Во  Првата недела на Великиот Пост, во хармот на св.Петка во Скопје, на денот кога Светата Божја Црква го празнува денот на  преподобен Прокопиј Декаполит, преподобен Талалеј, светиот маченик Агатангел,   се  отслужи  Утрена богослужба со часови и Вечерна.

„Некогаш истерани од рајот поради јадење од горчливата храна, со воздржување од страстите да побрзаме пак во него да влеземе, на нашиот Бог велејќи Му: Ти, Кој на крстот рацете Свои ги рашири, оцет се напи, и жолчка вкуси, и од клинците болки претрпе; Кој сите најгорчливи страсти од душите наши ги извади, поради милосрдието на Твоите штедроти, слугите Твои спаси ги.
Поради јадење од дрвото некогаш од рајот изгонети, со крстот Твој во него се вселивме; него во молитвата за наш бранител повикувајќи го, Многумилостив, и верно сите Ти се молиме: Извори на солзи сега испрати ни, за време на постот, кои ја чистат сета нечистотија на страстите и на гревовите наши, та постојано сите да Ти пееме: Господи, слава Ти.“

Наслада од воздржанието и мене дарувај ми, Слове, како некогаш рајот на Адама: да јадам од секој плод на Твоите заповеди, Боже наш, и секогаш да се воздржувам од плодот на гревот, та со радост да стигнам и до Твоето на крст живоносно страдање.
И три во Минејот. Слава, и сега: крстобогородичен.
Прокимен, псалм 7, глас 6: Господи, Боже мој, на Тебе се надевам, спаси ме. Стих: Од сите што ме гонат, избави ме.

Потоа рече Бог: „Нека се појават светила на сводот небески, што ќе ја осветлуваат земјата за да го делат денот од ноќта, и да бидат знаци и за времињата, и за деновите и за годините; и нека светат на сводот небески, за да ја осветлуваат земјата!" И би така. И создаде Бог две големи светила: светило поголемо да управува со денот, а светило помало да управува со ноќта, и ѕвезди; и ги постави Бог на сводот небески да ја осветлуваат земјата, и да управуваат со денот и ноќта, и да ја одделуваат светлината од темнината. И виде Бог дека е добро. И би вечер, и би утро - ден четврти. Потоа рече Бог: „Нека произведе водата лазачи, живи суштества, и птици да полетаат над земјата, под сводот небески"! И би така. И создаде Бог големи риби и секаков вид животни влекачи, а кои ги произведе водата, според нивниот род, како и секаков вид крилати птици, според родот нивни. И виде Бог дека е добро. И ги благослови Бог, велејќи: Плодете се и множете се, и наполнете ја водата во морињата, и птиците нека се множат на земјата. И би вечер, и би утро - ден петти.

Посети:{moshits}