Мултимедијалниот спектакл „Види музика-слушни слика-добиј книга“, вечерва во 20 часот, во Градскиот парк (во близина на споменикот на Гоце Делчев), ќе ги обедини музиката, сликарството и литературата. На отворена сцена ќе настапи Македонската филхармонија под диригентската палка на Борјан Цанев, а уметникот Сергеј Андреевски ќе слика на две платна со димензии 10 метри на 3 метри, инспириран од звуците на музиката. Оркестарот на Македонската филхармонија ќе изведе популарни дела од класичната музичка литература, како Росини, Брамс, Чајковски, Григ, Бизе, Офенбах, Глишиќ.
Организаторите - Младинскиот културен центар и Филхармонијата годинава на 20.000 посетители бесплатно ќе им ја подарат книгата „Новеченто“ од Алесандро Барико. Манифестацијата се одржува веќе трета година по ред во Скопје.
Светите апостоли Ераст, Кварт, Родион, Сосипатар и Терциј; Светиот маченик Орест; Свети Нон, епископ Илиополски; 
