Вевчани, Лето Господово 2012
Со благослов на Митрополитот Дебарско – кичевски г. Тимотеј, Неговото Високопреосвештенство, Митополитот на Македонската православна епархија за Европа г. Пимен, благоволи и отслужи Архиерејска Литургија во храмот „Свети Никола“ во Вевчани во сослужение со повеќе свештенослужители од Дебарско - кичевската, Скопската и Европската Македонска православна епархија.
На Божествената Литургија Митрополитот г.Пимен го ракоположи во презвитерски чин, ѓаконот Антоние Попоски, чии предци долги години ја извршуваат свештеничката дејност во Вевчани, низ Република Македонија и низ дијаспората.
Архиерејската Литургија се отслужи во 45 годишнината од возбновувањето на Охридската архиепископија во лицето на Македонската православна црква, и 150 годишнината од денот на осветувањето на храмот „Свети Никола“.
Верниот народ, благодарејќи му на Бога, се причести со Светите Дарови. По завршувањето на богослужбата беше организирана трпеза на љубовта.
За Преминпортал: о..Зоран Поповски
