Скопје, 30.06.2013 Црква Св. Петар и Павле
Во неделата кога светата Православната црква го празнува споменот на Сите Светители, во црквата Св. Петар и Павле во Ѓорче е Петров, отец Коце Салтиров во сослужение на ѓакон Зоран Велковски отслужи света Божествена Литургија. Богослужбата беше збогатена со можност верниот народ да се поклони на светите реликвии, честици од свети мошти, парче од одеждата на свети Јован Шангајски како и Свето писмо со потпис на светителот. Зарем не е благослов од Бога да средбата со нешто што му припаѓало на светител. Колку Бог не милува и љуби нас луѓето грешни и недостојни, што секојдневно не дарува со чудата свои и ни ја објавува преку нив Славата своја! Се поклонуваше верниот народ, ги целиваше светите реликвии, со молитви се обракаше кон светителите да бидат секогаш наши застапници пред Бога! Во храмот беа присутни голем број верни и млади родители со своите дечиња, кои се причестија со светите Христови Тајни!
Благословот од Бога нека е со сите нас и нашите најблиски и сите православни христијани, наши отци, браќа и сестри!
За Преминпортал:
Д. Б.
