01. 08. 2009 год. - Манастир на св. Никола, с. Љубанци (скопско)

Вечерна Богослужба

Пророче, Христов проповедниче, никогаш не отстапуваш од престолот на величието и на секој болен секогаш му помагаш; служејќи во висините, ја благословуваш вселената и си славен на секаде. Проси очистување на душите наши.

Тропар, глас 4.

Ангел во тело, темел на пророците, втор претеча на Христовото пришестие, славниот Илија, кој одозгора му испраќа благодат на Елисеја, болести да лекува, лепрозни да очистува. Затоа и на оние што го почитуваат им дава исцеленија.