Рускиот претседател Владимир Путин ги повикал европските земји да не се мешаат во внатрешните работи на Русија, особено кога се работи за правното регулирање на ширењето на информции за сексуалните малцинства, пренесува агенцијата ИТАР-ТАСС.

„ Ве молиме да не се мешате во нашите внатрешни работи “ – бил јасен претседателот на РФ.

На една финска новинарка – одгаварајќи на нејзиното прашање – Путин трпеливо објаснил дека не се работи за никакви забрани или прогони на сексуалните малцинства во Русија.

„Не се работи за воведување на санкции за хомосексуализам или за ...мислам дека разбирате за што“, рекол Путин. „Се работи за тоа децата да се заштитат од таквите информации“, појаснил шефот на руската држава.

„Во некои земји сметаат дека децата не треба да се штитат од таквите информации. Немојте да ги штитите! Ние нема да се мешаме!“ – истакнал Путин.

„Ние во Русија ќе ги заштитиме своите деца од такви информации. Така одлучиле пратениците на нашата Државна Дума.
Затоа ве молиме да не се мешате во нашите внатрешни работи“, додал тој.

Путин нагласил дека сексуалните малцинства во РФ се „полноправни членови на општеството и дека не трпат никаков вид на дискриминација“.

Подготви: Мина Данаиловска

Извор:  http://vostok.rs/index.php?option=btg_novosti&idnovost=42607#.UcyaJvka7Cc