Во саботата, на 16 март 2009 година, во просториите на Македонската Црковна Општина Свети Никола во Виндзор, Канада, се одржа свечен банкет по повод двојната годишнина – 40 години од формирањето на иницијативниот одбор за организирање на Македонска Црковна Општина и 30 години од осветуњето на сегашната црква.
Пред околу 300 присутни гости, членови на црковната општина, свештеници и преставници од другите Македонски цркви од Канада и САД, преставници на политички и општествени организации, пригодни говори одржаа претседателот на МПЦ “Св. Никола” господинот Менде Талески, секретарката госпоѓа Лилјана Ѓуровиќ, парохискиот свештеник прото-ставрофор д-р Александар Мустеников, епархискиот намесник прото-ставрофор Трајко Босоевски, генералниот конзул на Р. Македонија во Торонто, амбасадорот Мартин Тренески, градоначалникот на градот Ла Сал господинот Гери Бакстер, генералниот конзул на Р. Македонија во Детроит Игор Дуковски и претседателката на Мулти-културниот центар Патриша Бојл која му врачи плакета на претседателот Талески за признание на допринесот што го даваат македонците од овој крај во јакненњето на мулти културниот живот. Потоа беа прочитани и поздравните писма на градоначалникот на Виндзор и праставниците во федералниот и провинцискиот парламент кои не беа во можност да присуствуваат на свеченоста. Првиот претседател на оваа црква господинот Спиро Бранов му врачи пригодна награда на свештеник д-р Мустеников по повод 15 годишниното успешното извршување на неговата пастирска мисија. Исто така на градоначалникот Гери Бакстер во знак на благодарност за големата подршка и соработка му беше подарена статуа на Свети Никола. На крајот беше промовирана мини-монографијата во која е презентиран четириестгодишниот растеж на оваа црква и културен центар.
Горди и радосни на успесите и резултатите што ги постигна оваа установа на верски, општествен и културен план членовите и гостите прославата ја продолжија со богата братска и сестринска вечера и македонска музика.
Информира : Маре Стефанова
Фотографии : Стојче Трпчевски
