Утре во хотелот „Холидеј ин“ во Скопје, во 14 часот, ќе биде одржана втората седница на Меѓународниот комитет за организација на Конференцијата за меѓурелигиски и меѓуцивилизациски дијалог, што во Македонија треба да се одржи во 2010 година и на која, според најавите, треба да присуствуваат експерти од Турција, САД, Австрија, Бугарија и Босна и Херцеговина.
Македонија, поточно Охрид, беше домаќин на првата конференција во октомври во 2007 година, каде присуствуваа над 200 верски и религиозни лидери од 50 земји, кога земјава се најде во фокусот на случувањата што го носат предзнакот за негување на пораките за мир и соживот. Зборникот „Охридски пораки за мир и соживот“ и ДВД-изданието што пред македонската јавност беа претставени во октомври минатата година, а произлегоа од Меѓународната конференција која беше одржана под покровителство на УНЕСКО, според Министерството за култура ќе бидат промовирани на 20 април годинава во Венеција, во театарот „Ла Вениче“. (К.Р.)
Преп. Јоаникиј Велики; Св. свештеномаченик Никандар, епископ Мирски и Ермеј презвитерот; 
