логоFacebookTwitterYouTubeeMail

 ТРОПАРИ НА СВЕТИТЕЛИТЕ И ПРАЗНИЦИТЕ 

Тропар на преподобниот
отец Христифор Римјанин
30 август / 12 септември



Молитвата како река протекува низ умот човечки,
и ги согорува помислите на неговите богови,
метаниите те предадоа на Божјото милосрдие,
оче Христифоре преподобен,
моли се пред Бога постојано да се поклонуваме,
барајќи од ближните простување,
а од Него по твоите молитви милост голема.

Извор МПЦ – ОА
Манастир свети Јован Претеча Слепче

 

Тропар на светиот отец
Александар патријарх
Константинополски
30 август / 12 септември

Засакувајќи ја вистината Христова,
благодатта те укрепуваше во сите денови на животот твој,
 и Господ ги прими молитвите твои,
со кои ја посрами мудроста елинска,
и ја разобличи лагата Ариевска,
о, Александре пастиру Господов.
Нека по молитвите твои, кои ереста ја тргнаа
од местото свето, се удостоиме и ние на вечно спасение.

 
Извор МПЦ – ОА
Манастир свети Јован Претеча Слепче


Тропар на светиот отец
Евлалиј епископ
на Кесарија Кападокиска
30 август / 12 септември

Семе на благочестие посеа во
Кападокиска Кесарија и платонските врски
ги раскина служејќи служба Господова,
пример на вера ревносна на сите покажа
и при лоното Христово стигна,
од каде сега за нас о, Евлалие свети епископе,
пред Него застапи се.

 
Извор МПЦ – ОА
Манастир свети Јован Претеча Слепче


Тропар на преподобниот отец
Фантин
30 август / 12 септември

Господ Спасителот те облече во сила одозгора,
заради ревноста твоја и воздржанието на страстите,
 о Фантине оче преподобен, а ти земното патешествие
во собирање на мудрост и благодат го претвори,
упокојувајќи се во вечноста, при Христа љубовта твоја прва,
каде сега моли се за нашето спасение.


 
Извор МПЦ – ОА
Манастир свети Јован Претеча Слепче

Тропар на светите
Христови маченици
Филакс епископ, Јануариј презвитер,
Фуртунијан и Септимин
30 август / 12 септември

Природата се побуни против неразумноста човекова
 и знаци видливи покажа за да го разбуди родот човечки,
о Филаксе, Јануарие, Фуртунијане и Септимине,
војници храбри Христови кои лагата на мракот
ја изобличивте и величествени венци маченички добивте,
застапете се сега и секогаш за родот човечки.



 
Извор МПЦ – ОА
Манастир свети Јован Претеча Слепче



Тропар на светиот
Христов патријарх
Павле Константинополски
30 август / 12 септември

Благословот Господов на тебе почива
о, Павле слуго на Вишниот,
бидејќи Он благоизволи да ти даде денови
за покајание, и го прими твоето исповедание
со кое се отворија вратите на вистината,
и исповедништвото за иконите свети победи.
Одморајќи се од трудовите свои,
веселејќи се при Оној Кој простува
спомни нѐ и нас да не паднеме во заблуда
во овој прељубодеен живот.

 
Извор МПЦ – ОА
Манастир свети Јован Претеча Слепче

 

Тропар на преподобниот отец
Сармат
30 август / 12 септември

Со благодатта Христова ја победи телесната потреба
 и сон не даваше на очите твои молитвени,
докажувајќи дека во Бога е силата и волјата,
да даде сѐ што е за спасение на човека.
Затоа велики подвижниче Сармате измоли
и за нас преобразување на страстите телесни.

 
Извор МПЦ – ОА
Манастир свети Јован Претеча Слепче


Тропар на светите Христови
Мелитински маченици
30 август / 12 септември

Патувајќи по морето на овој живот,
водата ви беше бања на повторно раѓање
и водата ви стана река која кон Животот
ве поведе о, маченици свети Мелитински,
молете се водната бања на секого од нас
да остане чиста и неосквернета.


 
Извор МПЦ – ОА
Манастир свети Јован Претеча Слепче

Тропар на преподобниот отец
Христофор
30 август / 12 септември

Подвиг на подвиг додавајќи,
благодат врз благодат во тебе се собираше,
преподобен оче Христофоре и молитвата
 кон Господа дишење и живот ти постана,
со која ти пред Светлината се претстави
примајќи награда во вечноста.
Моли се за нас свети подвижнику
да се запалат и кандилата наши,
пред Спасителот на светот.

