На 06.07.2015 г. во Демир Хисар се одржа првиот Меѓународен научен симпозиум на тема: Манастирот „Св. Јован Крстител“ во Слепче, како духовен, книжевен и уметнички центар.. На Симпозиумот присуствуваше и Неговото Високопреосвештенство Митрополитот Преспанско-Пелагониски г. Петар, како и научници, историчари и свештени лица од земјава, и од двете соседни земји, Бугарија и Србија.
Утредента, на 07.07.2015 г, кога го празнуваме раѓањето на св. Јован Крстител, Митрополитот Преспанско-Пелагониски г. Петар во сослужение на останатите свештенослужители, гости на симпозиумот, отслужи Божествена Литургија во машкиот манастир посветен на св. Јован Крстител во Слепче.
Извор. Преспанско- пелагониска епархија
Друго:
Манастирот ``Свети Јован Крстител`` во Слепче, како духовен, книжевен и уметнички центар, беше темата на првиот Меѓународен научен симпозиум што денеска се одржа во Демир Хисар. Научници, историчари и свештени лица, како и научници од Бугарија и Србија, проговорија за Слепче во милениумскиот лак на словенската култура, за историографските записи за манастирот, за книжевната дејност во него, како и многу други научни сознанија, а Симпозиумот што го организира локалната самоуправа на Демир Хисар, доби поддршка и од МАНУ.
- Оваа иницијатива од година во година ќе расте и ќе добива поголеми и позначајни форми и треба да наиде на поголема поддршка од Државата, бидејќи го крепи духот на нашиот народ, кој сега, за жал, е разединет и впрегнат во некои политички превирања и пресметки- рече претседателот на МАНУ, професор д-р Владо Камбовски.
Слепченскиот манастир како духовно светилиште, ги разгатнува тајните на историските процеси од средниот век, па се до денес, беше речено на Симпозиумот.
- Верувам дека е голем предизвик за сите учесници на овој симпозиум, зашто како манастирски комплекс е споменик на културата и духовно светилиште, што доволно податливо зборува за длабочината на корените на македонската цивилзација на овие простори- рече градоначалникот на Општината Демир Хисар Љупчо Блажевски.- на овој Симпозиум, денеска ќе биде презентирано дека тој континуитет трае дури во 19. Век и се случува уште еден голем подем на манастирот- рече Сашо Цветковски, научен секретар на Симпозиумот.
Со приопштувањето на научните резултати, беше речено дека се откриени нови извори и документи, кои говорат за некои новомаченици од 19.век. Утре, на манастирската слава, ќе биде одбележана илјада и правта годишнина од постоењето на манастирот ``Свети Јован Крстител`` и ќе стартува второто издание на Демирхисарското културно лето.
Петар Стефановски- ТВ Алфа
