Во манастирскиот компекс посветен на свети Никола, денес (09. 05. 2008 година), се одржа средба  на жителите  од скопското село Љубанци и Унијата на младите сили на ВМРО - ДПМНЕ, од с. Љубанци. На средбата присуствуваа претставници од УМС на Општинскиот комитет на Бутел, Далибор Милановски, Претседателот на Градски комитет Скопје  на Унијата на младите сили на ВМРО- ДПМНЕ, Диме Спасов, претседател на УМЦ на с. Љубанци, Нешковиќ Круме, Јаким Митрески од факултетот за Туризам- Скопје, градоначалникот на општина Бутел, Петре Латински, министерот за финансии д-р Трајко Славевски и др.

Голем интерес пројавиа гостите  и со внимание ја ислушаа сестра Евпраксија за   историјатот и времето на градбата на храмот, типикот и  духовниот  живот на монахињите од  оваа  монашката заедница.

Претседателот на Градскиот комитет Скопје, на Унијата на младите сили на ВМРО- ДПМНЕ, Диме Стасовски , заедно со младите од селото Љубанци, собрани околу сестра  Евпраксија, не ја пропуштиа можноста, накратко да се информираат , за иконостасот  и  фрескописот на црквата .

Обраќајќи се на присутните, Нешковиќ Круме се заблагодари  во името на жителите на Љубанци на честа  која им ја укажаа  гостите и пријателите и изрази надеж дека овие средби ќе прераснат во традиционални.

Носителот на листата на пратеници од изборната единица два на коалицијата „За подобра Македонија“ и министер за финансии, др. Трајко Славевски ги поздрави присутните гости и жители на с.Љубанци, и меѓу останатото,  изрази надеж дека овој прекрасен манастир   со заеднички сили ќе се доизгради и реставрира.

Посети:{moshits}