Архиерејска Литургија и Молебен на денот на сесловенските просветители Св. Методиј и Кирил
На денот на сесловенските просветители св. Кирил и Методиј, Архиепископот охридски и македонски г.г. Стефан во сослужение на Деканот на Православниот богословски факултет во Скопје, протоереј - ставрофор Ацо Гиревски и свештенослужители од Скопската епархија отслужи Божествена Литургија во храмот „Рождество на Пресвета Богордица“ во Скопје. Верниот народ се причести со светите Христови Тајни. На Литургијата присуствуваа Ректорот, проф. д-р Велимир Стојковски со проректорите, професори и студенти од Скопскиот Универзитет. На Литургијата присустваа и гости ректори од Софискиот Универзитет „Св. Климент Охридски“ од Р. Бугарија и еден од универзитетите во Хрватска.
Потоа се отслужи Молебен во аулата на Универзитетот пред споменикот на светите Кирил и Мeтодиј.
Извор: Скопска епархија
