логоFacebookTwitterYouTubeeMail

 

Голема вечерна и промоција на книгата – проповеди
„СЛОВА ЗА СЛОВОТО“ од Архиепископот Стефан


По повод чествувањето на празникот Собор на сите македонски светители, кој, инаку се секогаш се празнува во првата недела на октомври, Македонската православна црква го започна со низа свечености. Најпрво, во саботата на 5 октомври, во новоизградениот храм Раѓање на св. Јован Крстител во населбата Бутел, беше отслужена Голема вечерна на која, во присуство на Архиепископот охридски и македонски и на Јустинијана Прима г.г. Стефан, чиноначалствуваше Митрополитот преспанско – пелагониски и Австралиско – новозеландски г. Петар во сослужение на Митрополитот Повардарски г. Агатангел и свештенослужители од Скопската епархија. Храмот, кој следниот ден беше осветен од архиереите на МПЦ, е изграден со донација на средства од господинот Мите Јованов и неговото семејство.
Потоа, по завршувањето на богослужбата, архиереите, свештениците и верниците се упатија во амфитеатарот на македонската академија на науките и уметностите (МАНУ) каде беше промовирана книгата – проповеди Слова за Словото 1 и 2, од авторот, Неговото блаженство, Архиепископот охридски и македонски и на Јустинијана Прима г.г. Стефанм, а во издание на Книгоиздателството „Матица македонска“. Слова за Словото, всушност претставува еден собир на мисли и размисли, на расудувања и поуки, на факти и информации, на пофалби и критики. Но, најмногу од сѐ - на слова, на зборови за Словото, за Господ Исус Христос, второто лице од Света Троица. Слова за верата, за Црквата, за свештената и националната историја.... Овој труд е резултат на свештеното секојдневие на Неговото блаженство, дело на неговото архипастирско дело во изминатите 20 години како Поглавар на нашата света Македонска православна црква - Охридска Архиепископија и низ 33-те години како архиереј во епархиите во Македонија и дијаспората.
Промотори на изданието беа академик Витомир Митевски и проф. д-р Ѓоко Ѓорѓевски, Декан на Православниот богословски факултет.


Авторот, Архиепископот Стефан, кој во своето дело помести повеќе од 160 наслови на проповеди, интервјуа, поуки по разни поводи и на разни места, во своето обраќање меѓу другото рече:
Инаку, словата што следат во оваа книга, и во сите потоа, кои веројатно ќе бидат собрани во пет тома, од изборот и востоличувањето на 9 и 10 октомври 1999 година па наваму, сум ги држел по разни поводи и на разни места во епархиите на нашата Света Црква, и тоа: во Охрид и Скопје, во Штип и Битола, во Велес и Струмица, во Куманово и Тетово, и во многу други места низ Татковината, како и низ нашите црковни општини во Европа, Соединетите Американски Држави, Канада па сѐ до Австралија. Секако, се предвидува да биде опфатен и митрополитскиот период, па некои слова од тоа време ќе бидат поместени во петтата книга.
Верувам, милост Божја беше што дочекавме во овој период да се случат историски и важни настани: да се возобнови Светиклиментовиот манастир на Плаошник; да се преосветат Соборниот храм „Света Софија“ и „Свети Наум“ во Охрид; да заблескаат во ново руво и Бигорски и Света Пречиста, и Лесновскиот и Осоговскиот, како и манастирите во Нерези и Слепче, Марковиот и Полошкиот; да воскресне монаштвото и во Велјуса и во Водоча, и во Бигорски и во Лесновски, и во Матка и во Зрзе, и во Варош и во Љубанци, и во Рајчица  и во Марков, и во Журче и во Нерези и во други наши манастири. И навистина, Му благодарам на Бога што ни даде да доживееме и што живееме период со многу настани и случувања, време преполно со многу предизвици и искушенија. Се удостоивме, во наше време, да одбележиме две илјади години на христијанството, и дваесет столетија на христијанството во Македонија, илјада и седумстотини години од Миланскиот едикт, илјада години од основањето на Охридската Архиепископија, и педесет години од нејзиното возобновување како Македонска Православна Црква, како и други годишнини и јубилеи. Сите тие настани беа богоугоден и благословен повод да се говори, да се забележи и да остане како сведоштво дека било.
По милоста Божја ми се даде можност да го проповедам словото  и Му благодарам на Бога ако некого поучив, придобив и утврдив во верата. Секогаш и насекаде се трудев да бидам разбирлив во доближувањето на Бога и во објаснувањето на поводот и настанот, и тоа по примерот на светиот апостол Павле, не за да бидам убедлив со мудри зборови, туку во пројава на Духот и силата .

