Скопје, 22 јули 2023 г.-храм на св.вмч. Димитриј
Суштината на бракот ја остварува својата мисија со благословот од Црквата.
На 22 јули 2023 година, на празникот на св. свешт-мч.Панкратиј и св.Теодор Едески, во храмот посветен на св.вмч. Димитриј во Скопје, старешината на храмот отец Александар Несторовски во сослужение на презвитерите Томе Атанасовски и Жарко Ѓорѓиевски го благослови бракот на чедата Божји Горан и Кристина.
„Поради тоа човекот ќе го остави татка си и мајката своја и ќе се придружи кон жената своја, та обајцата ќе бидат едно тело. Оваа тајна е голема. Но јас ви зборувам за Христа и за Црквата. И така секој од вас да си ја сака жената своја како што се сака самиот себе, а жената да се бои од мажот свој.” (Ефес.5,31 -33)
Преминпортал (к.т.)
Друго:
Архимандрит Емилијан: Бракот, голема тајна
„Православната Црква ги признава граѓанските бракови. Но, од црковна гледна точка тие не се допираат до Божјите благослови, кои се добиваат при Светата Тајна Венчание. Таму има убава молитва за деца, трогателна молитва за нашите родители, чии што благослови се сметаат за гаранција за траен и среќен брак: „Спомни ги, Господи Боже наш, и родителите нивни кои ги одгледале, затоа што по молитвите на родителите се закрепнуваат основите на домовите.“
Симболика на предметите присутни на венчавка во црква:
Бурма
Разменувањето на прстените симболизира безгранична доверба и препуштање на самиот себе на другиот. Исто така, означува и верност до крајот на животот.
Свеќи
Свеќите кои горат за време на венчавањето означуваат чистина, духовност и небесна светлина. Со помош на свеќите, младите дозволуваат да бидат благословени од Бог.
Бело платно
Обвиткувањето на рацете со бел или друг светол материјал ја симболизираат меѓусебната почит, слогата, верноста и единството на парот.
Венци или круни
Разменувањето на венчињата или круните означуваат дека нововенчаниот пар создава свое мало кралство во кое се почитува Бог и се владее мудро и праведно.
Вино
Во текот на венчавката младите пијат вино, што ја симболизира Исусовата крв. Пиењето од иста чаша означува поделена радост, но и тага, како и животна хармонија. Со тоа што делат вино, младите ветуваат дека ќе делат сè и во бракот.
пп
