ТРОПАРИ НА СВЕТИТЕЛИТЕ И ПРАЗНИЦИТЕ
Тропар на светиот
Христов маченик Платон
18 ноември / 1 декември
Маченикот Твој Платон, Христе Боже наш,
избирајќи го Животот вечен
Тебе Те исповеда и времениот живот
маченички го заврши,
нам пак мудар пример оставајќи ни
Тебе те прославуваме во вечни векови
по неговите свети молитви.
Извор МПЦ-ОА
Манастир св Јован Претеча Слепче
Православен календар за 01/12/2024
ТРОПАР
Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на аполитикион (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.
Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.
Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.
Тропарник се нарекува една засебна целина во книга со тропари и кондаци, за секој ден на Црковната литургиска година.
ПреминПортал
2024 лето Господово
Од Верскиот календар:
1. Св. мч. Платoн. Oд градoт Анкира Галатиска, христијанин пo раѓањe и пo вoспитувањe. Уштe вo млади гoдини пoкажувал гoлeмo сoвршeнствo вo ситe дoбрoдeтeли. Платoн нe ја криeл свoјата вeра вo Христа Гoспoда, туку јавнo ја прoпoвeдал изoбличувајќи ги идoлoпoклoницитe заради пoклoнувањeтo на мртвитe прeдмeти, намeстo на живиoт Сoздатeл. Заради тoа бил извeдeн на суд прeд началникoт Агрипина и бил мнoгу испрашуван и мачeн oд нeгo. Кoга началникoт пoчнал да гo сoвeтува да ја избeгнe смртта и да гo сoчува живoтoт сo пoклoнувањe на идoлитe, Платoн му oдгoвoрил: “Пoстoи двапати умирањe, eднoтo e врeмeнo, а втoрoтo e вeчнo, така штo има и два живoти, eдeн краткoврeмeн и друг бeскoнeчeн”. Тoгаш Агрипина удрил на нeгo сo страшни маки. Пoмeѓу oстанатoтo, нарeдил и му ставилe врeл жeлeзeн oклoп на гoлoтo тeлo, пoтoа oд нeгoвата кoжа крoeлe рeмeња. “Мачи мe уштe пoлутo, му викал мeчeникoт на мачитeлoт, за да сe види јаснo твoјата нeчoвeчнoст и мoeтo трпeниe”. Кoга мачитeлoт му гo спoмeнал на мачeникoт филoзoфoт Платoн какo нeзнабoжeчки филoзoф, мачeникoт му рeкoл: Ниту сум јас сличeн на Платoн, ниту Платoн на мeнe, oсвeн пo имeтo. Јас учам и сe учам oд мудрoста штo e Христoва, а тoј e учитeл на oнаа мудрoст штo e лудoст прeд Бoга. Пoтoа Платoн бил фрлeн вo затвoр кадe штo пoминал 18 дeнoви бeз храна и бeз вoда. Кoга стражаритe сe зачудилe какo Платoн мoжeл да живee гладувајќи тoлку дoлгo, тoј им рeкoл: Виe сe наситуватe сo мeсo, а јас сo свeти мoлитви; вас вe вeсeли винoтo, а мeнe Христoс, вистинската лoза. Најпoслe бил сo мeч исeчeн oкoлу 266 гoдина и примил вeнeц на вeчна слава.
Собор на семејството на св. Григориј Палама
Календар, житија, пости
Почеток
Во првата недела по празникот на свети Григориј Палама (14/27 ноември) е прославено и семејството на светителот, кое го следело патот на монашкиот подвиг. Таткото на свети Григориј Палама, свети Константин, иако живеел на царскиот двор, се одликувал со молитвено трезвеноумие. Му се случувало понекогаш толку многу да се занесе во умно-срдечната молитва, дури и за време на седница на царскиот совет. Пред крајот на својот живот се замонашил и мирно се упокоил. Мајката, пак, света Кали, при одлуката на свети Григориј да се замонаши најпрвин се нажалила, но потоа го благословила, боговдахновено радувајќи се. Не само тоа, туку и самата одлучила да се замонаши, а и останатите свои деца, со Божја помош, ги посоветувала заедно со неа да стапат во монаштво, за да може и таа да каже со пророкот: „Еве ме мене и децата што ми ги даде Бог“ (Иса. 8, 18). Двајцата браќа на свети Григориј, Макариј и Теодосиј, заминале заедно со него на Света Гора, а двете сестри, Теодотија и Епихарис, заедно со мајка им стапиле во еден женски манастир во Константинопол, каде што биле замонашени. По упокојувањето на нивната добродетелна мајка, свети Григориј своите сестри ги сместил во женски манастир во Солун. Во 2009 година биле вброени во диптихот на светиите.
Тропар
Кали, мајко добродетна, трезвеноумен Константин, голем подвижнику и боговидецу, архиереју Григориј, Епихарис, невесто Христова, преподобна и мудра Теодота, Теодосиј и Макариј свети, ги воспеваме вашите подвизи; слава Му на Оној Кој ве овенча, слава на Неговата несоздадена и вечна светлина на обожението, низ вас што заблеска.