 

 



Извор: Скопска епархија

Александар Божиноски

 

 

 



Поуки од Светите Отци

dobrotoljubie

Беседи

Митрополит Струмички Наум:   Жената Хананејка (16.10.2021)

Митрополит Струмички Наум: Жената Хананејка (16.10.2021)

 Послушанието не е лесен подвиг и не е без искушенија. Затоа, до добивањето на дарот на умно-срдечната молитва тоа е аскетски подвиг, подвиг на кој се принудуваме. Духовниот отец може...

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Та Христос не воскресна само во Ерусалим, та Христос не воскресна само во храмовите. Христос воскресна за сите, за секој и секаде. Христос воскреснува во срцето на секој еден од...

Митрополит Струмички Наум: Сега... сакаш да имаш или да немаш?

Митрополит Струмички Наум: Сега... сакаш да имаш или да немаш?

Значи, наместо судење и осудување и самооправдување, Христос ни го покажува патот на самоукорување и самоосудување, патот напуштен од речиси сите денес; патот на смирението.Прашање е дали воопшто и можеме...

Митрополит Струмички Наум: Потсетник (06.10.2021)

Митрополит Струмички Наум: Потсетник (06.10.2021)

Денешното апостолско четиво (Гал. 6, 3) ме потсети на малиот број „христијани“, кои поради својата внатрешна душевна расцепеност и меѓусебната поврзаност по таа основа, се однесуваат како отцепени, не само...

Митрополит Струмички Наум: Двоедна заповед (03.10.2021 08:43)

Митрополит Струмички Наум: Двоедна заповед (03.10.2021 08:43)

Да не се лажеме себеси... Оној што ја има љубовта како дар на благодатта на Светиот Дух не може истовремено и да мрази. Нема тука место за обичните човечки чувства,...

Митрополит Струмички Наум: Љубовта ќе олади (01.10.2021)

Митрополит Струмички Наум: Љубовта ќе олади (01.10.2021)

Љубовта ќе олади кај тие што ја добиваат како дар Божји во Црквата, а не ја негуваат и не ја развиваат. Љубовта ќе олади кај христијаните, кај православните. Божествена љубов...

 Митрополит Стумички Наум: Тајната на личниот крст (29.09.2021)

Митрополит Стумички Наум: Тајната на личниот крст (29.09.2021)

Често луѓето имаат желба да се на местото на некој друг. Сакаат да ја имаат видливата власт и славата на другиот, сакаат да ги имаат видливите пари и имот на...

 архим. Георги Капсанис: ВО ЗНАК НА НАШАТА ЉУБОВ

архим. Георги Капсанис: ВО ЗНАК НА НАШАТА ЉУБОВ

Незамисливо е да се биде христијанин без подвиг и крст. Оној што води лесен живот не може да се нарече христијанин. Некои луѓе отсекогаш верувале дека христијанин е оној кој...

 Митрополит Струмички Наум: Свадбена облека (25.09.2021)

Митрополит Струмички Наум: Свадбена облека (25.09.2021)

Свадбена облека е подвигот на очистување на срцето од страстите во послушание. Без овој подвиг никој не може да се нарече христијанин. За монасите и свештенството свадбена облека е нешто...

« »