{mp3}Deca_Ninje_sovershilos{/mp3}
{mp3}Deca_Tropar_na_Rozdestvo{/mp3}
Подготовките за Празникот започнаа со генерално чистење на Храмот и негово украсување. Во оваа „мисија“ учество зедоа и најмладите!
Духовните подготовки за дочекување на Празникот станаа поинтензивни со Светите Богослужби кои започнаа во средата навечер (5 Јануар), кога беше отслужено Бдение за Навечерие на Рождеството Христово.
Утредента, пак, во четвртокот, се служеа Царски Часови, и Вечерна Богослужба со Света Архиерејска Литургија.
Прекрасно беше да се слушаат Царските Часови, кои така премудро го навестуваа раѓањето на Месијата! Сите читања на Пророштвата, сите Евангелија и Апостоли, сите химни што се пееа, не носеа чекор поблиску до долгоочекуваниот Празник!
Со Светата Архиерејска Литургија чиноначалствуваше епископот Кливландски Петар, во сослужение со отец Матеј, отец Валериј и отец Андреј.
Храмот беше преполн и голем број на верници (вклучувајќи многу дечиња) и пристапија на Светата Чаша, соединувајќи се со Телото и Крвта на Нашиот Господ.
Прекрасно беше да се слушаат Царските Часови, кои така премудро го навестуваа раѓањето на Месијата! Сите читања на Пророштвата, сите Евангелија и Апостоли, сите химни што се пееа, не носеа чекор поблиску до долгоочекуваниот Празник!
Со Светата Архиерејска Литургија чиноначалствуваше епископот Кливландски Петар, во сослужение со отец Матеј, отец Валериј и отец Андреј.
Храмот беше преполн и голем број на верници (вклучувајќи многу дечиња) и пристапија на Светата Чаша, соединувајќи се со Телото и Крвта на Нашиот Господ.
На самиот крај од Литургијата, на средината на Храмот свечено беше изнесена свеќата, која, како што образложи епископ Петар, ја симболизира ѕвездата која на мудреците им го покажувала патот до Новородениот Цар.
Потоа торжествено беа отпеани Тропарот и Кондакот на Христовото Рождество!
Епископ Петар во претходните денови напомена дека на овој ден (6 Јануар, ден пред Рождеството Христово), мнозина се одлучуваат воопшто да не вкусат храна додека не се појави првата ѕвезда на небото, а на присутните верници им препорача да се обидат да се воздржат од храна барем до пладне, додека не заврши Светата Литургија.
Епископ Петар во претходните денови напомена дека на овој ден (6 Јануар, ден пред Рождеството Христово), мнозина се одлучуваат воопшто да не вкусат храна додека не се појави првата ѕвезда на небото, а на присутните верници им препорача да се обидат да се воздржат од храна барем до пладне, додека не заврши Светата Литургија.
Во четвртокот вечерта, на 6 Јануар беше отслужено Празнично Бдение (Големо Повечерие и Утрена Богослужба), а на самиот ден Божик, Часови и Света архиерејска Литургија.
Посебно беше торжествено за време на Светата Литургија. Храмот беше претесен да ги собере верниците собрани во навистина огромен број!
Во Петокот вечерта празнувањата продолжија со прекрасно Бдение во чест на втор ден Божик посветен на Пресвета Богородица, а утредента се отслужи Света Архиерејска Литургија. Во неделата, пак, прва по Христовото Рождество кога се празнуваат светите Богоносни оци, а воедно и трет ден Божик, и споменот на Св.Првомаченик Стефан, повторно беше отслужена Света Архиерејска Литургија, а во саботата, наспроти овој ден во кој се соединија неколку Празници, беше отслужено свечено Бдение.
Во неделата, по Литургијата, дечињата од училиштето „Св.Јон Ханкоуски“ кое дејствува при Рускиот Храм имаа прекрасна Божикна приредба, по руски наречена „Јолка“. Приредбата беше отворена со настап на детскиот хор предводен од диригентката на нашата македонска Црква „Св.Петка“ од Чикаго, која во руското школо ги учи дечињата на црковно пеење.
Фото: С.Лазареска и Руска Катедрална Црква
