• На ден 18.12.2013 лето Господово, со празнична Вечерна богослужба започна чествувањето на големиот чудотворец светиот Николај Мириликијски. Со почеток во 16ч, во параклистот посветен токму на овој горазд светител во населбата Аеродром, беше отслужена празнична Вечерна богослужба со која началствуваше отец Бобан Митевски. Голем број верници беа присутни на Вечерната богослужба и молитвено се поклонија пред светителот. По завршувањето на Вечерната богослужба беа прекршени празнични колачи.

• Утредента, кога се чествува Светиот Николај архиепископ на Мириликија, достојно се прослави овој светол застапник пред Господа. Со празнична Утрена започна неговото чествување, а поторжествено беше прославен со света Божествена Литургија, која започна во 9ч отслужена од отец Бобан Митевски во сослужение на ѓаконот Зоран Велковски. Верниците кои молитвено се подготвиле за Светата Причест, пристапија кон Светиот Путир за достојно да го примат Телото и Крвта на нашиот Господ и Спасител Исус Христос. На крајот од Литургијата, мирјаните беа помазани со свето миро кое мироточи од неговите нетлени мошти за духовна поткрепа. Исто така беше прекршен славскиот колач во слава и чест на свети Николај Чудотворец. Овој голем светител и чудотворец на Светата Православна Црква, како кај нас така и во останатите правосалвни земји торжествено се прославува. Светиот Николај Мириликијски со своите свети молитви постојано нека се застапува за нас грешните пред нашиот Создател и Спасител Господ Исус Христос!

•   За Преминпортал:

• Дара Бриндева/Антонио Зафиров

19-ти декември, лето Господово 2013