Скопје, 09. 09 2013 год.- храм на св. пророк Илија во населбата Аеродром на празникот на преподобен Пимен Велики и светиот маченик Фануриј

• Во единаесеттата  недела по Педесетница, кога Светата Црква молитвено се потсетува на преподобен Пимен Велики и светиот маченик Фануриј, во храмот на св.пророк Илија , во населбата Аеродром, во Скопје, свешеникот Ангел Сердарски отслужи Божествена Литургија. На Литургијата бројниот верен народ се причести со Светите Христови Тајни.

 Гoлeмитe правoславни Бoжји пoдвижници вo напoрнoтo искачувањe кoн царствoтo Бoжјo билe какo oнoј кoј пoлзи пo стрмната планина, па грeбe и сo нoзeтe и сo рацeтe за да направи eдeн чeкoр, нe пoмислувајќи да сe сврти назад. Навистина e за чудeњe нивниoт труд и нивната бeстраснoст.

 Светиот маченик Фануриј

Кој бил и кога живеел овој светител не се знае. Многу се почитува на Родос и на Крит. Од нашите краишта во Прилеп и Битола. Во 1500 година им се јавил на некои на островот Родос и таму покажал чуда и исцеленија. Таму е пронајдена и една негова стара икона. На неа Фануриј е изобразен како млад војник, којшто во десната рака држи крст, а во левата запалена свеќа. Свети Фануриј многу се слави и во Мисир. Таму постои предание дека неговата мајка била голема и непоправлива грешничка. Но синовската љубов на Свети Фануриј кон неа била извонредна. Тој повеќе Му се молеше на Бога за спасението на својата мајка, одошто за своето. При неговото убиство, додека незнабожците го трупале со камења, светителот се молел: „Заради овие мои маки, помогни им Господи на сите што ќе се помолат за спасението на мојата грешна мајка.“ Во Мисир, а и кај нас, многумина така и се молат: „Спаси ја, Господи, грешната мајка на Свети Фануриј, а и мене, грешниот, помогни ми.“ И заради оваа молитва мнозина добиваат помош.