Петок, 28 Ноември 2014
Со благослов на Архиепископот охридски и македонски г.г. Стефан деновиве од печат излезе книгата АРХИЕРЕЈ од авторот јеромонах Тихон Барсуков, а преводот од руски јазик го направи м-р Пантелеј Кондратјук. Во предговорот на оваа книга јеромонахот Николај Парамонов забележува:
Почитуван читателу!
- Пред Вашиот светоглед се наоѓа една, не многу голема по обем, но маркантна по содржина,книга. Своевремено таа им даде поддршка на многу луѓе и им помогна да јаоткријат смислата на животот и загубената вера. Книгата е напишана во преодот помеѓу ХIХ и ХХ век. Како изненадување за читателот речиси ништо не се променило на духовно-етички план во сегашна Русија. Тој ист и вечен копнеж по среќа, сеопшто пијанство и парализирана волја е одамна позната слика за руската реалност. Без оглед на сличноста на духовно-етичките проблеми на двете епохи, читателот заедно со хероите го открива за себе одамна заборавениот пат. Мнозина од оние што ќе го прочитаат ова дело неретко се обидуваат да пронајдат историски прототип на главниот херој од книгата – православниот архиереј, но тој образец останува таинствена загатка. Несекојдневните решенија, скриениот живот на ликовите, надареното сликање од страна на авторот на книгата, го решаваат сложениот проблем за надминување на социјалното зло, а со тоа го поттикуваат читателот да се задлабочи над современата состојба на православието во Русија.
игумен Николај Парамонов
Свештеник при Лаврата „ Света Троица“- Сергеева пустиња
Извор: Скопска епархија
