е носител на концептот за одбележување на 70-годишнината од раѓањето на Ристо Шишков во 2010.
Светите апостоли Ераст, Кварт, Родион, Сосипатар и Терциј; Светиот маченик Орест; Свети Нон, епископ Илиополски; 
