Ново светило во Диптихот на светиите – светата преподобномаченичка Стефанида Битолско-скадарска

На 30.6.2024, во Неделата на сите светии, Сеправославната екумена доби ново светило во Диптихот на светиите – светата преподобномаченичка Стефанида Битолско-скадарска.

Канонизацијата на света Стефанида беше извршена на Светата Архијерејска Литургија во храмот „Свети Димитриј Солунски“ во Битола. На Литургијата чиноначалствуваа Неговата Светост Патријархот Српски г. г. Порфириј и Неговото Блаженство, Архиепископот Охридски и Македонски г. г. Стефан, во сослужение со Митрополитите: Преспанско-пелагониски и администратор Австралиско-новозеландски г. Петар, Архиепископ цетински и митрополитот Црногорско-приморски г. Јоаникиј, Архиепископ Михаловско-кошички г. Георгиј од Православната Црква на Чешка и Словачка, Архиепископ и митрополитот Рашко-призренски г. Теодосиј, Архиепископ и митрополитот Зворничко-тузлански г. Фотиј, митроплитот Крушевско-демирхисарски г. Јован, митрополит Европски г. Пимен, митрополит Тетовско-гостиварски г. Јосиф, вомировен Кумановско – осоговски г. Јосиф и Епископите: Новобрдски г. Иларион, г. Петар Топлички, г.Нектариј Јегарски, г. Алексеј Хвостански, Хераклејски г. Климент, Дељадровско-илинденски г. Јоаким, Делчевско-каменички г. Марко, Дремвитски г. Давид, Стобиски г. Јаков, Велички г. Никола како и бројни свештенослужители од Македонската, Српската, Бугарската, Полската и Чешко-словачката Православна Црква.