Скопје, н. Маџари,  3 -ти  јини 2012 год.- храм Вознесение Христово

На 3 јуни 2012 година, на празникот на Слегувањето на Светиот Дух врз апостолите – Педесетница, јереј д-р Сашо  Наков во сослужение на ѓаконот Ѓоко Бурмузоски и штецот Зоран Велковски   во храмот Вознесение Христово во населбата Маџари, во Скопје, отлужи Божествена Литургија.На Литургијата многубројниот верен народ се причести со Светите Христови Тајни. По Литургијата се отслужи Вечерна богослужба со читање на трите молитви. 

Отец Сашо на насобраниот верен  народ се обрати со пригодна беседа:

(извадок)

Драги браќа и сестри, денес нашата Света, православна Црква го слави еден од најголемите празници, Слегувањето на Светиот Дух врз Апостолите или како што е познат помеѓу луѓето, Духовден. Всушност денест го славиме третото лице од Светата Тројца, односно Светиот Дух, кој е едносуштен на Оца и Сина. II -та глава од Делата на Светите Апостоли ни сведочат дека на денешен ден, односно на педесетиот ден по Воскресението Христово и на десетиот ден по Вознесението Христово, Светиот Дух слезе врз Светите Апостоли и ги исполни со моќ и “тие почнаа да зборуваат на други јазици, онака како што им даваше Духот Свети да изговараат” (Дела 2, 4).
Овој настан се случуваше пред една куќа во Ерусалим, а народот кој што беше насобран остана вчудоневиден, кога сите можеа да слушаат како Апостолите им говорат на нивниот јазик. Бидејќи во тоа време Јудејците го славеа нивниот празник на трендафилите, односно празникот Розалија, во Ерусалим имаше надојдено народи од сите страни на светот, односно тој ден во Ерусалим престојуваа народи кои ги зборуваа сите јазици кои постоеја во тоа време. Многумина останаа вчудоневидени од ова големо чудо што им овозможуваше да слушаат како Апостолите им говорат на нивниот јазик, но имаше и Јудејци кои им се потсмеваа на Апостолите велејќи дека се напиле од слаткото вино (Дела 2, 13). Тогаш Светиот Апостол Петар стана и им се обрати на насобраните велејќи “Луѓе Јудејци и вие што живеете во Ерусалим, овие луѓе не се пијани, како што мислите вие зошто е третиот час од денот, туку тоа е исполнување на пророштвото на пророкот Јоил од Стариот Завет во врска со примањето на највисокиот мандат на Евангелието преку слегувањето на Светиот Дух” (Дела 2, 15-21). Драги верници, токму во овој пасос лежи основата да секој народ има право да го слуша проповедот на Словото Божје на свој мајчин јазик, а со тоа и секој народ да има право на своја самостојна црква. Значи тоа право го има и македонскиот народ и затоа слободно можеме да констатираме дека сите денешни обиди за непризнавање на нашата Македонска Православна црква се без библиски темели и дека треба да истраеме во нашите настојувања за самостојна Македонска Црква.(повеќе)

Преминпортал

Лето Господово 2012

Друго:

МОЛИТВАТА ЦАРУ НЕБЕСЕН

МОЛИТВА НА СВЕТИ СИМЕОН НОВ БОГОСЛОВ СО КОЈА ГО ПРИЗИВА СВЕТИОТ ДУХ