логоFacebook  Twitter  YouTube  eMail

Кожувчанка

Timotej.lit1

„Си воскреснал денес од гробот, Штедар, и нас си нѐ извел од смртните врати. Денес Адам ликува и се радува Ева, а пророците, заедно со патријарсите, непрестајно ја воспеваат моќта на власта Твоја“ (воскресен кондак 3-ти глас, во Недела на утрена).

        На 10.11.2024 година, во Двесеттата недела по Педесетница и на празникот на св. мч-чка. Параскева Икониска и на св. Димитриј Ростовски, во ман. „Св. Климент и Пантелејмон“ на Плаошник во Охрид, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Зворничко-тузлански г. Фотиј од Српската православна црква, во сослужение на Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, Неговото Преосвештенство Епископот Шабачки г. Јеротеј, протоерејот-ставрофор Никола Христоски, протоереите Влада Јевтиќ и Горан Ставрески, свештениците Владимир Периќ и Марко Спасовски, еромонахот Никодим, протоѓаконите Николче Ѓурѓиноски и Немања Спасојевиќ и ѓаконот Стефан Митровиќ.

По завршувањето на Литургијата, Митрополитот Тимотеј се обрати кон верниот народ со пригодна беседа, којашто подолу во целост ви ја пренесуваме. На самиот крај, Митрополитот Фотиј се заблагодари на нашиот Митрополит Тимотеј за убавиот пречек и можноста да сослужуваат во Светиклиментовиот манастир, притоа истакнувајќи ја важноста на воспоставеното единство, важност која е од големо значење и за двете сестрински цркви и за двата братски народа. Во продолжение ви ја пренесуваме беседата од Митрополитот Тимотеј.

Timotej.lit5

Митрополит Тимотеј

Во името на Отецот и Синот и Светиот Дух!

Ваше Високопреосвештенство, ваше Преосвештенство, чесни отци и драги браќа и сестри,

           Како што слушнавме од светото Евангелие, Господ ѝ се обраќа на наинската вдовица која го оплакувала својот единствен син, со зборовите: Не плачи! (Лк. 7, 13). Човекољубецот ѝ ги кажал овие зборови, се доближил до одарот и се допрел до умрениот и му рекол: Момче, тебе ти велам, стани! (Лк. 7, 14). Мртовецот се подигнал, седнал и почнал да зборува, а Тој го предаде на мајка му (Лк. 7, 15). Понатаму уште се вели: И страв ги обзеде сите и Го славеа Бога и велеа: „Голем пророк се јави меѓу нас“ и „Бог го посети Својот народ“ (Лк. 7, 16).

Господ ја спасил од длабока и преголема жалост оваа јадна мајка и ненадејно ѝ приредил неизмерна радост и утеха. Оној Кој е извор на живот и преку Чие учество Создателот на светот и го создал првиот човек, ја претворил смртта на младичот во живот. Со ова чудо Он ја посведочил Својата безмерна љубов и Своето милосрдие кон луѓето, а истовремено им покажал на луѓето дека Он е Син на Живиот Бог.

Мислењето за Исуса Христа, испратениот од Бога, се ширело низ цела Јудеја и околината. Но, не секаде и не секој познал дека тоа чудо е од раката на Месијата, Синот Божји. Во очите на Јудеите, по многуте минати времиња, имало големи пророци, како што бил пророкот Илија, кој го воскреснал синот на вдовицата во Сарепта Сидонска (3. Цар. 17, 17-24). Сето тоа се случувало многу одамна, а ова се случувало пред нивните очи и пред целиот народ. Сето тоа го убедувало народот дека пред нив е голем пророк. Но, кој е Он? И зошто Он прави големи чуда? Зошто без никој да бара, нешто што никогаш не се случувало, Он го воскреснал синот на вдовицата наинска? Св. Лука одговара дека тоа било направено од жалост кон тажната вдовица. Господ се сожали на неа – вели ев. Лука (Лк. 7, 13).

Во лицето на вдовицата, на таа осиромашена мајка, Христос се сожалува кон сите луѓе кои се поразени од гревот, од болестите и смртта. Во солзите на осиромашената мајка Он видел и слушнал илјадници повици од севкупното човештво, кое не може да се помири со царството на смртта, со тој трагичен плач на земјата кој се слуша секаде дури и до ден денешен. Исто онака како што се вели во погребната стихира: Плачам и ридам кога ќе помислам на смртта.

Но, не само сочувството кон човечката мака било причина за воскресение на синот во Наин. Тука била покажана и силата и славата Христова. И иако голем дел од современиците Христови гледале во Него само голем пророк, Кој прави чуда со името Божјо, имало и такви кои во Него виделе и Месија и Син Божји, Кој има власт над животот и смртта во вселената. Такви верни постанале и сите апостоли и ученици на Исуса Христа, а и ние со нив.

Покрај тоа, чудото во Наин било и пророштво за новата епоха, кога смртта ќе ја изгуби власта над луѓето. Ќе настапи ерата кога Бог ќе ја избрише секоја солза од очите нивни, и смрт нема да има веќе; ни плач, ни пискот, ниту болка нема да има веќе, бидејќи поранешното помина (Откр. 21, 4).

На самиот крај, не можеме и да си преставиме дека Христос, Оној Кој за Себе сведочи дека е воскресение и живот (Јн. 11, 25), и Кој го проповедал Царството Божјо и воскресението на мртвите, можел рамнодушно да помине покрај патот на смртта и жалоста. Он не можел да им дозволи тие да одат по својот пат, кон каменот на пештерата. Христос го воскреснал умрениот и ги потопил сите човечки маки, болки, јадови, затоа што поинаку и не можело да биде. Онаму каде што се појавува Он, таму се отвораат рајските двери, таму нема ни смрт ни жал ни воздишки туку воскресение и бесконечен живот.