 
Извор МПЦ – ОА
Манастир свети Јован Претеча Слепче

Тропар на светите
Христови шеснаесет
Тивејски маченици
30 август / 12 септември

Мечот положен на телата ваши
не ја допре душата која се ослободи од тежината на плотта,
а и тие преминувајќи во вечноста ќе ја остават
земната тежина, о, свети исповедници шеснаесет
Тивејски, молете Го Оној Кој ве воздигна
и на нас да погледне по вашите свети молитви.

 
Извор МПЦ – ОА
Манастир свети Јован Претеча Слепче

Тропар на светиот
Христов патријарх
Јован Константинополски
30 август / 12 септември

Блажен си ти Јоване пастиру Христов
кој удостоен беше од Господа
понижување да претрпиш заради вистината,
но благодатно закрепнат верата преку тебе се утврди,
Север беше посрамен и мирот се зацари во Црквата Божја.
Пребивајќи сега во небесните дворови
спомни нѐ пред Христа нас кои
живееме во овие бурни времиња.

 
Извор МПЦ – ОА
Манастир свети Јован Претеча Слепче

Тропар на преподобниот отец
Александар Свирски
30 август / 12 септември

Од младоста богомудар, со духовна желба
во пустината си се вселил,
посакувајќи Единиот Христос ревносно да Го следиш.
Затоа и Ангелските чинови гледајќи те, се восхитија,
како со плотта против невидливите лукавства
подвизувајќи се премудар,
ги победи полковите на страстите со воздржание,
и се покажа како рамноангелен на земјата,
преподобен Александре, моли Го Христа Бога,
да ги спаси нашите души.


 
Извор МПЦ – ОА



  Извор МПЦ – ОА
Манастир Св. Јован Претеча Слепче

Од Верскиот календар на МПЦ (12.09.2021)

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на апокалиптик (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2021 лето Господово

 Од Верскиот календар:

Преподобен Христофор

Подвижник од 4 век во обителта на Свети Теодосиј. Виде во визија дека кандилата на трудољубивите монаси горат, а оние на мрзливите не горат.

Светите Александар, Јован и Павле, патријарси Цариградски

 
Александар учетсвуваше на I Вселенски Собор во Никеја, наместо престарениот патријарх Митрофан, когошто потоа го наследи. Kога некои философи сакаа да се препираат со него за верата, на едниот од нив му рече: „Во името на мојот Господ Исус Христос ти заповедам да замолкнеш!“ И во тој миг философот онеме. Со својата молитва и на Ариј тој му го прекина животот. Се упокои на возраст од деведесет и осум години, во 340 година. Свети Јован Постник управуваше со Црквата во времето на злиот цар Анастасиј, еретик акефалит. Се упокои во 595 година. Свети Павле IV управуваше со Црквата пет години и осум месеци. Од престолот се одрече откако тајно прими схима, за да се покае за гревот што најпрво се согласи со иконоборците. Му беше претходник на големиот Тарасиј и се упокои во времето на Ирина и Константин, во 784 година.

Собор на сите српски просветители и учители

 
Овој ден не се споменуваат сите српски светители воопшто, туку само неклолкумина архиепископи и патријарси, и тоа, Свети Сава, првиот српски архиепископ, наречен рамноапостолен; Арсениј, наследник на Свети Сава, голем архиереј и чудотворец; Сава II, син на првовенчаниот крал Стефан, живееше во Ерусалим подолго време, наречен сличен на Мојсеј во кротоста (Србљак); Никодим, се подвизуваше на Света Гора и беше игумен на манастирот Хилендар, потоа архиепиоскоп на сите српски и поморски земји; Јоаникиј, најпрво архиепископ, а од 1346 година патријарх; Ефрем, подвижник, наспроти сопствената волја избран за патријарх во времето на кнезот Лазар во 1376 година, го круниса Лазар, а потоа се откажа од патријаршисикот престол и се повлече во осама; Спиридон, наследник на Ефрем, се упокои во 1388 година; Макариј, обнови многубројни стари манастири, печатеше црковни книги во Скадар, Венеција, Белград и на други места, ја подигна прочуената трпезарија при пеќскиот манастир и многу стори за унапредување на Црквата со помош на својот брат, великиот везир Мехмед Соколовиќ, се упокои во 1574 година; Гаврил, по потекло благородник од Рајиќ, учествуваше на Московскиот Собор при патријархот Никон, заради што Турците го истизаваа како предавник и на крајот го обесија, во 1656 година. Освен овие се спомнуваат уште Евстатиј, Јаков, Данило, Сава III, Григориј, Јован, Максим и Никон. Многумина од нив се подвизуваа на Света Гора, но сите беа „раби блази и вјерни, добри же дјелателие винограда Господња“ (раби благи и верни, добри трудбеници на лозјето Господово).

