Скопје, 31 октомври 2011 год- храм на св.вмч. Димитриј
Свети Максим Исповедник
Ако сакаш да го пронајдеш патот што води кон животот, тоа барај го во оној Пат, Кој Сам за Себе вели: Јас сум патот, вистината и животот (Јн. 14, 6), и таму ќе го пронајдеш. Но, барај го со голем напор, зашто малкумина го наоѓаат (Мат. 7, 14); во спротивно, ќе отпаднеш од тие малкумина, и ќе бидеш во мнозинството.
На 31 октомври 2011 година, во дваесеттата недела по Педесeтница, на празникот на светиот апостол и евангелист Лука, и светите Јулијан и Дидим Слепецот во скопскиот храм на свети великомаченик Димитриј се отслужи Божествена Литургија. На Литургијата се причестија со Светите Христови Тајни.
Свето Евангелие од светиот апостол Лука (зач. 22)
Во она време, минуваше Исус во сабота преку нивјата и учениците Негови кинеа класје и, триејќи ги со раце, јадеа. А некои од фарисеите им рекоа: „3ошто го правите тоа, што не бива да се прави во сабота?“ Исус им одговори и рече: „3ар не сте читале што направи Давид, кога огладне сам тој и оние што беа со него? Како влезе во домот Божји, ги зеде лебовите од жртвеникот, што не требаше да ги јаде никој освен свештениците, па јадеше, и им даде на оние, што беа со него!“ И им рече: „Синот Човечки е господар и на саботата.“ Потоа, пак, и другата сабота влезе во синагогата и поучуваше; а таму имаше еден човек, кому десната рака му беше исушена. Книжниците и фарисеите гледаа на Него, дали ќе го излекува во сабота, за да Го обвинат. Но Он, знаејќи ги нивните помисли, му рече на човекот со исушената рака: „Дигни се и застани насреде!“ И тој се дигна и застана. Тогаш им рече Исус: „Ќе ве запрашам: што е позволено да прави човек во сабота - добро или зло? Да спаси ли една душа или да ја погуби?“ А тие молчеа. Па, откако ги изгледа сите, му рече на човекот: „Протегни ја раката своја!“ Тој направи така; и раката му стана здрава како другата.
Преминпортал
Лето Господово 2011
