ВЕЧЕРВА
18/04/2020
Ќе се собереме
од краиштата на сите времиња
погледи ќе си размениме
во вечер која утро ќе дочека.
Заедно
опашани со ограда
во круг околу Чесна Трпеза
љубовно заробени од Света Литургија.
Ајде, ајде повикани
браќа и сестри, ктитори
и сите вие од минато христијани
спомнати на сите четири страни
во молитви на ѕидови од Храмот испишани.
Торжествено да си спомнеме
за молби осветени, исполнети –
сите Едно да сме
во овие Воскресни мигови.
Небо отвори се,
Храму подигни се,
Огну Небесен посети нѐ,
во срца наши распали се.
Мисла чиста
застанала на уста човечка,
виор од срце излегува на површина
се шири по цела вселена
Христос Воскресе ! 
Од поезијата Манастирски води на сестринството на манастирот
https://www.manastirslepche.mk/novost/vecerva/
Друго:
3ти мај 2021 лето Господово
ПП
Св. великомаченик Мина; Св. маченик Стефан Дечански, крал српски; Св. маченици Виктор и Стефанида; Св. маченик Викентиј ѓакон; Преп. Теодор Студит; 