Свети Евлалиј, епископ на Кесарија Кападокиска

Еден од претходниците на Свети Василиј. Својот син го лиши од чин на носење облека, заради неприличност кон духовниот завет

 

 

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 2739
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1921
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Беседи

Митрополит Пимен: ЗА Воскресението, гневот и пандемијата- „ЗБОРНИК НА КАРАНТИНСКИ БЕСЕДИ“

Митрополит Пимен: ЗА Воскресението, гневот и пандемијата- „ЗБОРНИК НА КАРАНТИНСКИ БЕСЕДИ“

Та Христос не воскресна само во Ерусалим, та Христос не воскресна само во храмовите. Христос воскресна за сите, за секој и секаде. Христос воскреснува во срцето на секој еден од...

Митрополит Струмички Наум: Сега... сакаш да имаш или да немаш?

Митрополит Струмички Наум: Сега... сакаш да имаш или да немаш?

Значи, наместо судење и осудување и самооправдување, Христос ни го покажува патот на самоукорување и самоосудување, патот напуштен од речиси сите денес; патот на смирението.Прашање е дали воопшто и можеме...

Митрополит Струмички Наум: Потсетник (06.10.2021)

Митрополит Струмички Наум: Потсетник (06.10.2021)

Денешното апостолско четиво (Гал. 6, 3) ме потсети на малиот број „христијани“, кои поради својата внатрешна душевна расцепеност и меѓусебната поврзаност по таа основа, се однесуваат како отцепени, не само...

Митрополит Струмички Наум: Двоедна заповед (03.10.2021 08:43)

Митрополит Струмички Наум: Двоедна заповед (03.10.2021 08:43)

Да не се лажеме себеси... Оној што ја има љубовта како дар на благодатта на Светиот Дух не може истовремено и да мрази. Нема тука место за обичните човечки чувства,...

Митрополит Струмички Наум: Љубовта ќе олади (01.10.2021)

Митрополит Струмички Наум: Љубовта ќе олади (01.10.2021)

Љубовта ќе олади кај тие што ја добиваат како дар Божји во Црквата, а не ја негуваат и не ја развиваат. Љубовта ќе олади кај христијаните, кај православните. Божествена љубов...

 Митрополит Стумички Наум: Тајната на личниот крст (29.09.2021)

Митрополит Стумички Наум: Тајната на личниот крст (29.09.2021)

Често луѓето имаат желба да се на местото на некој друг. Сакаат да ја имаат видливата власт и славата на другиот, сакаат да ги имаат видливите пари и имот на...

 архим. Георги Капсанис: ВО ЗНАК НА НАШАТА ЉУБОВ

архим. Георги Капсанис: ВО ЗНАК НА НАШАТА ЉУБОВ

Незамисливо е да се биде христијанин без подвиг и крст. Оној што води лесен живот не може да се нарече христијанин. Некои луѓе отсекогаш верувале дека христијанин е оној кој...

 Митрополит Струмички Наум: Свадбена облека (25.09.2021)

Митрополит Струмички Наум: Свадбена облека (25.09.2021)

Свадбена облека е подвигот на очистување на срцето од страстите во послушание. Без овој подвиг никој не може да се нарече христијанин. За монасите и свештенството свадбена облека е нешто...

Беседа на Рождеството на Пресвета Богородица - Митрополитот Европски г. Пимен

Беседа на Рождеството на Пресвета Богородица - Митрополитот Европски г. Пимен

Колкава е потребата на човека од храм, од место каде ќе се среќава со Бога, од место каде ќе може молитвено да Му се обрати на Господа, па колку и...

« »