08 август 2009 год- храмот на св. Петка, Скопје
Кондак на св. Параскева, глас 4.
Дојдете верни, заедно да и запееме песна на страдалницата Параскева, бидејќи таа во светот сјае со чудеса, прогонувајќи го мракот на прелеста, и благодат неисцрпна им дава на верните, кои викаат: Радувај се маченице, многустрадална.
Свето Евангелие од светиот апостол Матеј (зач. 64)
Во она време како ги повика Исус учениците Свои, рече: „Жал ми е за луѓето, оти три дена веќе стојат при Мене и немаат што да јадат; да ги распуштам гладни, не би сакал, за да не премалеат по патот.“ Но учениците Негови Му рекоа: „Каде ќе земеме толку леб во пустињава, за да нахраниме толку народ?“ Исус ги праша: „Колку лебови имате?“ А тие одговорија: „Седум и неколку риби.“ Тогаш му заповеда Исус на народот да поседне по земјата. И како ги зеде седумте лебови и рибите, благодари, ги прекрши и им ги даде на учениците Свои, а учениците - на народот. И јадеа сите и се наситија; и кренаа останати парчиња седум полни кошници. А оние, што јадеа, беа четири илјади души, освен жените и децата. Па, штом го распушти народот, влезе во кораб и пристигна во пределите Магдалски.
Божествена Литургија
Во деветтата недела по Педесетницата кога Света Црква го слави споменот на преподобната маченичка Параскева и преподобен Мојсеј Угрин , Неговото Блаженсво Архиепископот Охридски и Македонски г.г. Стефан, во сослужение на свештенство од храмот посветен на св. Петка во Скопје, отслужи Божествена Литургија. На Литругијата многубројниот верен народ се причести со Светите Христови Тајни.
