Скопје, 9.09.2012- храм на св.Арх. Михаил

На 9-ми   септември   2012 година,  кога Светата Црква  молитвено  го прославува споменот на светиот маченик Фануриј, преподобен Пимен Велики, светиот свештеномаченик Кукша и Пимен Посник,  во храмот на св.Арх. Михаил, во населбата Автокоманда,  во Скопје, се   одслужи  Божествена Литургија. На  Литургијата верниот народ се причести  со Светите Христови Тајни.

авва Макариј Александриски-  Ако сакаш да извојуваш победа над страстите и лесно да ги натераш во бегство мноштвото мислени иноплеменици, собирајќи се во себе преку молитвата и со помош Божја слегувајќи во длабочините на срцето – побарај ги во себе оние три силни ѓаволски џинови, т.е. заборавноста, мрзливоста и незнаењето, од коишто се хранат, дејствуваат, живеат и се крепат во сластољубивите срца и во невоспитаните души сите останати страсти... Кога умот ќе ја спознае безуспешноста на своите спротивставувања на поранешните претстави, и ќе Му ја исповеда на Бог својата поранешна вина, веднаш исчезнува самото искушение и тој одново стекнува власт да внимава на срцето и со сета претпазливост преку молитвата да го чува, настојувајќи да влезе во највнатрешниот и невознемирлив простор на срцето, каде што веќе нема никакви лукави помисли.

 Preminportal

Лето Господово 2012