.Горно Нерези , 9 август 2012 год- манастир на св.Пантелејмон
На 9 август 2011 година, во десеттата недела по Педесетница, кога Светата Црква молитвено го празнува споменот на св. Климент Охридски, св. Седмочисленици и св. вмч. Пантелејмон, во манастирската црква посветена на свети Пантелејмон, во населбата Нерези во Скопје, протоереј Ѓорѓи Нанчевски отслужи Божествена Литургија .Верниот народ на Литургијата се причести со Светите Христови Тајни.
„Но ќе настапи време кога секојшто ќе ве убие, ќе мисли дека на Бог му принесува служба “(Јован 16,2)
„И откако не ослабна верата негова, тој не помисли дека телото негово е умртвено“ (Рим.4,19)
„ Благочестиви христијани, за празнувањето и почит спрема св. вмч. Пантелејмон нашиот народ осознал и го примил со доаѓањето на св. Климент и Наум во Македонија, во Охрид, каде што св. Климент изградил црква која ја посветил на св. вмч. Пантелејмон.
Драги браќа и сестри, верувам дека во себе, а и мене ќе ме запрашате зошто токму да се гради црква во чест на св.вмч. Пантелејмон. Вистинскиот одговор го знаат Бог, и св. Климент. Допуштено му е на ѓаволотда го собира и плодот каде што не сеел.Зошто? Семето е трулежно, вели народот. Но Создателот на светот, водејќи грижа за се што е од него создадено го чува во себеси за созрее и да роди зрел плод со кого ќе го нахрани родот (народот) свој. Св. Климент гледајќи, чувствувајќи и лекувајќи ги раните на Македонецот и словенскиот род секогаш од Господ Исус Христос барал милост и молитвеник ицелител на својот македонски православен христијански народ. Св.вмч. Пантелејмон од Св. Гора и денес му вдахнува исцелително благоухание на секој Христијанин, овде и низ целиот свет, со вера да го почувствува.
+++
И денес да се помолиме на св.вмч. Пантелејмон, да ги залечи сите телесни рани на нашиот македонски и се свети Климентов словенски народ од телесни рани и болки и нека принесе и од нас молитви кон семилостивиот Бог да ги излечи и нашите души.Јас ви велам со Христовите зборови: „Кој има уши да слуша, нека чуе“(Мат. 25,30)
Преминпортал
Лето Господово 2012
