Драги браќа и сестри, Ве покануваме на 30.09.2011 г. (на празникот на св.маченички Вера, Нада и Љубов и мајка им Софија) во 20.00 часот во манастирот „Св.Димитриј“ с. Маркова Сушица на премиера за Скопската епархија на документарниот филм „Метох“ во изработка на режисерот Стојан Вујичиќ, продуцентот Огнен Антов и камерманот Емил Јовановски. „Метох“ е, навистина, прекрасна реализација на филмското платно, чијашто содржина е животот на монахињите од манастирот „Св. вмч. Георгиј Победоносец“ од Рајчица, метох на Бигорскиот манастир. Одлично е доловен духот на монашкото секојдневие: богослужбите, духовноста, послушанијата – со посебен нагласок на изработувањето на архиерејските митри. Филмот ќе биде прикажан на платно во дворот на манастирот, а настанот ќе биде збогатен и со присуството на женскиот хор „Св.Јован Кукузел“ кој настапува на неделните и празничните литургии во манастирот.
По проекцијата со почеток во 22.00 часот ги покануваме сите гости заедно да учествуваме на бдението кое ќе се одржи во манастирот.
