Четврто продолжение
4. Информација за посетата на г. Теодосиј, архиепископ на Томис и заменик ректор за надворешна соработка на Универзитетот во Констанца
- – На 13 јуни на празникот Вознесение Христово, колата на Архиепископот не однесе во катедралната црква посветена на светите апостоли Петар и Павле, каде што се одржа архиерејска литургија на која чиноначалствуваше, архиепископот г. Теодосиј во сослужение како протос (прв свештеник) проф. д-р Ацо Гиревски и многу високодостојници; монаси, свештеници и ѓакони, меѓу кои и јеромонахот д-р Григориј Настески.
- Еве, како го опиша овој настан Амбасадорот на Република Македонија во Букурешт, Н.Е. д-р Панде Лазаревски: „Вчера во катедралниот храм во Констанца се случи чудо, се случи сослужување на литургијата на празникот Вознесение Христово, чиноначалствувана од Неговото Високопреосвестенство архиепископот г. Теодосиј, а протос на литургијата (прв свештеник до Архиепископот) беше протојерејот-ставрофор, декенот на Теолошкиот факултет од Скопје, отец Ацо Гиревски. На литургијата имаше многу високодостојници, свештеници, монаси и ѓакони, меѓу кои и јеромонахот Григориј од МПЦ. Свештениците од МПЦ богослужеа на македонски јазик. Катедралниот храм „Св. апостоли Петар и Павле“ беше преполн, а имаше многу народ и пред храмот. Ова е за нас историски настан, МПЦ да сослужува со втората по големина православна црква во светот - Романската православна црква, што de fakto имплицира признавање на нашата Црква.
На крајот од литургијата, архиепископот г. Теодосиј пред верниците во преполниот храм ги претстави македонскиот амбасадор и деканот на Теолошкиот факултет од Скопје што сослужуваше во литургијата (отец Ацо), после што, при излегувањето од храмот, мноштвото од присутните верници, приклонувајки ги главите, во непрегледен шпалир, се допираа до одеждите на свештеникот од Македонија, ги целуваја одејанијата и целуваа рака, а тој ги благословуваше. Призорот беше величествен, досега за мене невиден (За ова следи репортажа за МН – Оваа е-адреса е заштитена од спамботови. Треба да ви е овозможено JavaScript за да ја видите.)“.
Во Деканатот на Универзитетот во Констанца се сретнавме и разговаравме и со деканот на Богословскиот факултет „Свети апостол Андреј“ проф. д-р Богдан Моисе. Ги разменивме искуствата. Бидејќи Богословскиот факултет во Констанца е редовна членка на Универзитетот, а архиепископот г. Теодосие дури и проректор, беше повикан и правник – монашко лице за да подготви Договор, но откако објаснивме од наша страна дека само Ректорот или овластен проректор може да потпише таков договор, се договоривме текстот да се достави до Ректоратот во Скопје. Попладнето заминавме за Букурешт. Утредента следува учество на на Меѓународната научна конференција по повод 1150-годишнина од Моравската мисија на Св. Кирил и Методиј - Придонесот на Кирил и Методиј во развојот на европската култура, во организација на: Универзитетот од Букурешт, Факултет за странски јазици и книжевности и Катедра за руска и словенска филологија, а на иницијатива на амбасадите на Чешка, Бугарија, Хрватска, Полска, Србија, Словачка, Македонија и на Руската Федерација во Букурешт.
- Следува уште едно продолжение
- За Преминпортал : проф. д-р Ацо Гиревски, декан на Богословскиот факултет во Скопје
- 20. 06.2013 год.
Свети Јован Милостив; Светиот пророк Ахија; Преподобен Нил Синајски; Преподобен Нил Мироточив; 
