Старец Софрониј
Едно од две нешта е неизбежно: или човекот во потрага по психофизички задоволства и конфор ќе се оддалечи од Бога, и со тоа духовно ќе умира; или во стремење кон натприродниот образ на битието ќе умира за овој свет. Во последново ’умирање’ се состои нашиот ’крст’, нашето ’распетие’.
Скопје, 10 октомври 2010 год.-Храмот посветен на Рождеството на Пресвета Богородица
На 10 октомври 2010 година, во 20-ттата недела по Педесетница, на празникот на светиот маченик Калистрат, светите апостоли: Марко, Аристарх и Зинон, во храмот посветен на Рождеството на Пресвета Богородица , во Скопје, се отслужи Божествена Литургија. На Литургијата верниот народ се причести со Светите Христови Тајни.
Свето Евангелие од светиот апостол Лука (зач. 15)
Во она време слезе во Капернаум, во градот Галилејски, и ги поучуваше во саботните денови. И се чудеа на Неговата наука, зашто словото Му беше со власт. Во синагогата се наоѓаше еден човек, во кого имаше нечист бесовски дух, и тој извика гласно: „О, што имаш со нас, Ти, Исусе Назарејче? Си дошол ли да нè погубиш? Те знам кој си, Ти си Светец Божји.“ А Исус му забрани, говорејќи: „Молкни и излези од него!“ Па откако го кутна насреде, бесот излезе од него и ништо лошо не му направи. И сите се уплашија, и расудуваа, говорејќи помеѓу себе: „Какви се овие зборови, со власт и сила им заповеда на нечистите духови и тие излегуваат?“
Лето Господово 2010