Целта на нашиот живот е да се спечали спасение на нашите бесмртни души. Но, тоа не е така лесно, ниту, пак, е можно да се постигне само со слабите човечки сили, без оглед на нашите желби и труд. Неопходна ни е и Божја помош. Затоа непрестајно да Го молиме милостивиот Небесен Бог, Он да погледне кон нас слабите и немоќни. Он да ја излие врз нас Својата благодат и Своето милосрдие, онака како што го излеал врз жената вдовица од градот Наин, како и врз нејзиниот умрен син. Со Својата милост Он им донел неопислива душевна радост и утеха. Знаејќи дека Господ е многумилостив, и дека не ја сака смртта на грешникот, туку да да се одврати и да остане жив (Језек. 33, 11), не се сомневаме дека и нам ќе ни покаже и ќе ја излие големата љубов и дарежливата милост, па и ние да се радуваме со мајката и синот во градот Наин. Амин.

Timotej.lit3

 Timotej.lit6

Timotej.lit7

Timotej.lit8

 

20-та Недела по Педесетница

Ман. „Св. Климент и Пантелемон“ Плаошник, Охрид

10.11.2024 г.

 

https://www.dke.org.mk/index.php/3708-dvaesetta-nedela-po-pedesetnica

 

 



dobrotoljubie

Поуки од Светите Отци

Видео содржини

dobrotoljubie

Беседи

Старец Георгиј Капсанис - ЗНАЧЕЊЕТО НА БОЛКАТА ВО НАШИОТ ЖИВОТ

Старец Георгиј Капсанис - ЗНАЧЕЊЕТО НА БОЛКАТА ВО НАШИОТ ЖИВОТ

Во оваа нова состојба се чини дека смртта и болката имаат позитивно значење, како другата кожна облека со која Бог ги облекол Адам и Ева кога го напуштиле рајот за...

Вознесение во Христос или идолопоклоничко превознесување

Вознесение во Христос или идолопоклоничко превознесување

  Луѓето тежнеат кон правење идоли. Идол е сѐ она што човекот го става на прво место во своето срце, наместо Бог и наместо духовното растење во Бог. Луѓето сакаат...

Св. Климент Охридски: Поука на вознесение на Господ наш Исус Христос

Св. Климент Охридски: Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

 Митрополит Струмички Наум: Недела на слепородениот

Митрополит Струмички Наум: Недела на слепородениот

Се случија две средби помеѓу слепородениот и Христос: првата додека уште беше слеп; и втората, откако прогледа и откако Го оправда Христос пред фарисеите. И фарисеите двапати се сретнаа со...

Митрополит Струмички Наум: „Литургијата и на почетокот била Тајна Вечера, а не јавен доручек.“

Митрополит Струмички Наум: „Литургијата и на почетокот била Тајна Вечера, а не јавен доручек.“

       Така, како што веќе напишав: ниту почетокот, ниту крајот на начинот на служењето на Светата Литургија се и ќе бидат исти со денешниот – ниту некој Собор ја прогласил за...

Отец Гаврил-Беседа за Св.Методиј и Св.Кирил

Отец Гаврил-Беседа за Св.Методиј и Св.Кирил

Тогаш сфатил дека не треба да се врзува за ништо световно, и дека треба да живее единствено за Царството Небесно, односно за Бога. И навистина се оддал на богоугоден живот,...

Жарко Ѓорѓиевски: Свети апостоли Јасон и Сосинатар (Недела на раслабениот)

Жарко Ѓорѓиевски: Свети апостоли Јасон и Сосинатар (Недела на раслабениот)

Eвангелската приказна за исцелувањето на болниот човек кој поголемиот дел од својот живот беспомошно лежел покрај бањата која ја опишал светиот апостол и евангелист Јован е пример на чисто милосрдие...

Митрополит Струмички Наум: Христијанин без срце кое гори во молитва...

Митрополит Струмички Наум: Христијанин без срце кое гори во молитва...

Ако Божјите информации што доаѓаат од словото на духовниот отец, од Светото Писмо, од делата на Светите отци ги прифаќаме само на ниво на разум, без да ги прифатиме во...

« »

Најнови вести

Православен календар

 

06/06/2025 - петок

Преподобен Симеон Столпник Дивногорец; Светиот маченик Мелетиј Стратилат и 1218 војници со жени и деца; Преподобен Никита Столпник;

Правила и одредби на Православната Црква за постот
Православен календар за овој месец - МПЦ

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на преп. Христов столпник Симеон Дивногорец 6 јуни/24 мај 2025

Тропар на преп. Христов столпник Симеон Дивногорец 6 јуни/24 мај 2025

Помазаник на Божјата благодат, од утроба посветен на славословие Господово, Симеон стана огнен молитвеник од земјата до небото, цврста поткрепа во Бога имајќи,...

Тропар на ВОЗНЕСЕНИЕ ХРИСТОВО – СПАСОВДЕН

Тропар на ВОЗНЕСЕНИЕ ХРИСТОВО – СПАСОВДЕН

Си се вознел во слава, Христе Боже наш, и си ги зарадувал учениците со ветувањето на Светиот Дух, а со...

Тропар на светиот слуга Христов Епифаниј Кипарски  25 мај/ 12 мај 2025

Тропар на светиот слуга Христов Епифаниј Кипарски 25 мај/ 12 мај 2025

Ливан ја залеа со мириси, патеката на твојот живот,о голем столбу на православието, ревноста по Христа ја привлече благодатта,и со...

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная