Денес 17/30 септември, нa денот на св.м-ца Софија и нејзините три ќерки Вера, Надеж и Љубов, Литургиската радост ја зголемија со својата посета Министерот за Транспорт и врски на Владата на РМ , г-динот Миле Јанакиески, со неговиот колега од Р.Бугарија г-динот Петар Мутафчиев, со своите шефови на Кабинети.
После поклонувањето пред Чудотворната икона на свети Јован Крстител, како и пред Кивотот со свети мошти, игуменот на манастирот, архимандритот Партениј, гостите ги запозна со уникатната резба на иконостасот, културно историската вредност на гостоприемната соба, како и со архитектонски монументална Големата трпезарија.
После кратката пауза во Игуменската приемна соба, на гостите им беше презентиран текот на работите околу потпорниот зид, кој го финансира Владата, а кој е припрема и темел на Источниот конак, кој треба потоа да започне да се гради.
Известува: јеромонах Доситеј
Посети: {moshits}
