БОЖЈИОТ СТРАВ ВО ДЕЛО ЗА СПАСЕНИЕ НА НАШИОТ БЛИЖЕН

Ако некој види дека неговиот брат греши, не треба да го презре и ова да го премолчи, препуштајќи го на погибел; таквиот не треба ни да се прекорува, ни да му се зборува лошо, туку ова тре-ба да се каже, со чувство на страдање и со Божји страв на оној кој е способен да го избави или сами-от тој што го видел гревот негов на таквиот со љу-бов и со смирение да му каже: 'Прости ми, брате мој, ако не грешам, имам впечаток дека не постапуваме добро". Ако не те послуша, кажи го тоа на некој друг за кого знаеш дека има доверба кон него или тоа кажи му го на неговиот старец, или на авва, во зависност од значењето на неговото согрешение, како би можеле тие да го исправат, а потоа исполни се со спокојство. Ама ова можеш да го кажеш, како што рековме, само со цел да го исправиш својот брат, а не да празнословиш или да зборуваш лошо за него и не да би го укорил, не од желба да го разобличиш, или да го осудиш, и не прикриено, прикажувајќи се како сакаш да го исправиш, а во себе криеш нешто од веќе споменатото. Бидејќи, навистина, ако некој го каже ова и на самиот негов авва, но му се обрати, не да го исправи својот брат или да би избегнал лична штета, тоа е грев и станува збор за озборување; туку нека го испита своето срце да не има во него некакво страсно движење и, ако открие дека е така, нека не кажува.
Ако, пак, преиспитувајќи се внимателно, открие дека поводот да се обрати е состраданието и ползата, но одвнатре го измачува некакава страсна помисла, со смирение нека ја исповеда на својот авва и својата состојба и нека му каже она што имал намера за својот брат, говорејќи вака: 'Совеста ми сведочи дека сакам ова да го кажам заради исправување на братот, но чувствувам дека во мене се крие некаква збунувачка помисла - не знам дали е тоа од причина што со тој брат некогаш сум доживеал непријатност или тоа е искушение што не ми дава тоа да го кажам само да не би дошло до негово исправување, и тогаш твојот авва ќе разреши дали ова треба да го кажеш или не. А кога некој говори, како што рековме, исклучиво од полза за својот брат, Бог нема да допушти да дојде до збунување, подоцна да не би дошло до ожалостување или до штета. Во Отечникот се вели: 'Од ближниот и животот и смртта доаѓаат". Секогаш, поучувајте се од тоа, браќа, следете ги зборовите на светите старци, трудете се со љубов и со страв Божји да го барате она што е од полза и за вас и за вашите браќа; на тој начин од се што ви се случува ќе стекнувате полза и духовно напредување со Божја помош.

(Продолжува)

Подготви: Стојанка Тежак

ЉУБОВТА КОН БОГА И
БОЖЈАТА ЉУБОВ

Што е тоа страв Божји, како се стекнува и како да се живее со него според учењата на светите Отци

Превод Протојереј-ставрофор Ефтим Бетински, Охрид 2004

  Друго:

ЉУБОВ КОН БОГА И СТРАВ ПРЕД БОГА

ЗА БОЖЈИОТ СТРАВ

ЉУБОВ КОН БОГА И СТРАВ ПРЕД БОГА

ПРОРОК ДАВИД ЗА БОЖЈИОТ СТРАВ

 СОВРШЕНСТВОТО НА ЉУБОВТА СЕ ПОЈАВУВА ВО МОЛИТВАТА ЗА НЕПРИЈАТЕЛИТЕ

ЗА СТРАВОТ ШТО СЕ РАЃА ОД ГОЛЕМА ЉУБОВ 

Св. Теодор Бдески - ЗА СОВРШЕНИОТ СТРАВ

ЉУБОВТА НЕ САМО ШТО НАС, СЛУГИТЕ, НЕ ПРАВИ СИНОВИ, ТУКУ ВО НАС ГО ОБНОВУВА ЛИКОТ И БОЖЈОТО ПОДОБИЕ