с. Матка, 14.02.2013 год.- манастир Успение на Пресвета Богордица
Тропар, глас 4.
Маченикот твој Трифун, Господи, во своето страдање прими нераспадлив венец од Тебе - нашиот Господ; имајќи ја пак, Твојата поткрепа, ги порази мачителите и ја скрши немоќната смелост на демоните. По неговите молитви, спаси ги душите наши.
На 14-ти февруари 2013 година, во 36-та недела по Педесетница, кога светата Црква молитвено го празнува споменот на светиот маченик Трифун и Светите маченици Перпетуа, Фелицитате, Сатир другите со нив, во манастирот Успение на Пресвета Богордица, во с.Матка, во присуство на бројниот народ, како и градоначалникот на општина „Ѓорче Петров“, г-дин Сокол Митровски, Епископот Велички г. Јосиф отслужи Божествена Литургија. Верниот народ на Литургијата се причести со Светите Христови Тајни.По Литургијата, а во чест на именденот на игуманијата на манастирот сестра Перпетуа, беше подготвена трпеза на љубовта.
Прославата во чест на празникот продолжи со заедничка средба на лозарите пред манастирската црква на св. Трифун, во с. Кучково, каде Епископот Велички Јосиф во сослужение на свештеници од Скопската епархија, по принесените молитви, заедно со градоначалникот г- дин Соколе Митровски и г-дин Трифун Костовски, со симболично закројување , го благослови годишниов лозов насад.
МОЛИТВА ЗА НИВИ, ГРАДИНИ,
ЛОЗЈА И ДРУГО
(оваа молитва се чита и на водосвет)
Господи, Боже наш, Кој во почетокот на Твоето создавање си го створил
небото со го-леми светила, да светат на земјата и да се чудиме на Тебе,
единствениот Творец и Господар на тварите - а земјата си ја украсил со
зелени-ла, трева и различни семиња, според нивииот род и, откако целата
си ја накитил со цвеќиња, си ја благословил за убавина. Сам и сега,
Владико, погледни од Твоето живеалиште врз овој имот и благослови го,
запази го од секаква ѓаволска злонамерност и од подмолност на зли луѓе.
Направи го да принесува на време плодови, и исполни го со Твојот
благослов. Прогони од него секаков ѕвер, гадинки, црви, муви, зараза и
изгоретини, и оддалечи од него секаков штетоносен ветар. Зашто се освети
и се прослави Твоето пречисто и величествено име, на Отецот и Синот и
Светиот Дух, сега и секогаш и во вечни векови. Амин.
Преминпортал (к.т.)
14 февруари, лето Господово 2013
Свети Јован Милостив; Светиот пророк Ахија; Преподобен Нил Синајски; Преподобен Нил Мироточив; 
