П. Што е евхаристија?
О. Евхаристијата е тајната на Телото и Крвта на нашиот Господ Исус Христос.
П. Која материја се употребува за оваа тајна?
О. Квасен пченичен леб и вино од лозје, обично и неправено.
П. Каква боја треба да е виното?
О. Православната Руска Црква обично ја врши оваа тајна со црвено вино.*
П. Каква е формулата на оваа тајна?
О. Зборовите упатени кон Бога Оца: И направи го овај леб Чесното Тело на Христа Твој, а виното во оваа чаша - Чесната Крв на Христа Твој, претворени со Твојот Свет Дух”. И тогаш лебот и виното се претвораат во Телото и Крвта на нашиот Христос Бог, по дејството на Светиот Дух и молитвата на све штеникот.
П. Што треба да имаме во предвид при оваа тајна?
О. Три работи:
1) свештеникот да биде правилно посветен;
2) престолот или антимнистот да бидат осветени од архиереј;
3) свештеникот да има потполна и несомнена вера дека суштината на лебот и виното со дејството на Светиот Дух се претвораат во суштината на Телото и Крвта на нашиот Господ Исус Христос.
П. Го гледаме ли ние преобразувањето на лебот и виното во Телото и Крвта Христови?
О. Не го гледаме, но без сомнение веруваме.
П. Какво дејствие произведува во нас лебот претворен во Телото Христово и виното, претворено во Крвта Христова?
О. Преку причесувањето со Телото и Крвта Хрис- тови ние се соединуваме со Бога како огнот со желез- дото и постануваме еднотелесни и еднокрвни со Хри ста, според евангелискиот збор Христов: Кој го јаде Моето Тело и ја пие Мојата Крв, во Мене пребива и Јас во него” (Јн. 6, 65), и според Апостолот: Вие сте тело Христово и членови негови (1 Кор. 12, 27).
П. За кого се принесува таквиот леб и вино или поточно - во форма на леб Телото Христово, а во форма на вино Крвта Христова?
О. Најпрвин за духовната и граѓанската власт, како што тоа се гледа од проскомидијата и во ектениите; второ, за сите живи, не само за правоверните, туку и за неверните да се обратат; трето, за умрените во правоверието и за сите црковни потреби, и на крајот, за приносителот на Христовите тајни т. е. свештеникот.
П. На кого оваа тајна му донесува полза?
О. На православните христијани коишто ја прима- ат достојно и коишто побожно присуствуваат на извршувањето на таа тајна, т. е. на Светата литургија; потоа за оние за коишто се принесува - живите и мртвите.
П. Можно ли е да се спасиме без оваа тајна?
О. Не е можно зашто Спасителот рече: Којшто го јаде Моето Тело и ја пие Мојата Крв, пребива во Мене и Јас во него, уште и: Ако не го јадете Телото на Синот Човечки и не ја пиете Неговата Крв, нема да имата живот во себе” (Јн. 6, 56 и 53).
П. Колкупати во годината му приличи на право- славниот христијанин да се причести?
О. Светата Црква озаконила да се причестуваме во сите четири пости; но обичните луѓе прават смртен грев на непослушност, ако барем еднаш во годината не се причестат, обично околу Светата Пасха, т. е. Великиот пост.
_______________
* Така ја врши и МПЦ (з.н.).
СВЕТИ ДИМИТРИЕ РОСТОВСКИ
ПРАШАЊА И КРАТКИ ОДГОВОРИ ЗА ВЕРАТА И ЗА СÈ ДРУГО ШТО ТРЕБА ДА ГО ЗНАЕ ХРИСТИЈАНИНОТ
Со благослов на Неговото Високопреосвештенство
Митрополит Дебарско-кичевски
Г. Г. Тимотеј
Издава
Издавачка установа К а н е о “ при Дебарско-кичевска епархија - Охрид
Уредник и превод: Диме Кочовски, протојереј
Лектура: Д-р Стојан Ристески
О Х Р И Д
1995
Свети Јован Милостив; Светиот пророк Ахија; Преподобен Нил Синајски; Преподобен Нил Мироточив; 
