с. Љубанци, 11-ти декември 2014 год.- манастир на св. Никола на празникот на Светите Петнаесет Тиверополски свештеномаченици
Вера - Св.Никон Оптински
- Има периоди кога Бог допушта човек да се почуствува како да е напуштен, а сепак Он сеуште го чува и ја води неговата душа кон спасение. Ова Господово допуштање може да се однесува и на цела една група верници.Нашата основна грижа е да ја сочуваме верата Христова. Ако ја чуваме нашата вера, тоа е надежта за нашето спасение. Човек мора да ја пази својата вера и да се чува од секаков грев.
Свето Евангелие од светиот апостол Лука (зач. 24)
- Во она време се задржа Исус на едно рамно место; беа таму и мнозина Негови ученици и многу луѓе од цела Јудеја и Ерусалим, и од приморјето Тирско и Сидонско, кои беа дошле да Го чујат и да се исцелат од болестите свои, како и оние што страдаа од нечисти духови; и се излекуваа. И сиот народ сакаше да се допре до Него, зашто од Него излегуваше сила и ги лекуваше сите. А Он, како ги подигна очите кон учениците Свои, им говореше: „Блажени сте вие, сиромашните, зашто ваше е царството Божјо! Блажени сте вие, што сега гладувате, оти ќе се наситите! Блажени сте вие, кои сега плачете, оти ќе се насмеете! Блажени ќе бидете, кога ќе ве намразат луѓето, и ќе ве одделат и похулат, и го исфрлат името ваше како лошо, заради Синот Човечки! Зарадувајте се во оној ден и развеселете се, оти голема е наградата ваша на небесата.
Преминпортал (к.т.)
Светите апостоли Ераст, Кварт, Родион, Сосипатар и Терциј; Светиот маченик Орест; Свети Нон, епископ Илиополски; 
