„Прашањето за заштитата на животната средина е суштинско прашање и затоа кон него треба да се однесуваме со должна почит. Не смееме да дозволиме глобализацијата да го уништи човекот, тој треба да владее со сите системи. Градот е наш, заеднички, и затоа сите ние треба да се залагаме за негово оплеменување и да им дадеме пример на идните генерации како треба да се однесуваат кон животната средина. Мораме заеднички да создадеме систем во кој и понатаму ќе владеат природните закони, а со тоа да го спречиме деструктивното влијание на дебалансираната животна средина врз здравјето на човекот“ – истака  Трифун Костовски. 


 Тој додаде дека Град Скопје ќе стори се што е во негова моќ да ја унапреди животната средина и да го заштити здравјето на луѓето. Во таа насока веќе се преземени активности за замена на азбестните водоводни цевки и за евиденција на азбестно-цементните покривни плочи.

---

Напорот и залагањето  на  Градоначалникот на град Скопје господинот Трифун  Костовски, за заштита на животната средина и здравјето на луѓето во  секој случај е убав потег и е за пофалба. Во просторите на Град Скопје на 26.06. 2007 година, а по повод распишаниот кокурс беа доделени повеќе награди за најактивните и најтрудољубивите, во приватниот, јавниот, руралниот, градскиот сектор. Особено радува ентузијазмот и желбата за понатамошни успеси на наградените. Добар дел од нив  на самото врачување на наградите, презентираа нови, уште поубави проекти за разубавување на средината во која живеат и работат. Овој настан,  би требало да постане мотив и поттик за сите граѓани во заштитата  на сопствената средина.

(повеќе)